Revised Quechua Cuzco Bible © Peruvian Bible Society, 2004. Quechua, Cuzco New Testament Drama ℗ 2007 Hosanna

Quechua, Cuzco - 2004 Edition (NT) Drama

<div class="version vid2391 iso6393quz" data-vid="2391" data-iso6393="quz">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">Wakcha viudaq ofrenda churasqanmanta</div><div class="r">(Mc 12.41-44)</div><div class="p"> 1Jesusmi qhapaqkunata Dios yupaychana wasipi alcanciaman qolqeta churaykushaqta rikusharqan. 2Huk wakcha viudatapas rikullarqantaq, chayman iskay qolqechata churaykushaqta. 3Chaymi Jesusqa nirqan:</div><div class="p">&#8211;Cheqaqtan niykichis, kay wakcha viudan llapankumanta astawanqa churaykun. 4Llapanmi qhapaq kashaspa puchuqnin qolqellata Diospaq ofrendata churaykunku, viudataq ichaqa wakcha kayninpi tukuy kawsananpaq kaqta llapanta churaykurqan, nispa.</div><div class="s1">Dios yupaychana wasiq thunikunanmanta</div><div class="r">(Mt 24.1-2; Mc 13.1-2)</div><div class="p"> 5Dios yupaychana wasiq sumaq ruminkunamanta qokuykunawan sumaqchasqa kasqanmantawan wakinkuna rimashaqtinkun Jesusqa nirqan:</div><div class="p"> 6&#8211;P'unchaykunan chayamunqa, kay qhawasqaykichiskunaqa lliwmi thunisqa kanqa, manan rumi patapi huk rumillapas qhepanqachu, nispa.</div><div class="s1">P'uchukay qaylla se&#241;alkuna</div><div class="r">(Mt 24.3-14; Mc 13.3-13)</div><div class="p"> 7Paytataq tapurqanku:</div><div class="p">&#8211;Yachachikuq, &#191;hayk'aqmi kay nisqaykiqa kanqa? &#191;Ima se&#241;altaq kanqa llapan kaykuna hunt'akunanpaqri? nispanku.</div><div class="p"> 8Chaymi Jesusqa nirqan:</div><div class="p">&#8211;Cuidakuychis, paqtataq pantachisqa kawaqchis, askhan sutiywan sutichakuspa hamunqaku: &#209;oqan Cristoqa kani, p'uchukay tiempopas sispaykamushan&#241;an, nispanku. Chay hinaqa, aman paykunaq qhepanta rinkichischu. 9Awqa-tinkuykunamanta, ch'aqwaykunamanta rimayta uyarispaykichisqa aman mancharikunkichischu, chaykunaraqmi &#241;awpaqtaqa kanan, ichaqa manan p'uchukayraqchu kanqa, nispa.</div><div class="p"> 10Jesusqa nillarqantaqmi:</div><div class="p">&#8211;Llaqtakunan huk llaqtakunawan maqanakunqaku, huk suyun hukkaq suyuwan maqanakunqa, 11sinchi pacha chhaphchiykunan kanqa, kayneqpi chayneqpi yarqaykuna, onqoykuna, hanaq pachapipas mancharikuy hatun se&#241;alkunan kanqa.</div><div class="p"> 12Ichaqa tukuy chaykuna &#241;awpaqtaraqmi runakunaqa hap'isunkichis, qatiykachasunkichis, sinagogakunaman, carcelkunaman aysasunkichis. &#209;oqaraykun reykunaq, kamachikuqkunaq &#241;awpaqenman apasqa kankichis. 13Ahinapin &#241;oqamanta paykunaman willankichis. 14Chay hinaqa, ama sonqoykichispi &#241;awpaqmanta yuyaykunkichischu imatachus kutichikunaykichista, 15&#241;oqan yachachisqaykichis yachaywan rimanaykichispaq, chaymi llapa awqaykichiskunaqa mana, atipaytapas kutichiytapas atisunkichischu. 16Ichaqa tayta-mamaykichis, wawqeykichiskuna, aylluykichiskuna, amigoykichiskuna kamachikuqkunaman hap'iykachisunkichis, wakinniykichistataqmi wa&#241;uchisunkichis. 17&#209;oqaraykun tukuypa cheqnisqan kankichis. 18Ichaqa chukchaykichispas manan hukllapas chinkanqachu. 19Qaqata sayaspaykichismi qespikunkichis.</div><div class="s1">Jerusal&#233;n llaqtata soldadokunaq muyuykunanmanta</div><div class="r">(Mt 24.15-21; Mc 13.14-19)</div><div class="p"> 20Jerusal&#233;n llaqtata askha soldadokunaq muyuykusqanta rikuspaykichisqa thunikuynin chayamusqanta yachaychis. 21Chaypacha Judea provinciapi kashaqkunaqa orqokunaman ayqechunku, Jerusal&#233;n llaqta ukhupi kashaqkunataq hawaman lloqsichunku, chakrakunapi kashaqkunapas ama&#241;a llaqtamanqa haykuchunkuchu. 22Chay p'unchaykunapin Diosqa llaqtanta muchuchinqa paypa nisqan qelqasqakuna lliw hunt'akunanpaq. 23&#161;Ay, chay p'unchaykunapi wiksallikuqkunamanta! &#161;Ay, wawata &#241;u&#241;uqkunamantapas! Kay pachapin manchay &#241;ak'ariy kanqa, kay llaqtapaqpas manchay phi&#241;akuymi kanqa. 24Wakintan soldadokuna espadawan wa&#241;uchinqaku, wakintataq llapa suyukunaman presota apanqaku, Jerusal&#233;n llaqtatapas wak suyu runakunan munaychakunqaku, wak suyu runakunaq kamachikunan tiempo hunt'akunankama, nispa.</div><div class="s1">Runaq Churinpa kutimunanmanta</div><div class="r">(Mt 24.29-31; Mc 13.24-27)</div><div class="p"> 25Jesusqa nillarqantaqmi: &#8211;Se&#241;alkunan intipi, killapi, ch'askakunapipas kanqa, kay pachapitaq suyukuna manchay llakikuypi rikukunqaku, mancharikunqakutaqmi lamar-qochaq qaparisqanwan phoqchiqesqanwan. 26Kay teqsimuyuntinman hamunan kaqkunata yuyaspan runakunaqa mancharisqa musphanqaku, cielopi kaq ch'askakunapas chhaphchisqan kanqa. 27Hinaqtinmi Runaq Churinta rikunqaku, hatun atiywan lliphlli-kaywan phuyupi hamushaqta. 28Chaykuna sucedeqtinqa makilla&#241;a qhawapakushaychis, Diospa kacharichinasuykichis tiempon chayamushan&#241;a, nispa.</div><div class="s1">Higos sach'amanta rikch'anachiy</div><div class="r">(Mt 24.32-35; Mc 13.28-31)</div><div class="p"> 29Huk rikch'anachiy simitapas Jesusqa nillarqantaqmi: &#8211;Qhawariychis higos sach'ata, hinallataq mayqen sach'atapas. 30Raphichakushaqta&#241;a rikuspaykichismi poqoy tiempo sispaykamusqanta reparankichis. 31Ahinallataq qankunapas, kaykuna hunt'akusqanta rikuspaykichisqa Diospa qhapaqsuyun qayllaykamushasqanta yachankichis.</div><div class="p"> 32Cheqaqtan niykichis, manan kay mirayqa tukukunqachu lliw chaykuna hunt'akunankama. 33Hanaq pachapas kay pachapas tukukunqan, simiykunan ichaqa mana tukukunqachu.</div><div class="s1">Makilla rikch'ashanamanta</div><div class="p"> 34Cuidakuychis qankuna kikiykichista, paqtataq sonqoykichis rumiyanman viciokunawan, machaywan, kay kawsaypa llakichikuyninwan, chaytaq Runaq Churin kutimunan p'unchay qonqaylla hap'isunkichisman. 35Seq'ona waskha hinan chayamunqa kay pachantinpi lliw kawsaqkunapaq. 36Chay hinaqa, tuta-p'unchay Diosmanta ma&#241;akuspa rikch'ashaychis, tukuy chay hamuqkunamanta ayqenaykichispaq, hinaspa Runaq Churinpa qayllanpi rikhurinaykichispaq, nispa.</div><div class="p"> 37Jesusqa Dios yupaychana wasipin p'unchay yachachiq, tutataq Olivos orqoman rispa chaypi qhepakuq. 38Llapa runakunataq tutallamanta Dios yupaychana wasiman hamuqku Jesusta uyarinankupaq.</div>
 </div>
 </div>
</div>

Revised Quechua Cuzco Bible © Peruvian Bible Society, 2004.

Jesusmi qhapaqkunata Dios yupaychana wasipi alcanciaman qolqeta churaykushaqta rikusharqan. Huk wakcha viudatapas rikullarqantaq, chayman iskay qolqechata churaykushaqta. Chaymi Jesusqa nirqan:
–Cheqaqtan niykichis, kay wakcha viudan llapankumanta astawanqa churaykun. Llapanmi qhapaq kashaspa puchuqnin qolqellata Diospaq ofrendata churaykunku, viudataq ichaqa wakcha kayninpi tukuy kawsananpaq kaqta llapanta churaykurqan, nispa.


Dios yupaychana wasiq sumaq ruminkunamanta qokuykunawan sumaqchasqa kasqanmantawan wakinkuna rimashaqtinkun Jesusqa nirqan:
–P'unchaykunan chayamunqa, kay qhawasqaykichiskunaqa lliwmi thunisqa kanqa, manan rumi patapi huk rumillapas qhepanqachu, nispa.


Paytataq tapurqanku:
–Yachachikuq, ¿hayk'aqmi kay nisqaykiqa kanqa? ¿Ima señaltaq kanqa llapan kaykuna hunt'akunanpaqri? nispanku.
Chaymi Jesusqa nirqan:
–Cuidakuychis, paqtataq pantachisqa kawaqchis, askhan sutiywan sutichakuspa hamunqaku: Ñoqan Cristoqa kani, p'uchukay tiempopas sispaykamushanñan, nispanku. Chay hinaqa, aman paykunaq qhepanta rinkichischu. Awqa-tinkuykunamanta, ch'aqwaykunamanta rimayta uyarispaykichisqa aman mancharikunkichischu, chaykunaraqmi ñawpaqtaqa kanan, ichaqa manan p'uchukayraqchu kanqa, nispa.
Jesusqa nillarqantaqmi:
–Llaqtakunan huk llaqtakunawan maqanakunqaku, huk suyun hukkaq suyuwan maqanakunqa, sinchi pacha chhaphchiykunan kanqa, kayneqpi chayneqpi yarqaykuna, onqoykuna, hanaq pachapipas mancharikuy hatun señalkunan kanqa.
Ichaqa tukuy chaykuna ñawpaqtaraqmi runakunaqa hap'isunkichis, qatiykachasunkichis, sinagogakunaman, carcelkunaman aysasunkichis. Ñoqaraykun reykunaq, kamachikuqkunaq ñawpaqenman apasqa kankichis. Ahinapin ñoqamanta paykunaman willankichis. Chay hinaqa, ama sonqoykichispi ñawpaqmanta yuyaykunkichischu imatachus kutichikunaykichista, ñoqan yachachisqaykichis yachaywan rimanaykichispaq, chaymi llapa awqaykichiskunaqa mana, atipaytapas kutichiytapas atisunkichischu. Ichaqa tayta-mamaykichis, wawqeykichiskuna, aylluykichiskuna, amigoykichiskuna kamachikuqkunaman hap'iykachisunkichis, wakinniykichistataqmi wañuchisunkichis. Ñoqaraykun tukuypa cheqnisqan kankichis. Ichaqa chukchaykichispas manan hukllapas chinkanqachu. Qaqata sayaspaykichismi qespikunkichis.


Jerusalén llaqtata askha soldadokunaq muyuykusqanta rikuspaykichisqa thunikuynin chayamusqanta yachaychis. Chaypacha Judea provinciapi kashaqkunaqa orqokunaman ayqechunku, Jerusalén llaqta ukhupi kashaqkunataq hawaman lloqsichunku, chakrakunapi kashaqkunapas amaña llaqtamanqa haykuchunkuchu. Chay p'unchaykunapin Diosqa llaqtanta muchuchinqa paypa nisqan qelqasqakuna lliw hunt'akunanpaq. ¡Ay, chay p'unchaykunapi wiksallikuqkunamanta! ¡Ay, wawata ñuñuqkunamantapas! Kay pachapin manchay ñak'ariy kanqa, kay llaqtapaqpas manchay phiñakuymi kanqa. Wakintan soldadokuna espadawan wañuchinqaku, wakintataq llapa suyukunaman presota apanqaku, Jerusalén llaqtatapas wak suyu runakunan munaychakunqaku, wak suyu runakunaq kamachikunan tiempo hunt'akunankama, nispa.


Jesusqa nillarqantaqmi: –Señalkunan intipi, killapi, ch'askakunapipas kanqa, kay pachapitaq suyukuna manchay llakikuypi rikukunqaku, mancharikunqakutaqmi lamar-qochaq qaparisqanwan phoqchiqesqanwan. Kay teqsimuyuntinman hamunan kaqkunata yuyaspan runakunaqa mancharisqa musphanqaku, cielopi kaq ch'askakunapas chhaphchisqan kanqa. Hinaqtinmi Runaq Churinta rikunqaku, hatun atiywan lliphlli-kaywan phuyupi hamushaqta. Chaykuna sucedeqtinqa makillaña qhawapakushaychis, Diospa kacharichinasuykichis tiempon chayamushanña, nispa.


Huk rikch'anachiy simitapas Jesusqa nillarqantaqmi: –Qhawariychis higos sach'ata, hinallataq mayqen sach'atapas. Raphichakushaqtaña rikuspaykichismi poqoy tiempo sispaykamusqanta reparankichis. Ahinallataq qankunapas, kaykuna hunt'akusqanta rikuspaykichisqa Diospa qhapaqsuyun qayllaykamushasqanta yachankichis.
Cheqaqtan niykichis, manan kay mirayqa tukukunqachu lliw chaykuna hunt'akunankama. Hanaq pachapas kay pachapas tukukunqan, simiykunan ichaqa mana tukukunqachu.

Cuidakuychis qankuna kikiykichista, paqtataq sonqoykichis rumiyanman viciokunawan, machaywan, kay kawsaypa llakichikuyninwan, chaytaq Runaq Churin kutimunan p'unchay qonqaylla hap'isunkichisman. Seq'ona waskha hinan chayamunqa kay pachantinpi lliw kawsaqkunapaq. Chay hinaqa, tuta-p'unchay Diosmanta mañakuspa rikch'ashaychis, tukuy chay hamuqkunamanta ayqenaykichispaq, hinaspa Runaq Churinpa qayllanpi rikhurinaykichispaq, nispa.
Jesusqa Dios yupaychana wasipin p'unchay yachachiq, tutataq Olivos orqoman rispa chaypi qhepakuq. Llapa runakunataq tutallamanta Dios yupaychana wasiman hamuqku Jesusta uyarinankupaq.

استمع إلى LUCAS 21