Kako - 1999 Edition (NT)

<div class="version vid1768 iso6393kkj" data-vid="1768" data-iso6393="kkj">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">Ja&#331; k&#603; tom&#596; &#595;ejek&#603; &#595;en&#603;</div><div class="s">k&#603;nj&#603; k&#603; yi Yesus</div><div class="r">(Lk 7)</div><div class="p"> 1K&#603; Yesus ma si l&#603;p&#596; m&#603;yasi m&#603;n&#596;ri ny&#603; &#595;ejek&#603; &#595;en&#603; kam&#596; j&#596; yi&#595;a k&#603;&#769;, &#603; ny&#603; t&#603;m&#603; wom&#603;te kwa&#807;, na k&#603;&#768; te&#599;ye &#595;om&#596; m&#603;l&#603;pi m&#603; Njambiy&#603;, pel&#603; sendi Kim&#596; Tom n&#603; k&#603; nya&#331;gw&#603; m&#603;&#599;ya m&#603;te yi m&#603;n&#603;ti m&#603;te.</div><div class="p"> 2Ja&#331; &#599;iyma k&#603; tu&#807; j&#596;&#595;&#596; wok&#596; nda yi &#595;om&#596; &#599;ikima yeki&#599;ye m&#603;yasi m&#603;te yi *Krist &#599;ikima kel&#596; k&#603;&#769;. &#400; ny&#603; tom&#603; &#595;a&#331;a &#595;ejek&#603; &#595;en&#603; k&#603;&#768; diy&#603; n&#603; ny&#603; nde: 3&#171;W&#603; ka m&#596; te &#603; &#595;a&#807; nde, a nja&#770;ki k&#596;, ho wus&#603; la&#770;&#599;ya mba&#331;a d&#603;l&#603;?&#187; 4&#400; Yesus ye&#331;sa ny&#603; &#595;o nde: &#171;Wun&#603; y&#596;&#770;kw&#603; n&#603;&#768; wun&#603; ye&#770;ki&#599;ya yasi te yi wun&#603; wokuma n&#603;&#768; yi wun&#603; &#595;&#603;&#331;ma k&#603;&#769; ny&#603; Ja&#331;. 5&#385;otu &#595;ete &#595;e n&#603; &#599;i&#595;ina misi &#595;aka m&#603; k&#603; &#595;&#603;&#331;&#603; yasi. &#385;otu &#595;e nd&#603;mbil m&#603; k&#603; k&#603;nd&#596; lal&#603; n&#603; &#331;gbe&#331;. &#385;aka &#595;e n&#603; ndoko &#595;aka m&#603; n&#603; yotu n&#603; kp&#603;l&#603;&#331;. &#385;otu &#595;ete &#595;e n&#603; &#599;i&#595;ina m&#603;t&#596; &#595;aka m&#603; k&#603; wok&#596; p&#603;&#807;. &#385;emu&#331; k&#603; womiy&#603;. &#385;o k&#603; l&#603;p&#596; sendi Kim&#596; Tom ny&#603; buka &#595;om&#596;. 6M&#596; te &#603; ta &#599;iy&#596; kin&#603; j&#596;si&#599;ye kel&#596; yi&#331;a &#595;eya yasi k&#603;to mb&#603; k&#596; n&#603; m&#603;sosa.&#187;</div><div class="p"> 7K&#603; &#331;gim&#596; te yi &#595;ejek&#603; &#595;e Ja&#331; &#595;a&#807; k&#603; kwa&#807; k&#603;&#769;, &#603; Yesus kand&#603; l&#603;pina m&#603;yasi k&#603; kasi Ja&#331; ny&#603; &#331;gil &#595;om&#596; nde: &#171;K&#603; yi wun&#603; ka&#807; n&#596; k&#603; ko&#331;gor k&#603;&#769;, wun&#603; k&#603;&#769;n k&#603;&#768; &#595;&#603;&#331;&#603; yasi te nda? &#8217;Wun&#603; k&#603;&#769;n ka k&#603;&#768; &#595;&#603;&#331;&#603; njoy te yi pup&#596; wumbi&#599;ye k&#603;&#769;? 8Ma wun&#603; ma k&#603;&#769;n k&#603;&#768; &#595;&#603;&#331;&#603; yasi te nda gbate? &#8217;Wun&#603; ka&#807; k&#603;&#768; &#595;&#603;&#331;&#603; mba&#331;a mum&#596; n&#603; kpasa m&#603;lamb&#596; k&#603; yotu? Yo nde, &#595;otu &#595;ete &#595;e l&#603;&#331;&#603; kpasa m&#603;lamb&#596; &#599;ete &#595;aka jo&#769;&#331;na&#331;gw&#603; ndi k&#603; ndoko &#595;ekumande. 9Ma wun&#603; ma k&#603;&#769;n gbate k&#603;&#768; &#595;&#603;&#331;&#603; nda? &#8217;Wun&#603; k&#603;&#769;n k&#603;&#768; &#595;&#603;&#331;&#603; m&#596; punja m&#603;l&#603;pi m&#603; Njambiy&#603;? I&#807;, mi k&#603; l&#603;p&#596; ny&#603; wun&#603; nde: Ny&#603; m&#596; punja m&#603;l&#603;pi m&#603; Njambiy&#603; gbate gbate, ma yasi w&#603;t&#603;, a kwa&#331;ma yite. 10Yo ny&#603; yi &#595;o k&#603;tima kasi n&#603; k&#603; m&#603;kana m&#603; Njambiy&#603; nde: &#8249;&#385;&#603;&#331;a, mi k&#603; kand&#603; tom&#596; m&#596; tomun womb&#603; n&#603; w&#603;, na k&#603;&#768; kandi kombile nje tik&#603; w&#603;.&#8250; 11Gbakasi yi mi l&#603;p&#603; ny&#603; wun&#603; k&#603;&#769;: Kin&#603; mum&#596; w&#603;t&#603; n&#603; w&#603;t&#603; &#603; ja&#599;ya wul&#603; k&#603; m&#596;y nyari kwa&#331;ma Ja&#331; te m&#596; t&#596;puna &#595;om&#596; k&#603; m&#596;r&#596;ku na. Ko &#599;ete, njena mum&#596; k&#603; *Kand&#596; te yi kwey kwa&#807; ny&#603;. 12Kand&#603; k&#603; &#331;gim&#596; te yi Ja&#331; te m&#596; t&#596;puna &#595;om&#596; k&#603; m&#596;r&#596;ku kandima n&#603; pelna Kim&#596; Tom Njambiy&#603; kum&#596; ndana Kand&#596; te yi kwey k&#603; sa&#331;gwa n&#603; &#599;etina m&#603;su&#331;gwa. Ma yo &#595;otu &#595;ete &#595;e lu&#807; to g&#596;s&#596; yo n&#603; ti&#331; h&#603;n&#603; &#595;aka &#595;u&#807; yo. 13Ma &#595;otu &#595;e punja m&#603;l&#603;pi m&#603; Njambiy&#603; h&#603;n&#603; n&#603;&#768; m&#603;mbo&#331;ga m&#603;te yi M&#596;yisi k&#603;tima k&#603;&#769; l&#603;pima kasi Kand&#596; te, yite Ja&#331; ti&#768; pa kand&#603; l&#603;pinate yen&#603; na. 14&#330;g&#603; wun&#603; kwa&#599;y&#603; wok&#596; to yasi te yi mi l&#603;p&#603; k&#603;&#769;, yo nde, Ja&#331; ny&#603; Eli te yi &#595;o &#599;ikima l&#603;p&#596; nde, a ta nje k&#596;. 15M&#596; te &#603; n&#603; m&#603;t&#596; te yi&#769; wok&#596; n&#603; p&#603;&#807;, na woku.</div><div class="p"> 16&#171;Ma, mi ta yek&#596; &#595;a &#595;otu &#595;e &#331;gim&#596; te y&#596;k&#596; n&#603; &#595;e nda? &#385;o nda &#595;&#596;n&#596;sik&#603; te &#595;e &#599;iy&#603; k&#603; babal, &#595;aka ma&#769; l&#603;p&#596; k&#603;nj&#603; &#595;&#603;s&#596; nde: 17&#8249;Wus&#603; t&#596;&#331;ma mbule ny&#603; wun&#603;, wun&#603; kin&#603; &#595;&#596;l&#596; na. Wus&#603; jembima m&#603;jembi m&#603; s&#596;&#331; ny&#603; wun&#603;, wun&#603; kin&#603; lel&#596; na.&#8250; 18&#394;ete sendi, Ja&#331; nja&#807;. M&#603;&#599;ye, a ti &#599;ya&#769;ki. M&#603;njam, a ti h&#596;&#769;&#595;iya. K&#603; k&#596;&#331;te, &#595;om&#596; nde: &#8249;A n&#603; &#595;eya sisi&#331; k&#603; yotu.&#8250; 19Ndana *M&#596;n&#596; mum&#596; nja&#807;. M&#603;&#599;ye, a k&#603; &#599;ye. M&#603;njam, a k&#603; h&#596;&#595;iye. K&#603; k&#596;&#331;te, &#595;om&#596; nde: &#8249;N&#603; &#595;&#603;&#770;&#331;a ndi nya&#331;gw&#603; m&#596; m&#603;&#599;ye n&#603;&#768; nya&#331;gw&#603; m&#596; h&#596;&#595;iya m&#603;njam te y&#596;k&#596;, s&#596; n&#603; &#595;otu &#595;e &#595;o&#331;na m&#596;ni garama n&#603;&#768; &#595;otu &#595;e m&#603;&#595;ey&#596;.&#8250; Yasi w&#603;t&#603;, &#599;yan&#596; Njambiy&#603; gbate n&#603; &#331;gbe&#331;. Yo k&#603; &#595;&#603;&#331;na &#599;ete k&#603; m&#603;kele m&#603;te yi &#599;yan&#596; te kel&#603; k&#603;&#769;.&#187;</div><div class="s">Yesus k&#603; ndeya</div><div class="s">&#595;a&#331;a &#595;om&#596;</div><div class="p"> 20Ndana, &#603; Yesus kand&#603; ndeyna &#595;otu &#595;e m&#603;&#599;ya m&#603;te yi ny&#603; kelma sul&#596; nya&#331;gw&#603; m&#603;kele k&#603; yan &#595;aka, k&#603;to &#595;o ti&#768; ye&#331;sa tem&#596; na. A l&#603;pima nde: 21&#171;Wun&#603; &#595;otu &#595;e Korasin, m&#603;b&#596;n&#603; ta &#595;al&#596; k&#603; to yun! Wun&#603; &#595;otu &#595;e Betsayda, m&#603;b&#596;n&#603; ta &#595;al&#596; sendi k&#603; to yun! K&#603;to ma&#769; &#595;&#603;ki nde, nya&#331;gw&#603; m&#603;kele m&#603;te yi kelnama k&#603; m&#603;&#599;ya mun k&#603;&#769; ma ke&#769;lna&#331;gw&#603; k&#603; Tir n&#603;&#768; Sid&#596;n, ma &#595;otu &#595;ete ye&#331;sama tem&#596; njombu ya&#331;a l&#603;&#331;&#603; m&#603;sanduku kutu&#599;ye m&#603;su m&#603; &#599;it&#603; k&#603; yotu. 22Yori yi mi l&#603;p&#603; ny&#603; wun&#603; nde: K&#603; yes&#596; p&#603;sina j&#596;si, p&#603;sina j&#596;si te yun ta la&#331; &#599;et&#596; kwa&#807; yi Tir n&#603;&#768; Sid&#596;n. 23Ma wun&#603; &#595;otu &#595;e Kap&#603;rnawum, &#8217;wun&#603; ta&#769;ka ka nde, &#595;o ta &#595;endi&#599;ye wun&#603; kum&#596; kwey? Ko na, &#595;o ta kpal&#596; pi&#599;y&#603; wun&#603; kum&#596; k&#603; &#599;ya &#595;emu&#331;. K&#603;to ma&#769; &#595;&#603;ki nde, nya&#331;gw&#603; m&#603;kele m&#603;te yi kelnama k&#603; yun k&#603;&#769; ma ke&#769;lna&#331;gw&#603; k&#603; *S&#596;d&#596;m, ma S&#596;d&#596;m ndi k&#603;te kum&#596; muka. 24Yori yi mi l&#603;p&#603; ny&#603; wun&#603; nde: K&#603; yes&#596; p&#603;sina j&#596;si, p&#603;sina j&#596;si te yun ta la&#331; &#599;et&#596; kwa&#807; yi S&#596;d&#596;m.&#187;</div><div class="s">Yesus nde, yo ny&#603; ny&#603;</div><div class="s">&#595;om&#596; m&#603;w&#603;&#599;ya</div><div class="p"> 25Ndi k&#603; kiya &#331;gim&#596; te yite &#603; Yesus l&#603;p&#603; nde: &#171;Mi k&#603; lukse w&#603; Da, Kumande &#599;yo&#595;&#596; n&#603;&#768; m&#603;n&#603;ti, k&#603;to w&#603; s&#596;&#599;ya m&#603;yasi m&#603;te n&#603; &#595;otu &#595;e &#599;yan&#596;, s&#596;&#599;y&#603; sendi n&#603; &#595;otu &#595;e duwa&#807; yasi kpal&#596; nje punj&#603; yo ny&#603; gb&#603;la &#595;&#596;n&#596;sik&#603;. 26I&#807; Da, mi k&#603; lukse w&#603;, k&#603;to w&#603; kwa&#599;ya nde, m&#603;yasi kwa&#770;&#331;na&#331;gw&#603; &#599;ete. 27Sa&#331;mb&#603; nya mi m&#603;yasi h&#603;n&#603;. Mum&#596; w&#603;t&#603; n&#603; w&#603;t&#603; yeti k&#603; duw&#603; M&#596;n&#596; na, so&#331;&#603; ndi Da. Sendi, mum&#596; w&#603;t&#603; n&#603; w&#603;t&#603; yeti k&#603; duw&#603; Da na, so&#331;&#603; ndi *M&#596;n&#596; n&#603;&#768; m&#596; te yi M&#596;n&#596; kwa&#599;y&#603; punj&#603; yo ny&#603; ny&#603; k&#596;. 28Wun&#603; nja&#770;ki k&#603; yemb&#603;, wun&#603; &#595;om&#596; h&#603;n&#603; &#595;e ma si kat&#596; n&#603; so&#595;una &#599;itina m&#603;mapi, mi ta ny&#603; mb&#603; wun&#603; m&#603;w&#603;&#599;ya. 29Wun&#603; ja&#770;ya *mapi te yi mi so&#595;i&#599;ye wun&#603; k&#603;&#769;, &#595;e&#331;gw&#603; mi kel&#596; yasi te yi mi l&#603;p&#603; ny&#603; wun&#603; k&#603;&#769;, jay&#603; sendi m&#603;yasi m&#603;te yi mi te&#599;ye wun&#603; k&#603;&#769;, k&#603;to mi w&#603;yna mum&#596;, mi sendi n&#603; kim&#596; tem&#596;. &#394;ete, m&#603;tem&#596; mun ta &#599;iy&#596; gbate n&#603; t&#603;, 30k&#603;to mapi te yi mi so&#595;i&#599;ye wun&#603; k&#603;&#769; kim&#596;te k&#603; yun. Sendi, yasi te yi mi so&#595;i&#599;ye wun&#603; k&#603;&#769; &#599;ek&#603; n&#603; h&#603;s&#603;m.&#187;</div>
 </div>
 </div>
</div>

Kɛ Yesus ma si lɛpɔ mɛyasi mɛnɔri nyɛ ɓejekɛ ɓenɛ kamɔ jɔ yiɓa kɛ́, ɛ nyɛ tɛmɛ womɛte kwa̧, na kɛ̀ teɗye ɓomɔ mɛlɛpi mɛ Njambiyɛ, pelɛ sendi Kimɔ Tom nɛ kɛ nyaŋgwɛ mɛɗya mɛte yi mɛnɛti mɛte.
Jaŋ ɗiyma kɛ tu̧ jɔɓɔ wokɔ nda yi ɓomɔ ɗikima yekiɗye mɛyasi mɛte yi *Krist ɗikima kelɔ kɛ́. Ɛ nyɛ tomɛ ɓaŋa ɓejekɛ ɓenɛ kɛ̀ diyɛ nɛ nyɛ nde: «Wɛ ka mɔ te ɛ ɓa̧ nde, a njâki kɔ, ho wusɛ lâɗya mbaŋa dɛlɛ?» Ɛ Yesus yeŋsa nyɛ ɓo nde: «Wunɛ yɔ̂kwɛ nɛ̀ wunɛ yêkiɗya yasi te yi wunɛ wokuma nɛ̀ yi wunɛ ɓɛŋma kɛ́ nyɛ Jaŋ. Ɓotu ɓete ɓe nɛ ɗiɓina misi ɓaka mɛ kɛ ɓɛŋɛ yasi. Ɓotu ɓe ndɛmbil mɛ kɛ kɛndɔ lalɛ nɛ ŋgbeŋ. Ɓaka ɓe nɛ ndoko ɓaka mɛ nɛ yotu nɛ kpɛlɛŋ. Ɓotu ɓete ɓe nɛ ɗiɓina mɛtɔ ɓaka mɛ kɛ wokɔ pɛ̧. Ɓemuŋ kɛ womiyɛ. Ɓo kɛ lɛpɔ sendi Kimɔ Tom nyɛ buka ɓomɔ. Mɔ te ɛ ta ɗiyɔ kinɛ jɔsiɗye kelɔ yiŋa ɓeya yasi kɛto mbɛ kɔ nɛ mɛsosa.»
Kɛ ŋgimɔ te yi ɓejekɛ ɓe Jaŋ ɓa̧ kɛ kwa̧ kɛ́, ɛ Yesus kandɛ lɛpina mɛyasi kɛ kasi Jaŋ nyɛ ŋgil ɓomɔ nde: «Kɛ yi wunɛ ka̧ nɔ kɛ koŋgor kɛ́, wunɛ kɛ́n kɛ̀ ɓɛŋɛ yasi te nda? ’Wunɛ kɛ́n ka kɛ̀ ɓɛŋɛ njoy te yi pupɔ wumbiɗye kɛ́? Ma wunɛ ma kɛ́n kɛ̀ ɓɛŋɛ yasi te nda gbate? ’Wunɛ ka̧ kɛ̀ ɓɛŋɛ mbaŋa mumɔ nɛ kpasa mɛlambɔ kɛ yotu? Yo nde, ɓotu ɓete ɓe lɛŋɛ kpasa mɛlambɔ ɗete ɓaka jóŋnaŋgwɛ ndi kɛ ndoko ɓekumande. Ma wunɛ ma kɛ́n gbate kɛ̀ ɓɛŋɛ nda? ’Wunɛ kɛ́n kɛ̀ ɓɛŋɛ mɔ punja mɛlɛpi mɛ Njambiyɛ? I̧, mi kɛ lɛpɔ nyɛ wunɛ nde: Nyɛ mɔ punja mɛlɛpi mɛ Njambiyɛ gbate gbate, ma yasi wɛtɛ, a kwaŋma yite. Yo nyɛ yi ɓo kɛtima kasi nɛ kɛ mɛkana mɛ Njambiyɛ nde: ‹Ɓɛŋa, mi kɛ kandɛ tomɔ mɔ tomun wombɛ nɛ wɛ, na kɛ̀ kandi kombile nje tikɛ wɛ.› Gbakasi yi mi lɛpɛ nyɛ wunɛ kɛ́: Kinɛ mumɔ wɛtɛ nɛ wɛtɛ ɛ jaɗya wulɛ kɛ mɔy nyari kwaŋma Jaŋ te mɔ tɔpuna ɓomɔ kɛ mɔrɔku na. Ko ɗete, njena mumɔ kɛ *Kandɔ te yi kwey kwa̧ nyɛ. Kandɛ kɛ ŋgimɔ te yi Jaŋ te mɔ tɔpuna ɓomɔ kɛ mɔrɔku kandima nɛ pelna Kimɔ Tom Njambiyɛ kumɔ ndana Kandɔ te yi kwey kɛ saŋgwa nɛ ɗetina mɛsuŋgwa. Ma yo ɓotu ɓete ɓe lu̧ to gɔsɔ yo nɛ tiŋ hɛnɛ ɓaka ɓu̧ yo. Ma ɓotu ɓe punja mɛlɛpi mɛ Njambiyɛ hɛnɛ nɛ̀ mɛmboŋga mɛte yi Mɔyisi kɛtima kɛ́ lɛpima kasi Kandɔ te, yite Jaŋ tì pa kandɛ lɛpinate yenɛ na. Ŋgɛ wunɛ kwaɗyɛ wokɔ to yasi te yi mi lɛpɛ kɛ́, yo nde, Jaŋ nyɛ Eli te yi ɓo ɗikima lɛpɔ nde, a ta nje kɔ. Mɔ te ɛ nɛ mɛtɔ te yí wokɔ nɛ pɛ̧, na woku.
«Ma, mi ta yekɔ ɓa ɓotu ɓe ŋgimɔ te yɔkɔ nɛ ɓe nda? Ɓo nda ɓɔnɔsikɛ te ɓe ɗiyɛ kɛ babal, ɓaka má lɛpɔ kɛnjɛ ɓɛsɔ nde: ‹Wusɛ tɔŋma mbule nyɛ wunɛ, wunɛ kinɛ ɓɔlɔ na. Wusɛ jembima mɛjembi mɛ sɔŋ nyɛ wunɛ, wunɛ kinɛ lelɔ na.› Ɗete sendi, Jaŋ nja̧. Mɛɗye, a ti ɗyáki. Mɛnjam, a ti hɔ́ɓiya. Kɛ kɔŋte, ɓomɔ nde: ‹A nɛ ɓeya sisiŋ kɛ yotu.› Ndana *Mɔnɔ mumɔ nja̧. Mɛɗye, a kɛ ɗye. Mɛnjam, a kɛ hɔɓiye. Kɛ kɔŋte, ɓomɔ nde: ‹Nɛ ɓɛ̂ŋa ndi nyaŋgwɛ mɔ mɛɗye nɛ̀ nyaŋgwɛ mɔ hɔɓiya mɛnjam te yɔkɔ, sɔ nɛ ɓotu ɓe ɓoŋna mɔni garama nɛ̀ ɓotu ɓe mɛɓeyɔ.› Yasi wɛtɛ, ɗyanɔ Njambiyɛ gbate nɛ ŋgbeŋ. Yo kɛ ɓɛŋna ɗete kɛ mɛkele mɛte yi ɗyanɔ te kelɛ kɛ́.»


Ndana, ɛ Yesus kandɛ ndeyna ɓotu ɓe mɛɗya mɛte yi nyɛ kelma sulɔ nyaŋgwɛ mɛkele kɛ yan ɓaka, kɛto ɓo tì yeŋsa temɔ na. A lɛpima nde: «Wunɛ ɓotu ɓe Korasin, mɛbɔnɛ ta ɓalɔ kɛ to yun! Wunɛ ɓotu ɓe Betsayda, mɛbɔnɛ ta ɓalɔ sendi kɛ to yun! Kɛto má ɓɛki nde, nyaŋgwɛ mɛkele mɛte yi kelnama kɛ mɛɗya mun kɛ́ ma kélnaŋgwɛ kɛ Tir nɛ̀ Sidɔn, ma ɓotu ɓete yeŋsama temɔ njombu yaŋa lɛŋɛ mɛsanduku kutuɗye mɛsu mɛ ɗitɛ kɛ yotu. Yori yi mi lɛpɛ nyɛ wunɛ nde: Kɛ yesɔ pɛsina jɔsi, pɛsina jɔsi te yun ta laŋ ɗetɔ kwa̧ yi Tir nɛ̀ Sidɔn. Ma wunɛ ɓotu ɓe Kapɛrnawum, ’wunɛ táka ka nde, ɓo ta ɓendiɗye wunɛ kumɔ kwey? Ko na, ɓo ta kpalɔ piɗyɛ wunɛ kumɔ kɛ ɗya ɓemuŋ. Kɛto má ɓɛki nde, nyaŋgwɛ mɛkele mɛte yi kelnama kɛ yun kɛ́ ma kélnaŋgwɛ kɛ *Sɔdɔm, ma Sɔdɔm ndi kɛte kumɔ muka. Yori yi mi lɛpɛ nyɛ wunɛ nde: Kɛ yesɔ pɛsina jɔsi, pɛsina jɔsi te yun ta laŋ ɗetɔ kwa̧ yi Sɔdɔm.»


Ndi kɛ kiya ŋgimɔ te yite ɛ Yesus lɛpɛ nde: «Mi kɛ lukse wɛ Da, Kumande ɗyoɓɔ nɛ̀ mɛnɛti, kɛto wɛ sɔɗya mɛyasi mɛte nɛ ɓotu ɓe ɗyanɔ, sɔɗyɛ sendi nɛ ɓotu ɓe duwa̧ yasi kpalɔ nje punjɛ yo nyɛ gbɛla ɓɔnɔsikɛ. I̧ Da, mi kɛ lukse wɛ, kɛto wɛ kwaɗya nde, mɛyasi kwâŋnaŋgwɛ ɗete. Saŋmbɛ nya mi mɛyasi hɛnɛ. Mumɔ wɛtɛ nɛ wɛtɛ yeti kɛ duwɛ Mɔnɔ na, soŋɛ ndi Da. Sendi, mumɔ wɛtɛ nɛ wɛtɛ yeti kɛ duwɛ Da na, soŋɛ ndi *Mɔnɔ nɛ̀ mɔ te yi Mɔnɔ kwaɗyɛ punjɛ yo nyɛ nyɛ kɔ. Wunɛ njâki kɛ yembɛ, wunɛ ɓomɔ hɛnɛ ɓe ma si katɔ nɛ soɓuna ɗitina mɛmapi, mi ta nyɛ mbɛ wunɛ mɛwɛɗya. Wunɛ jâya *mapi te yi mi soɓiɗye wunɛ kɛ́, ɓeŋgwɛ mi kelɔ yasi te yi mi lɛpɛ nyɛ wunɛ kɛ́, jayɛ sendi mɛyasi mɛte yi mi teɗye wunɛ kɛ́, kɛto mi wɛyna mumɔ, mi sendi nɛ kimɔ temɔ. Ɗete, mɛtemɔ mun ta ɗiyɔ gbate nɛ tɛ, kɛto mapi te yi mi soɓiɗye wunɛ kɛ́ kimɔte kɛ yun. Sendi, yasi te yi mi soɓiɗye wunɛ kɛ́ ɗekɛ nɛ hɛsɛm.»

استمع إلى MATIYO 11