Matayo 16

Oparicayo okwao anyut

(Nen daŋ Marako 8.11-13; Luka 12.54-56)

1 # Mat. 12.38; Luk. 11.16 Oparicayo kede Ocadukayo obino, ote bito Yecu ni nyuttigi anyut ame oya i polo. 2En te gamo doggi ni, “Wun ba, ka piny oyuto, ikobo wunu ni, ‘Piny abedo aber tin, pien polo nen oremakino.’ 3Kede odiko ni, ‘Tin kot bino cwe adwoŋ, pien polo nen oremakino, dok ocido icuc.’ Wun iŋeo wunu poko gin a nen i waŋ polo, aco anyut me kare ikwia wunu poko. 4#Mat. 12.39; Luk. 11.29Lwagi jo areco kede omit mon a jo-ni yenyo anyut, ento mom obino miyogi anyuttoro, kono ka anyut a Yona keken.” En te pokere kedgi, te wot kan ocele.

Tobi Oparicayo kede me Ocadukayo

(Nen daŋ Marako 8.14-21)

5Ka jo a lube otuno loka ca, onwoŋo wigi owil tero kwonnoro. 6#Luk. 12.1Yecu te kobbigi ni, “Myero inen ni igwokere wunu i tobi Oparicayo kede i me Ocadukayo.” 7Gin ote penyere kengi kengi, okobo ni, “Kara mom okelo ogati.” 8Ka Yecu oŋeo, te penyogi ni, “Piŋo ipenyere wunu kenwu kenwu ni ogatiwu mom tye, wun jo ame iyeewu nok? 9#Mat. 14.17-21Mom ru iniaŋ wunu, onyo mom ipo wunu pi ogati abic ca mea jo tutumia abic? Rik ce icoko wunu opoŋ aditti adi? 10#Mat. 15.34-38Onyo ogati abiro mea jo tutumia aŋwen, rik ce icoko wunu dwoŋ adi? 11Piŋo mom iniaŋ wunu ni an mom akobbiwu kop i kom ogati ikome? Gwokere wunu i kom tobi Oparicayo kede i me Ocadukayo.” 12Ka doŋ gin oniaŋ aber ni en mom okobo ni gwokere i kom tobi me ogati, ento i kom pwony Oparicayo kede me Ocadukayo.

Kop ame Petero otuco i kom Yecu

(Nen daŋ Marako 8.27-30; Luka 9.18-21)

13Ka Yecu otuno i loba a ceggi kede Kaicaria Pilipi, openyo jo a lube ni, “Kara jo kobo ni Wot a dano obedo ŋa?” 14#Mat. 14.1-2; Mar. 6.14-15; Luk. 9.7-8Gin te gamo ni, “Jo mogo kobo ni Lakana Abatija, jo mogo ni Icaya, jo ocele ni Jeremia, onyo ŋat acel i akina odwarpiny.” 15Te dok penyogi ni, “Kara wun kono ikobo wunu ni an ŋa?” 16#Lak. 6.68-69Cimon Petero te gamo ni, “Yin i Kricito, Wot Obaŋa akwo.” 17Yecu te dok iye ni, “Itye kede winyo Cimon wota Yona! Pien mom ginnoro a tye i kom kede remo en onyutti kop man, ento Pappa a tye i polo. 18Doŋ an akobbi ni, yin Petero#16.18 Petero te koppere lela., daŋ abino gero lwak jo oye an i kom lela man, dok tek me to mom bino loye. 19#Mat. 18.18; Lak. 20.23Abino miyi ayab loc me polo; ginnoro ducu ame itweo i wi lobo obino tweyo anaka i wi polo, ginnoro ducu ame igonyo i wi lobo obino gonyo anaka i wi polo.” 20Ka doŋ te ciko jo a lube atek ni, kur gin tucci ŋattoro ni en e Kricito.

Yecu otito pi to mere

(Nen daŋ Marako 8.31–9.1; Luka 9.22-27)

21Cakere i kare-nono Yecu ogeo nyutti jo a lube ni en myero ewot i Jerucalem me ekany can apol i baŋ odoŋe kede olamdog adoŋo kede opwony-cik, gin bino neke, ento i nino me adekkere obino cere oko. 22Petero otere teŋe te ero juke kun kobo ni, “Pe amannono, Rwot, yin mom obino timi kittono gire.” 23En te lokere kobbi Petero ni, “Dok i ŋea yin Catan! Yin idoko iciki tuŋ baŋa, pien yin mom ilubo tam Obaŋa, ento ilubo mea dano.”

24 # Mat. 10.38; Luk. 14.27 Yecu te kobbi jo a lube ni, “Ka dano moro mito luba, myero koŋ oge kwerre kene, tiŋ yataria mere, luba. 25#Mat. 10.39; Luk. 17.33; Lak. 12.25Pien dano ame mito laro kwo mere, bino rwenyo kwo mere arwenya, ento dano ame rwenyo kwo mere pira, bino nwoŋo. 26Kara bino konyo dano kede ŋo ka ocamo lobo luŋ kun kwo mere omao oko? Onyo ŋo ame dano bino miyo pi dwoggo kwo mere? 27#Mat. 25.31; Jab. 62.12; Rom. 2.6Pien Wot a dano bino dwogo kede kwogo a Pappere karacel kede omalaika mere; i kare-nono bino culo dano acel acel kun lubo kit tic a yam etio. 28Ateni akobbiwu ni, tye jo mogo ame ocuŋ kan ame mom bino bilo to ka mom ru gin oneno Wot a dano a kun abino i loccere.”

Currently Selected:

Matayo 16: La79

ማድመቅ

Copy