Zapoteco de San Juan Guelavia - 1995 Edition (NT) Non-Drama

Zapoteco de San Juan Guelavia - 1995 Edition (NT)

<div class="version vid283 iso6393zab" data-vid="283" data-iso6393="zab">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="r">(Mr. 3:13-19; Lc. 6:12-16)</div><div class="p"> 1Jes&#250;s gur&#616;dxny ts&#616;btiop xp&#616;nny, ax bdeedny laadeb guelrnabee par cu&#233;edeb de b&#616;ndxab l&#225;ani de bniety ne par isiacdeb de bniety ni rac cal&#237; rac ne de ni nap iralote guelguidx.</div><div class="p"> 2De bnietr&#233; n&#225; ni rac ts&#616;btiop de ap&#243;stol xtenny: Sim&#243;ny ni gulel&#225;ny Bed, cun betsb&#616; Andr&#233;s, ne Jacob cun Juany de llingaan Zebedeo. 3Chiy Liby, Bartol, Mally cun Madeu ni guc cobrador xte impuest, ne Jacob llingaan Alfeo cun Lebeo ni l&#225;za Tadeo 4ne Sim&#243;ny ni bdxaa lo de cananista cun Judas Iscariote ni baany entriagu laany.</div><div class="r">(Mr. 6:7-13; Lc. 9:1-6)</div><div class="p"> 5Anste ni ixiaald Jes&#250;s irate ts&#616;btiop xp&#616;nny, laany raipny laadeb:</div><div class="p">&#8212;Qu&#616;t chiatit nez rut rbez de ni qu&#616;t n&#225; bniety Israel, nicl&#616;za de gu&#616;dx Samaria 6sino que gulchia nez rut rbez de bniety Israel ni qu&#616;t zenuu xnez Dios. 7Gultixtee lodeb dec azeddz&#616;ngax guelrnabee xte Dios. 8Chiy gulsiac de bniety racx&#250;, gulsb&#225;ny de bniety ni aguty, gulsiac de bniety ni nap guelguidx ni l&#225; lepra, ne guld&#233;e b&#616;ndxab l&#225;ani de bniety. Zec ni bguaada laat guelrnabeec, ziyza chi isiact&#616; bniety qu&#616;t xi g&#250;ntit cobr&#616;.</div><div class="p"> 9&#8217;Qu&#616;t chan&#233;tit or, nicl&#616;za plat, nicl&#616;za cobr&#616;, 10nicl&#616;za tuby bols par nez. De ladyzi ni nacut&#616; gulchan&#233;, qu&#616;t chan&#233;tit tiop cuaa xcuracht&#616; nicl&#616;za bast&#243;n. Te pur ni run dz&#616;&#616;ny zaibgueldpac ideeddeb ni iquiinb&#616;.</div><div class="p"> 11&#8217;Chi idz&#616;nt&#616; tuby gu&#616;dx o tuby ciuda, guld&#233;e rson t&#250; bniety n&#225; g&#252;en cuezt&#616; lizni, ax lizb&#616; guly&#225;an axtqu&#616; chi idiiat gu&#616;dxqui. 12Ne chi yiiut lizb&#616;, gulgats de ni rbez ruy: Dios iguaadny laat guelnaldiulaaz. 13Ax belati ri&#225;lddeb bendicionqui ziianni ruy, per belati qu&#616;t n&#225;ni par laadeb ax ziecquini cun laat. 14Chiy belati nuu gu&#616;dx o yuuza rut qu&#616;t tu rcaaz laat nicl&#616;za qu&#616;t rcaazdeb icuadiagdeb ni iniit, guldiia ruy ne guldz&#616;by guxuld niit zec tuby seny dec qu&#616;t bcuadiagtideb diidx. 15Te pur nare rguixtiia lot dec dxi ni ideed bniety cuend Dios, mazru castiguroo y&#225;lddeb que de bniety Sodoma ne Gomorra.</div><div class="p"> 16Ziyza raipy Jes&#250;s de xp&#616;nny:</div><div class="p">&#8212;&#161;Gulguiaa! Nare rxiaalda laat zec chi re de ll&#237;ily glay de begu. Pur ningui gulgaany viv zecpacza tuby b&#233;eld, per nadolaaz zecpacza de palom. 17Gulcualo laat te pur zun de bniety entriagu laat lo de gurtisy, staazdeb laat l&#225;ani de yudoo. 18Ne zen&#233;deb laat axt lo de gobernador ne lo de rey pur ni reldilaazt&#616; nare, per ziy xquel ch&#250;u nez g&#252;eet xtiidxa nez lodeb ne nez lo de b&#616;ny ni qu&#616;t zenuu xnez Dios. 19Chi chan&#233;deb laat lo de gurtisy qu&#616;t ch&#250;utit guelrsaa nicl&#616;za qu&#616;t g&#250;ntit xgab xa iniit, te pur hor ni iniit, Dios iguaadny laat de diidx ni n&#225; par iniit. 20Te pur gati laatit&#616;y iniit, Sp&#237;ritu Sant xte Xtadn&#616; Dios&#616;y inii pur laat.</div><div class="p"> 21&#8217;Teru ch&#250;u dxi ni g&#250;n de bniety entriagu lagac betsdeb par gatydeb. Chiy de dad g&#250;ndeb entriagu lagac de lliindeb, ne teruza g&#250;nza de bniety entriagu lagac xtaddeb ne xnandeb par gatydeb. 22Chiy ziyza irate b&#616;ngu&#616;chliu idxichn&#233; laat pur ni n&#225;t xp&#616;nnia, per bniety ni sutipn&#233; ni reldilaazb&#616; nare axt l&#250;ltm&#616; hor, ax laab&#616;y y&#225;ldb&#616; llayabaa. 23Chi sunalddeb laat l&#225;ani tuby gu&#616;dx ax gulchia stuby gu&#616;dx, te pur nare rguixtiia lot dec anste ira de gu&#616;dx xte Israel chiat chi gueed Bniety ni bxiaald Dios.</div><div class="p"> 24&#8217;Nic tuby bniety qu&#616;t mazru sacti lo xmaistr&#616;b, nicl&#616;za tuby mos qu&#616;t mazru sactib lo xl&#225;mb&#616;. 25Ni caseed n&#225; par y&#225;anb&#616; cunform&#616; chi an&#225;nb&#616; zecti ni n&#225;n xmaistr&#616;b ne tuby mos n&#225; par y&#225;anb&#616; cunform&#616; chi an&#225;b zec xl&#225;mb&#616;. Anre nare ni rnabiia laat, agulel&#225; de b&#616;ny nare Beelzeb&#250; ax, &#191;tuguanqu&#616;za xi iniideb pur laat ni n&#225;t de xp&#616;nnia?</div><div class="r">(Lc. 12:2-9)</div><div class="p"> 26&#8217;Per qu&#616;t idxibtitdeb pur ziy, te pur nic tuby de ni nuu xgaats qu&#616;t y&#225;anti sin qu&#616;t y&#237;any, ne nicza tuby de ni n&#225; xgaats qu&#616;t y&#225;anti sin qu&#616;t gacbeetiza bniety. 27Ni caniia laat xgaats, gulgaipni de bniety, ne ni caniia laat dxiga gultixteeni lo tutixpac de bniety. 28Qu&#616;t idxibtit de ni rcaaz quinx&#250; laat. Te pur zelee quinx&#250;deb xcuerp&#616;t, per sp&#237;rit xtent&#616; ruteete qu&#616;t tu chaleeti iguaaldni. Mazru g&#252;en guldxiby Dios te pur laany zelee initlony xcuerp&#616;t ne ixiaaldzacny sp&#237;rit xtent&#616; infiern&#616;.</div><div class="p"> 29&#8217;Laat n&#225;nt&#616; dec de maniin ni rzu qu&#616;t sactidem guyally, per nic tubydem qu&#616;t raitti sin xtidxbee Xtadn&#616; Dios. 30Ne laat axt de guichquiat tuby pur tubyni n&#225; cuend lo Dios. 31Pur ningui, qu&#616;t idxibtit te pur mazrupac sact&#616; que zieny de maniin.</div><div class="r">(Lc. 12:8-9)</div><div class="p"> 32&#8217;Tutix bniety ni inii nez lo de b&#616;ngu&#616;chliu dec xp&#616;nniab, ziyza nare sniizaca nez lo Xtada Dios ni rbez llayabaa dec xp&#616;nniab. 33Per elqu&#616; bniety ni inii nez lo b&#616;ngu&#616;chliu dec gati xp&#616;ntiab, ziyza nare sniizaca nez lo Xtada Dios ni rbez llayabaa dec gati xp&#616;ntizacab.</div><div class="r">(Lc. 12:49-53; 14:26-27)</div><div class="p"> 34&#8217;Qu&#616;t ililot dec zelda lo gu&#616;chliu par gac de bniety tubyzi sino que pur guelreldilaaz nare, sdildn&#233; de bniety saani. 35Pur guelreldilaaz nare sdxichn&#233; de nguiu xtadni, chiy de gunaa idxichn&#233; xnanni, ne guliz ax idxichn&#233; xnansuegr&#616;ni. 36Iratect&#616; lagacqu&#616; de bniety lizt&#616; idxichn&#233; laat.</div><div class="p"> 37&#8217;Elqu&#616; ni mazrupac rcaaz xtadni, o xnanni que nare, qu&#616;t xo gactib xp&#616;nnia. Ziyza ni mazrupac rcaaz llingaanni o llindxaapni que nare, qu&#616;tza xo gactib xp&#616;nnia. 38Elqu&#616; ni sanald nare ne qu&#616;t rcaazb&#616; teedb&#616; guelzii pur nare, qu&#616;t chaleeti gacb&#616; xp&#616;nnia. 39Elqu&#616; ni mazru run pur guelnab&#225;ny ni napb&#616; lo gu&#616;chliur&#233;, zuu chi initb&#616;ni. Per elqu&#616; ni gaty pur nare, zapb&#616; guelnab&#225;ny llayabaa.</div><div class="r">(Mr. 9:41)</div><div class="p"> 40&#8217;Ziyza elqu&#616; ni g&#250;n cuend laat, laab cayunb&#616; cuend nare. Ne ni run cuend nare, laab cayunb&#616; cuend ni bxiaald naa. 41Elqu&#616; ni g&#250;n cuend tuby profet pur ni z&#233;edb&#616; pur Dios, ax bniety ni g&#250;n cuend profetqui, sc&#225;ab ni ri&#225;ldtiziac tuby profet lo Dios. Ziyza ni g&#250;n cuend tuby bniety zaac ni nab&#225;ny zec ni rcaaz Dios, bniety ni g&#250;n cuend laab, sc&#225;ab ni ri&#225;ldtiziac tuby bniety zaac lo Dios. 42Ne tutix ni in&#616;&#616;dx laat masqu&#616; tuby vassi nis naldiu pur ni n&#225;t xp&#616;nnia, rguixtiia lot dec ziyza zuu xi ideed Dios laab.</div>
 </div>
 </div>
</div>

Jesús gurɨdxny tsɨbtiop xpɨnny, ax bdeedny laadeb guelrnabee par cuéedeb de bɨndxab láani de bniety ne par isiacdeb de bniety ni rac calí rac ne de ni nap iralote guelguidx.
De bnietré ná ni rac tsɨbtiop de apóstol xtenny: Simóny ni gulelány Bed, cun betsbɨ Andrés, ne Jacob cun Juany de llingaan Zebedeo. Chiy Liby, Bartol, Mally cun Madeu ni guc cobrador xte impuest, ne Jacob llingaan Alfeo cun Lebeo ni láza Tadeo ne Simóny ni bdxaa lo de cananista cun Judas Iscariote ni baany entriagu laany.

Anste ni ixiaald Jesús irate tsɨbtiop xpɨnny, laany raipny laadeb:
—Quɨt chiatit nez rut rbez de ni quɨt ná bniety Israel, niclɨza de guɨdx Samaria sino que gulchia nez rut rbez de bniety Israel ni quɨt zenuu xnez Dios. Gultixtee lodeb dec azeddzɨngax guelrnabee xte Dios. Chiy gulsiac de bniety racxú, gulsbány de bniety ni aguty, gulsiac de bniety ni nap guelguidx ni lá lepra, ne guldée bɨndxab láani de bniety. Zec ni bguaada laat guelrnabeec, ziyza chi isiactɨ bniety quɨt xi gúntit cobrɨ.
’Quɨt chanétit or, niclɨza plat, niclɨza cobrɨ, niclɨza tuby bols par nez. De ladyzi ni nacutɨ gulchané, quɨt chanétit tiop cuaa xcurachtɨ niclɨza bastón. Te pur ni run dzɨɨny zaibgueldpac ideeddeb ni iquiinbɨ.
’Chi idzɨntɨ tuby guɨdx o tuby ciuda, guldée rson tú bniety ná güen cueztɨ lizni, ax lizbɨ gulyáan axtquɨ chi idiiat guɨdxqui. Ne chi yiiut lizbɨ, gulgats de ni rbez ruy: Dios iguaadny laat guelnaldiulaaz. Ax belati riálddeb bendicionqui ziianni ruy, per belati quɨt náni par laadeb ax ziecquini cun laat. Chiy belati nuu guɨdx o yuuza rut quɨt tu rcaaz laat niclɨza quɨt rcaazdeb icuadiagdeb ni iniit, guldiia ruy ne guldzɨby guxuld niit zec tuby seny dec quɨt bcuadiagtideb diidx. Te pur nare rguixtiia lot dec dxi ni ideed bniety cuend Dios, mazru castiguroo yálddeb que de bniety Sodoma ne Gomorra.
Ziyza raipy Jesús de xpɨnny:
—¡Gulguiaa! Nare rxiaalda laat zec chi re de llíily glay de begu. Pur ningui gulgaany viv zecpacza tuby béeld, per nadolaaz zecpacza de palom. Gulcualo laat te pur zun de bniety entriagu laat lo de gurtisy, staazdeb laat láani de yudoo. Ne zenédeb laat axt lo de gobernador ne lo de rey pur ni reldilaaztɨ nare, per ziy xquel chúu nez güeet xtiidxa nez lodeb ne nez lo de bɨny ni quɨt zenuu xnez Dios. Chi chanédeb laat lo de gurtisy quɨt chúutit guelrsaa niclɨza quɨt gúntit xgab xa iniit, te pur hor ni iniit, Dios iguaadny laat de diidx ni ná par iniit. Te pur gati laatitɨy iniit, Spíritu Sant xte Xtadnɨ Diosɨy inii pur laat.
’Teru chúu dxi ni gún de bniety entriagu lagac betsdeb par gatydeb. Chiy de dad gúndeb entriagu lagac de lliindeb, ne teruza gúnza de bniety entriagu lagac xtaddeb ne xnandeb par gatydeb. Chiy ziyza irate bɨnguɨchliu idxichné laat pur ni nát xpɨnnia, per bniety ni sutipné ni reldilaazbɨ nare axt lúltmɨ hor, ax laabɨy yáldbɨ llayabaa. Chi sunalddeb laat láani tuby guɨdx ax gulchia stuby guɨdx, te pur nare rguixtiia lot dec anste ira de guɨdx xte Israel chiat chi gueed Bniety ni bxiaald Dios.
’Nic tuby bniety quɨt mazru sacti lo xmaistrɨb, niclɨza tuby mos quɨt mazru sactib lo xlámbɨ. Ni caseed ná par yáanbɨ cunformɨ chi anánbɨ zecti ni nán xmaistrɨb ne tuby mos ná par yáanbɨ cunformɨ chi anáb zec xlámbɨ. Anre nare ni rnabiia laat, agulelá de bɨny nare Beelzebú ax, ¿tuguanquɨza xi iniideb pur laat ni nát de xpɨnnia?

’Per quɨt idxibtitdeb pur ziy, te pur nic tuby de ni nuu xgaats quɨt yáanti sin quɨt yíany, ne nicza tuby de ni ná xgaats quɨt yáanti sin quɨt gacbeetiza bniety. Ni caniia laat xgaats, gulgaipni de bniety, ne ni caniia laat dxiga gultixteeni lo tutixpac de bniety. Quɨt idxibtit de ni rcaaz quinxú laat. Te pur zelee quinxúdeb xcuerpɨt, per spírit xtentɨ ruteete quɨt tu chaleeti iguaaldni. Mazru güen guldxiby Dios te pur laany zelee initlony xcuerpɨt ne ixiaaldzacny spírit xtentɨ infiernɨ.
’Laat nántɨ dec de maniin ni rzu quɨt sactidem guyally, per nic tubydem quɨt raitti sin xtidxbee Xtadnɨ Dios. Ne laat axt de guichquiat tuby pur tubyni ná cuend lo Dios. Pur ningui, quɨt idxibtit te pur mazrupac sactɨ que zieny de maniin.

’Tutix bniety ni inii nez lo de bɨnguɨchliu dec xpɨnniab, ziyza nare sniizaca nez lo Xtada Dios ni rbez llayabaa dec xpɨnniab. Per elquɨ bniety ni inii nez lo bɨnguɨchliu dec gati xpɨntiab, ziyza nare sniizaca nez lo Xtada Dios ni rbez llayabaa dec gati xpɨntizacab.

’Quɨt ililot dec zelda lo guɨchliu par gac de bniety tubyzi sino que pur guelreldilaaz nare, sdildné de bniety saani. Pur guelreldilaaz nare sdxichné de nguiu xtadni, chiy de gunaa idxichné xnanni, ne guliz ax idxichné xnansuegrɨni. Iratectɨ lagacquɨ de bniety liztɨ idxichné laat.
’Elquɨ ni mazrupac rcaaz xtadni, o xnanni que nare, quɨt xo gactib xpɨnnia. Ziyza ni mazrupac rcaaz llingaanni o llindxaapni que nare, quɨtza xo gactib xpɨnnia. Elquɨ ni sanald nare ne quɨt rcaazbɨ teedbɨ guelzii pur nare, quɨt chaleeti gacbɨ xpɨnnia. Elquɨ ni mazru run pur guelnabány ni napbɨ lo guɨchliuré, zuu chi initbɨni. Per elquɨ ni gaty pur nare, zapbɨ guelnabány llayabaa.

’Ziyza elquɨ ni gún cuend laat, laab cayunbɨ cuend nare. Ne ni run cuend nare, laab cayunbɨ cuend ni bxiaald naa. Elquɨ ni gún cuend tuby profet pur ni zéedbɨ pur Dios, ax bniety ni gún cuend profetqui, scáab ni riáldtiziac tuby profet lo Dios. Ziyza ni gún cuend tuby bniety zaac ni nabány zec ni rcaaz Dios, bniety ni gún cuend laab, scáab ni riáldtiziac tuby bniety zaac lo Dios. Ne tutix ni inɨɨdx laat masquɨ tuby vassi nis naldiu pur ni nát xpɨnnia, rguixtiia lot dec ziyza zuu xi ideed Dios laab.

استمع إلى San Mateo 10