The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Mbuli Ilava Ugima</div><div class="p"> 1Haichanduso kukala na Mbuli, Mbuli ija kakala na Mulungu, na Mbuli ija kakala Mulungu. 2Songela haichanduso Mbuli kakala na Mulungu. 3Mulungu kavilumba vinhu vose kubitila heyo, haduhu kinhu chochose kilumbigwe na Mulungu bila heyo. 4Mbuli ija kakala iyo ichanduso cha ugima, na ugima uno uwo ugala mulangaza mwa wanhu wose. 5Mulangaza uno womulika mdiziza, na ziza hadidaha kuuhuma.</div><div class="p"> 6Mulungu kamtuma munhu imwe yokemigwa Yohana, 7keza kamba msindila, giladi yalave usindila wa mulangaza uja, avo wanhu wose watogole kubitila heyo. 8Heyo mwenyego hakalile mulangaza, ila keza kamba msindila wa mulangaza. 9Uno uwo mulangaza wa kweli, uwamwemwesa wanhu wose, ukalile ukwiza muulumwengu.</div><div class="p"> 10Heyo iyo mulangaza ukalile muulumwengu, avo Mulungu kaulumba ulumwengu mkubitila heyo, ila ulumwengu haumtangile. 11Keza mwa wanhu zake mwenyego, ila wanhu zake mwenyego hawam'bokele. 12Ila wanhu wose wam'bokele na kumtogola, kawagwelela udaho wa kuwa wana wa Mulungu, 13awo watendigwe wawe wana wa Mulungu si sama ya mulopa ama sama ya manogelwa ga lukuli ama sama ya manogelwa ga munhu, ila sama ya manogelwa ga Mulungu.</div><div class="p"> 14Mbuli kagaluka munhu, kakala hamoja na tweye. Tuyona yenzi yake, yenzi ya kamba mwana imwe yeiyeka wa Tata, yamemile ngekewa na kweli.</div><div class="p"> 15Yohana kazipeta mbuli zake Yesu. Kenula dizwi yolonga, &#8220;Ino iyo munhu inikalile nimulonga, avija vinilongile, &#8216;Kokwiza hachugu changu, ila heyo iyo mkulu kubanza nie, kwavija kipigiti nie sinavumbuka heyo kakala baho.&#8217; &#8221;</div><div class="p"> 16Avija viyamemile ngekewa tweye tose tubokela motelo zose. 17Mulungu katugwelela Malagizo kubitila Musa, ila ngekewa na kweli viza kubitila Yesu Kilisto. 18Haduhu munhu yoyose yamonile Mulungu, ila Mwana yeiyeka, ayo yali hamgwazo wa Tata, iyo yamtendile Tata yatangigwe.</div><div class="s1">Yohana Kogong'ondeza Kamba Heyo Sio Kilisto</div><div class="r">(Mat. 3:1-12; Mlk. 1:1-8; Luk. 3:1-18)</div><div class="p"> 19Uno uwo usindila uyalavile Yohana kipigiti wakulu wa Wayahudi viwawatumile wakulu wa nhambiko na Walawi kulawa Yelusalemu wakamuuze, &#8220;Gweye iyo yalihi?&#8221;</div><div class="p"> 20Yohana kawedika kawalongela kinaganaga, &#8220;Nie sili Kilisto.&#8221;</div><div class="p"> 21Wamuuza, &#8220;Kumbe gweye iyo yalihi? Gweye kwa Eliya?&#8221;</div><div class="p">Yohana kawalongela, &#8220;Nie sili Eliya.&#8221;</div><div class="p">Wamuuza, &#8220;Gweye kwa Muhokozi ija?&#8221;</div><div class="p">Kawalongela, &#8220;Nie sili Muhokozi ija.&#8221;</div><div class="p"> 22Wamulongela, &#8220;Basi tulongele gweye iyo yalihi? Giladi tukawalongele waja watutumile. Mzingelegeza zako gweye mwenyego koilongaze?&#8221;</div><div class="p"> 23Yohana kalonga, kuno yokwiga mbuli za Muhokozi Isaya, yolonga,</div><div class="q1">&#8220;Nie dijo &#8216;Dizwi da munhu yoguta muluwala,</div><div class="q2">Igoloseni nzila yondayabite Mndewa.&#8217; &#8221;</div><div class="p"> 24Waja iwasenga, watumigwe na Mafalisayo, 25wamuuza Yohana, &#8220;Kamba gweye huli Kilisto ama Eliya ama Muhokozi ija, habali ubatiza?&#8221;</div><div class="p"> 26Yohana kawalongela, &#8220;Nie nobatiza na mazi, ila mmwanza wenu mweye mwimile aho kema munhu hamumtangile. 27Ayo yondayeze hachugu changu, nie silumba hata kudohola nzabi za ng'hwabasa zake.&#8221;</div><div class="p"> 28Mbuli zino zose zilawilila mkiwambo cha Betania ng'ambu ya ulawilo wa zua ya Lwanda lwa Yolodani, aho Yohana hayakalile yobatiza.</div><div class="s1">Mwana Ng'hondolo wa Mulungu</div><div class="p"> 29Zua da ikabili Yohana kamona Yesu yokwiza, kalonga, &#8220;Lola! Mwana Ng'hondolo wa Mulungu yosola vilozo va ulumwengu! 30Ino iyo munhu inikalile nimulonga, &#8216;Kokwiza munhu hachugu changu, yali mkulu kubanza nie, kwavija kakala baho kipigiti nie sinavumbuka.&#8217; 31Nie mwenyego simtangile kamba heyo iyo Kilisto, ila nie niza kubatiza na mazi sama ya kilamso kino, siku kogubuligwa mwa wanhu wa Islaeli.&#8221;</div><div class="p"> 32Na Yohana kalava usindila uno, yolonga, &#8220;Nimona Loho wa Mulungu yohumuluka kulawa kuulanga kamba hua na kukala uchana yake. 33Nie sambinimtange, ila ayo yandagize nie kubatiza na mazi, kanongela, &#8216;Uhamona Loho wa Mulungu yohumuluka na kukala uchana ya munhu, iyo, iyo munhu yondayabatize na Loho wa Mulungu.&#8217; 34Na nie nigona gano, na nilava usindila kamba, ino iyo Mwana wa Mulungu.&#8221;</div><div class="s1">Wanahina wa Yesu wa Ichanduso</div><div class="p"> 35Zua da ikabili Yohana kakala yemile kabili bahaja na wanahina zake wabili, 36viyamuwene Yesu yobita behi na hewo, kalonga, &#8220;Loleni! Mwana Ng'hondolo wa Mulungu.&#8221; 37Waja iwanahina wabili viwamuhulike yolonga gano, wamkweleleza Yesu. 38Yesu viyahinduke kawona womkweleleza, kawauza, &#8220;Mozahila choni?&#8221;</div><div class="p">Wamuuza, &#8220;Labi, kwahi kuukala?&#8221; &#8220;Labi,&#8221; nhegulo yake &#8220;Mkulufunzi.&#8221;</div><div class="p"> 39Yesu kawalongela, &#8220;Izoni mulole.&#8221; Avo wachola wahone haja hayakalile yokala, na wakala na heyo zua dija jose. Ikala kamba saa longo dimwe ichungulo. 40Imwe wa wanahina waja wabili yamuhulike Yohana yolonga na kumkweleleza Yesu kakala Endelea mkulu wake Simoni Petulo. 41Kinhu cha ichanduso kiyatendile Endelea kikala kumzahila ndugu yake Simoni na kumulongela, &#8220;Tumona Masihi.&#8221; Mbuli ino nhegulo yake iyo, &#8220;Kilisto.&#8221;#1:41 Kilisto nhegulo yake ayo yasaguligwe na Mulungu. 42Abaho, kamsola kamgala ha Yesu.</div><div class="p">Yesu kamulola kalonga, &#8220;Twaga jako kokemigwa Simoni, mwana wa Yohana, ila songela lelo kokemigwa Kefa.&#8221; Twaga dino nhegulo yake iyo &#8220;Dibwe.&#8221;</div><div class="s1">Yesu Kowakema Filipo na Natanieli</div><div class="p"> 43Zua da ikabili Yesu kalonda kuchola Galilaya, kam'vika Filipo kamulongela, &#8220;Nikoleleze.&#8221; 44Filipo kakala yolawa Betisaida, kiwambo chawakalile wokala Endelea na Petulo. 45Filipo kamzahila Natanieli kamulongela, &#8220;Tumona munhu ayo Musa yandike mbuli zake mkitabu cha Malagizo na ayo vivija wahokozi wandike mbuli zake, Yesu, mwana wa Usufu, kulawa Nazaleti.&#8221;</div><div class="p"> 46Natanieli kauza, &#8220;Vodahika kinhu kinogile kilawe Nazaleti?&#8221;</div><div class="p">Filipo kalonga, &#8220;Izo ulole.&#8221;</div><div class="p"> 47Yesu viyamuwene Natanieli yokwiza, kalonga, &#8220;Lola! Ino iyo Muislaeli mwenyego kabisa, mduhu uzenzeleganye mmoyo wake!&#8221;</div><div class="p"> 48Natanieli kamuuza, &#8220;Kunitangaze?&#8221;</div><div class="p">Yesu kalonga, &#8220;Nikona vuukalile hasi ya umtini kipigiti Filipo hanakukema.&#8221;</div><div class="p"> 49Natanieli kalonga, &#8220;Mkulufunzi, gweye kwa Mwana wa Mulungu! Gweye kwa Mndewa wa Islaeli!&#8221;</div><div class="p"> 50Yesu kamulongela, &#8220;Kutogola kwavija nikulongela nikona vuukalile hasi ya umtini? Avo kovona vinhu vikulu kubanza vino!&#8221; 51Abaho, kawalongela, &#8220;Nowalongela ikweli, mowona ulanga uvuguka na wasenga wa Mulungu wa kuulanga wokwela na kunihumulukila nie Mwana wa Munhu.&#8221;</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Haichanduso kukala na Mbuli, Mbuli ija kakala na Mulungu, na Mbuli ija kakala Mulungu. Songela haichanduso Mbuli kakala na Mulungu. Mulungu kavilumba vinhu vose kubitila heyo, haduhu kinhu chochose kilumbigwe na Mulungu bila heyo. Mbuli ija kakala iyo ichanduso cha ugima, na ugima uno uwo ugala mulangaza mwa wanhu wose. Mulangaza uno womulika mdiziza, na ziza hadidaha kuuhuma.
Mulungu kamtuma munhu imwe yokemigwa Yohana, keza kamba msindila, giladi yalave usindila wa mulangaza uja, avo wanhu wose watogole kubitila heyo. Heyo mwenyego hakalile mulangaza, ila keza kamba msindila wa mulangaza. Uno uwo mulangaza wa kweli, uwamwemwesa wanhu wose, ukalile ukwiza muulumwengu.
Heyo iyo mulangaza ukalile muulumwengu, avo Mulungu kaulumba ulumwengu mkubitila heyo, ila ulumwengu haumtangile. Keza mwa wanhu zake mwenyego, ila wanhu zake mwenyego hawam'bokele. Ila wanhu wose wam'bokele na kumtogola, kawagwelela udaho wa kuwa wana wa Mulungu, awo watendigwe wawe wana wa Mulungu si sama ya mulopa ama sama ya manogelwa ga lukuli ama sama ya manogelwa ga munhu, ila sama ya manogelwa ga Mulungu.
Mbuli kagaluka munhu, kakala hamoja na tweye. Tuyona yenzi yake, yenzi ya kamba mwana imwe yeiyeka wa Tata, yamemile ngekewa na kweli.
Yohana kazipeta mbuli zake Yesu. Kenula dizwi yolonga, “Ino iyo munhu inikalile nimulonga, avija vinilongile, ‘Kokwiza hachugu changu, ila heyo iyo mkulu kubanza nie, kwavija kipigiti nie sinavumbuka heyo kakala baho.’ ”
Avija viyamemile ngekewa tweye tose tubokela motelo zose. Mulungu katugwelela Malagizo kubitila Musa, ila ngekewa na kweli viza kubitila Yesu Kilisto. Haduhu munhu yoyose yamonile Mulungu, ila Mwana yeiyeka, ayo yali hamgwazo wa Tata, iyo yamtendile Tata yatangigwe.


Uno uwo usindila uyalavile Yohana kipigiti wakulu wa Wayahudi viwawatumile wakulu wa nhambiko na Walawi kulawa Yelusalemu wakamuuze, “Gweye iyo yalihi?”
Yohana kawedika kawalongela kinaganaga, “Nie sili Kilisto.”
Wamuuza, “Kumbe gweye iyo yalihi? Gweye kwa Eliya?”
Yohana kawalongela, “Nie sili Eliya.”
Wamuuza, “Gweye kwa Muhokozi ija?”
Kawalongela, “Nie sili Muhokozi ija.”
Wamulongela, “Basi tulongele gweye iyo yalihi? Giladi tukawalongele waja watutumile. Mzingelegeza zako gweye mwenyego koilongaze?”
Yohana kalonga, kuno yokwiga mbuli za Muhokozi Isaya, yolonga,
“Nie dijo ‘Dizwi da munhu yoguta muluwala,
Igoloseni nzila yondayabite Mndewa.’ ”
Waja iwasenga, watumigwe na Mafalisayo, wamuuza Yohana, “Kamba gweye huli Kilisto ama Eliya ama Muhokozi ija, habali ubatiza?”
Yohana kawalongela, “Nie nobatiza na mazi, ila mmwanza wenu mweye mwimile aho kema munhu hamumtangile. Ayo yondayeze hachugu changu, nie silumba hata kudohola nzabi za ng'hwabasa zake.”
Mbuli zino zose zilawilila mkiwambo cha Betania ng'ambu ya ulawilo wa zua ya Lwanda lwa Yolodani, aho Yohana hayakalile yobatiza.

Zua da ikabili Yohana kamona Yesu yokwiza, kalonga, “Lola! Mwana Ng'hondolo wa Mulungu yosola vilozo va ulumwengu! Ino iyo munhu inikalile nimulonga, ‘Kokwiza munhu hachugu changu, yali mkulu kubanza nie, kwavija kakala baho kipigiti nie sinavumbuka.’ Nie mwenyego simtangile kamba heyo iyo Kilisto, ila nie niza kubatiza na mazi sama ya kilamso kino, siku kogubuligwa mwa wanhu wa Islaeli.”
Na Yohana kalava usindila uno, yolonga, “Nimona Loho wa Mulungu yohumuluka kulawa kuulanga kamba hua na kukala uchana yake. Nie sambinimtange, ila ayo yandagize nie kubatiza na mazi, kanongela, ‘Uhamona Loho wa Mulungu yohumuluka na kukala uchana ya munhu, iyo, iyo munhu yondayabatize na Loho wa Mulungu.’ Na nie nigona gano, na nilava usindila kamba, ino iyo Mwana wa Mulungu.”

Zua da ikabili Yohana kakala yemile kabili bahaja na wanahina zake wabili, viyamuwene Yesu yobita behi na hewo, kalonga, “Loleni! Mwana Ng'hondolo wa Mulungu.” Waja iwanahina wabili viwamuhulike yolonga gano, wamkweleleza Yesu. Yesu viyahinduke kawona womkweleleza, kawauza, “Mozahila choni?”
Wamuuza, “Labi, kwahi kuukala?” “Labi,” nhegulo yake “Mkulufunzi.”
Yesu kawalongela, “Izoni mulole.” Avo wachola wahone haja hayakalile yokala, na wakala na heyo zua dija jose. Ikala kamba saa longo dimwe ichungulo. Imwe wa wanahina waja wabili yamuhulike Yohana yolonga na kumkweleleza Yesu kakala Endelea mkulu wake Simoni Petulo. Kinhu cha ichanduso kiyatendile Endelea kikala kumzahila ndugu yake Simoni na kumulongela, “Tumona Masihi.” Mbuli ino nhegulo yake iyo, “Kilisto.” Abaho, kamsola kamgala ha Yesu.
Yesu kamulola kalonga, “Twaga jako kokemigwa Simoni, mwana wa Yohana, ila songela lelo kokemigwa Kefa.” Twaga dino nhegulo yake iyo “Dibwe.”

Zua da ikabili Yesu kalonda kuchola Galilaya, kam'vika Filipo kamulongela, “Nikoleleze.” Filipo kakala yolawa Betisaida, kiwambo chawakalile wokala Endelea na Petulo. Filipo kamzahila Natanieli kamulongela, “Tumona munhu ayo Musa yandike mbuli zake mkitabu cha Malagizo na ayo vivija wahokozi wandike mbuli zake, Yesu, mwana wa Usufu, kulawa Nazaleti.”
Natanieli kauza, “Vodahika kinhu kinogile kilawe Nazaleti?”
Filipo kalonga, “Izo ulole.”
Yesu viyamuwene Natanieli yokwiza, kalonga, “Lola! Ino iyo Muislaeli mwenyego kabisa, mduhu uzenzeleganye mmoyo wake!”
Natanieli kamuuza, “Kunitangaze?”
Yesu kalonga, “Nikona vuukalile hasi ya umtini kipigiti Filipo hanakukema.”
Natanieli kalonga, “Mkulufunzi, gweye kwa Mwana wa Mulungu! Gweye kwa Mndewa wa Islaeli!”
Yesu kamulongela, “Kutogola kwavija nikulongela nikona vuukalile hasi ya umtini? Avo kovona vinhu vikulu kubanza vino!” Abaho, kawalongela, “Nowalongela ikweli, mowona ulanga uvuguka na wasenga wa Mulungu wa kuulanga wokwela na kunihumulukila nie Mwana wa Munhu.”

استمع إلى YOHANA 1