If you have would like a copy of this version please contact info@davaraudiobibles.org

Text: Gowli New Testament, CC-BY-SA-4.0, The Love Fellowship. -- Audio: Gowli New Testament Audio Bible, CC-BY-SA-4.0, Davar Partners International, The Love Fellowship, 2023

Gowli New Testament

Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.

डाबोलटे बरी दिन गा बादोन गलील जिल्हा गा काना पुरान जेका गा ब्याह डा एठा यीशु गा आंटे भी देटेन डा। यीशु एठा दियागा चेलाकूभी डी ब्याह गेन आमंत्रित डा। जब पाओनाकुनी सेबाई अंगूर रेस्सो नुये, मेटे यीशु गा आंटे नी दियाटे मंडीके, “दिकु अंगूर गा रेस्सो स्याएन होय।” यीशु नी दियाटे मंडीके, “हे बाई, आम इंज्के चोया घागल लक्के होय? इंजा टेमो आए हेजडुका होय।” पेनो दियागा आंटे नी भाग्यकु टे मंडीके, “जो चोचकाभी देटेन आपेटे मंडे डीका डाए।” यहूदी कुरकू गा हिकुका धर्मिक रिती रिवाज रोंगो टी अबुंज गा घल्जी, दिकुनी देटेन घोटा गा तुरुई खुबळी डोके डा, हर म्या खुबळीन अंदाजोटे म्या सेद्दी लिटर ठाऊ डा। यीशु नी डी भाग्यकु टे मंडीके, “खुबळीन डा भेट्टीकी।” मेटे दिकुनी खुबळी के चभू टाएन भेट्टिके। मेटे यीशु नी भाग्यकु टे मंडीके, “नका डा ओटटे खाना गा कार बरी मेरान साईय्या।” इनिघल्जी दिकु डाके दियागा मेरान साईय्ये। जब खाना कार बरी नी डी डाके चिटाके, जो अंगूर रेस्सो आरोएन डा डिच्के बान मालूम डा कि तुंगाटे हेन होय, पेनो जो भाग्यकु नी डा ओटके डा दिकु हाडाई डा, इनिघल्जी खाना गा कार बरी नी नवरा के हाकोटे दियाटे मंडीके, “हरेक पाओना पेला सेबाई टे अच्छा अंगूर गा रेस्सो एठा बड़ोन सदा अंगूर रेस्सो जेबा होय, कुरकू पूरा लाज भेट्टेन बादोन बेकार अंगूर गा रेस्सो जेबा होय। पेनो आमनी अच्छा अंगूर गा रेस्सो आए टाएन डोके होय।” यीशु नी गलील जिल्हा गा काना पुरान हेजा इनी पेला चिन्हा घाल्टे हेजा महिमा ओटके एठा दियागा चेलाकूनी दिया लिंजेन विश्वास डाके कि देटेन मसीह होय। येनेगा बादोन देटेन, दियागा आंटे, दियागा डाईचो एठा दियागा चेलाकू कफरनहूम पूरा कोनेन ओले एठा देटेन अदा दिन थंदळके।

जब यहूदी कुरकू गा फसह गा तिवार गा टेमो मेरान डा, मेटे यीशु यरूशलेम शहर गेन ओले। डीचनी यरूशलेम गा मंदिर गेन डोबाकु, मेंडाकू, एठा कबूत्तर किकीजीमिंकू एठा डामा बबादला धंधामिंकुके सुबानटे डोकेकु। मेटे डीचनी दोरा गा बढढा आरुटे सेबाई मेंडाकू एठा डोबाकुके यरूशलेम गा मंदिर टे ओटकेकु एठा धंधा मिंकुगा डामा चिगळ-बिगाळके एठा दिकुगा टेबाल पलटीके, एठा कबूत्तर किकीजी मिंकूटे मंडीके, “इंकुके येटे टे साईय्याकु। इंजा बाटे गा यरूशलेम गा मंदिर धंधा गा उरा बाकी आरु।” मेटे दियागा चेलाकून यादो हेन कि दाऊद नी इनी वचन के पवित्र ग्रंथ गेन ओल्के होय, “अमा उरा गा भक्ति इंजा तलान सिंगेल गा रोंगो जुलूवा होय।” इनी घटना लिंजेन यहूदी अगुवाकु नी दियाटे कोम्बाराके, “आम तुनी अचम्बो कामय आलेके घाले सकतावा होय, देटे आले इनी चिनाए कि आमके येनेगो दडा गा हाक होय?” यीशु नी दिकुके जवाब जीके, “इनी मंदिर के बोचोकी एठा इंज इनिके आफाई दिनेन डाबोलटे आरोएवा।” यहूदी अगुवाकु नी मंडीके, “इनी मंदिर के आरुन चालीसो साल गईय्ये एठा चोच आम इनिके आफाई दिनेन आरोएवा।” पेनो यीशु जो मंदिर गा बारेन मंडी लक्के डा, देटेन दियागा कोम्बोर डा। जब देटेन गोएन मिठाजा टे डाबोलटे जीटाएन मेटे दियागा चेलाकून यादो हेन कि डीचनी इनी मंडीके डा। एठा दिकुनी पवित्र ग्रंथ जो यीशु गा डाबोलटे जीटाऊ गा बारेन घागलवा होय, डी वचन लिंजेन विश्वास डोके।

जब देटेन फसह गा तिवार गा टेमोन यरूशलेम शहर गेन डा, मेटे घोनेच्कुका डी अचम्बो चिन्हा के जो देटेन घाले डा धोटे डे लिंजेन विश्वास डोके। पेनो यीशु नी येटेन विश्वास बान दडुका कि दिकुनी दिया लिंजेन भरोसा डोके होय। चोयाकी देटेन कोरो गा स्वभाव के हाडाई डा, दियेन जेका गा जरुरत बाऊ डा जो डीचके कुरकू बारेन घालेवा चोयाकी देटेन खुद हाडाई डा कि दिकु मनेन चोच होय।

استمع إلى यूहन्ना 2