ಮಾರ್ಕ್ 14

ಜೆಜುಕ್ ಜಿವಾನಿ ಮಾರ್‍ತಲಿ ಯವ್ಜನ್

ಮಾತೆವ್ 26:1-5; ಲುಕ್ 22:1-2; ಜುವಾಂವ್ 11:45-53

1ಪಾಸ್ಕ್ ಮನ್ತಲ್ಯಾ ಅನಿ ಇಸ್ಟ್ ಘಾಲಿನಸ್ತಾನಾ ಕರಲ್ಲ್ಯಾ ಭಾಕ್ರಿಚ್ಯಾ ಸನಾಕ್ ಅನಿ ಖಾಲಿ ದೊನ್ ದಿಸಾ ಹುರಲ್ಲಿ, ತನ್ನಾ ಮುಖ್ಯ ಯಾಜಕಾನಿ ಅನಿ ಖಾಯ್ದೆ ಸಿಕ್ವುತಲ್ಯಾನಿ ಜೆಜುಕ್ ಘುಟಾನಿ ಧರುನ್ ಜಿವಾನಿ ಮಾರುಚೆ ಮನುನ್ ಯವ್ಜುನ್ ಘೆವ್ನ್ ಹೊತ್ತ್ಯಾನಿ. 2ಮಾನಾ “ಅತ್ತಾ ಸನ್ ತೊಂಡಾರ್ ಯೆಲೊ, ಲೊಕಾನಿ ಚವ್ತಾಳುನ್ ಖೈ ತರ್ ಧಾಂದಲ್ ಉಟ್ವುತಿಲ್” ಮನುನ್ ಬೊಲುನ್ ಘೆಟ್ಲ್ಯಾನಿ.

ಬೆಥನಿತ್ ಜೆಜುಕ್ ತೆಲ್‍ ಲಾವ್ತಲೆ

ಮಾತೆವ್ 26:6-13; ಜುವಾಂವ್ 12:1-8

3ಬೆಥನಿ ಮನ್ತಲ್ಯಾ ಗಾಂವಾತ್ ಎಕ್ ಕಾಲಾತ್ ಕುಸ್ಟ್ ರೊಗ್ ಲಾಗ್ಲುನ್ ಗುನ್ ಹೊಲ್ಲ್ಯಾ ಸಿಮಾವಾಚ್ಯಾ ಘರಾತ್ ಜೆಜು ಜೆವಾನ್ ಕರುಕ್ ಲಾಗಲ್ಲೊ, ತನ್ನಾ ಲೈ ಮ್ಹಾಗ್ರೆ ಬರ್‍ಯಾ ವಾಸೆಚೆ ತೆಲ್ ಘೆವ್ನ್ ಎಕ್ ಬಾಯ್ಕೊಮನುಸ್ ಥೈ ಯೆಲಿ, ಅನಿ ಭರ್‍ನಿ ಉಗ್ಡುನ್ ತೆ ಸುಗಂದ್ತೆಲ್ ಜೆಜುಚ್ಯಾ ಟಕ್ಲ್ಯಾ ವರ್‍ತಿ ವೊತ್ಲಿನ್.

4ಥೈ ಹೊತ್ತಿ ಉಲ್ಲಿ ಲೊಕಾ “ಹೆ ಎವ್ಡೆ ಮ್ಹಾಗ್ರೆ ತೆಲ್ ಕಶ್ಯಾಕ್ ಹಾಳ್ ಕರ್‍ಲೆ?” ಮನುನ್ ಎಕಾಮೆಕಾತ್ನಿ ಮನುಲಾಗಲ್ಲ್ಯಾನಿ.

5“ಹೆ ತೆಲ್ ತಿನ್ ಸೆಂಬರ್ ಚಾಂದಿಚ್ಯಾ ಪೈಸ್ಯಾಕ್ನಿ#14:5 ತಿನ್ ಸೆಂಬರ್ ಚಾಂದಿಚೆ ಪೈಸೆ" ಮಟ್ಲ್ಯಾರ್, ಎಕ್ ಮಾನ್ಸಾಚಿ ಎಕ್ ವರ್ಸಾಚಿ ಮಜುರಿ. ಇಕುನ್ ಯೆಲ್ಲೆ ಪೈಸೆ ಗರಿಬಾಕ್ನಿ ದಿಲ್ಯಾರ್ ಹೊಯ್ನಸಿತ್ತೆ ಕಾಯ್?” ಮನುನ್ ತ್ಯಾ ಬಾಯ್ಕೊಮನ್ಸಿಕ್ ಜೊರ್ ಕರ್‍ಲ್ಯಾನಿ.

6ಖರೆ ಜೆಜುನ್ ಗಪ್ ರ್‍ಹಾವಾ,ತಿಕಾ ಸೊಡುನ್ ಸೊಡಾ ತಿಕಾ ಕಶ್ಯಾಕ್ ತರಾಸ್ ದಿವ್ಕ್ ಲಾಗ್ಲ್ಯಾಶಿ, ತೆನಿ ಮಾಜೆ ಸಾಟ್ನಿ ಎಕ್ ಎಗ್ದಮ್ ಬರೆ ಕಾಮ್ ಕರ್‍ಲಿನಾಯ್. 7ಗರಿಬ್ ಲೊಕಾ ಕನ್ನಾಬಿ ತುಮ್ಚ್ಯಾ ವಾಂಗ್ಡಾ ರಾತ್ಯಾತ್, ತುಮ್ಕಾ ಮನ್ ಯೆತಾ ತನ್ನಾ ತುಮಿ ತೆಂಕಾ ತುಮ್ಚೆನ್ ಹೊತಾ ತವ್ಡೆ ಬರೆ ಕರುಕ್ ಹೊತಾ, ಖರೆ ಮಿಯಾ ಕನ್ನಾಬಿ ತುಮ್ಚ್ಯಾ ವಾಂಗ್ಡಾ ರ್‍ಹಾಯ್ನಾ. 8ಹ್ಯಾ ಬಾಯ್ಕೊಮನ್ಸಿನ್ ಅಪ್ನಾನ್ ಕಾಯ್ ಕರುಚೆ ಮನುನ್ ಯವಜಲ್ಲಿನ್ ತೆ ತೆನಿ ಕರ್‍ಲಿನ್, ತೆನಿ ಹೆ ಸುಗಂದ್ತೆಲ್ ಮಾಜ್ಯಾ ಆಂಗಾರ್ ಒತುನ್, ಮಿಯಾ ಮರುಚ್ಯಾ ಅದ್ದಿಚ್ ಮಾಜೆ ಶರಿರ್ ಸಮಾದಿ ಕರುಕ್ ಮನುನ್ ತೆನಿ ತಯಾರ್ ಕರ್‍ಲಿನ್. 9ಬಗಾ, ಮಿಯಾ ತುಮ್ಕಾ ಖರೆಚ್ ಸಾಂಗ್ತಾ “ಸಗ್ಳ್ಯಾ ದುನಿಯಾತ್ ಬರಿ ಖಬರ್ ಪರ್ಗಟ್ ಕರಲ್ಲ್ಯಾ-ಕರಲ್ಲ್ಯಾಕ್ಡೆ, ಹಿನಿ ಕರಲ್ಲ್ಯಾ ಕಾಮಾಚ್ಯಾ ವಿಶಯಾತ್ ಸಾಂಗುನ್ ಹಿಕಾ ಯಾದ್ ಕರುಂಗೆತ್ ರ್‍ಹಾತ್ಯಾತ್” ಮನುನ್ ಸಾಂಗ್ಲ್ಯಾನ್.

ಜುದಾಸಾನ್ ಜೆಜುಕ್ ಧರುನ್ ದಿವ್ಕ್ ಒಪಲ್ಲೆ

ಮಾತೆವ್ 26:4-16; ಲುಕ್ 22:3-6

10ಮಾನಾ ಬಾರಾ ಜಾನಾ ಶಿಸಾಂಚ್ಯಾ ಮದ್ಲೊ ಜುದಾಸ್ ಇಸ್ಕರಿಯೊತ್ ಜೆಜುಕ್ ಧರುನ್ ದಿವ್ಕ್ ಮನುನ್ ಮುಖ್ಯ ಯಾಜಕಾಂಚ್ಯಾ ವಾಂಗ್ಡಾ ಬೊಲುಕ್ ಮನುನ್ ಗೆಲೊ 11ತೆನಿ ಸಾಂಗಟಲ್ಲೆ ಆಯ್ಕುನ್, ತೆನಿ ಲೈ ಕುಶಿ ಹೊಲೆ ಅನಿ ತುಕಾ ಪೈಸೆ ದಿತಾಂವ್ ಮನುನ್ ಸಾಂಗ್ಲ್ಯಾನಿ, ತಸೆ ಮನುನ್ ಜೆಜುಕ್ ಧರುನ್ ದಿತಲೊ ಬರೊ ಅವ್ಕಾಸ್ ತೊ ಹುಡ್ಕುನ್ಗೆತ್ ಹೊತ್ತೊ.

ಜೆಜು ಶಿಸಾಂಚ್ಯಾ ವಾಂಗ್ಡಾ ಪಾಸ್ಕಾಚೆ ಜೆವಾನ್ ಕರ್‍ತಲೆ

ಮಾತೆವ್ 26:17-25; ಲುಕ್ 22:7-14

12ಜೆಜು ಅಪ್ನಾಚ್ಯಾ ಸಿಸಾಂಚ್ಯಾ ವಾಂಗ್ಡಾ ಪಾಸ್ಕಾಚೆ ಜೆವಾನ್ ಕರ್‍ತಲೆ ಇಸ್ಟ್ ಘಾಲಿನಸಲ್ಲ್ಯಾ ಭಾಕ್ರಿಚ್ಯಾ ಸನಾಚ್ಯಾ ಪಯ್ಲೆಚ್ಯಾ ದಿಸಿ, ಪಾಸ್ಕಾಚ್ಯಾ ಸನಾಚ್ಯಾ ಜೆವ್ನಾಚೆ ಬಕ್ರೆ ಬಲಿ ದಿತಲ್ಯಾ ದಿಸಿ, ಶಿಸಾನಿ ಜೆಜುಕ್ಡೆ ಯೆವ್ನ್ “ಪಾಸ್ಕಾಚ್ಯಾ ಜೆವ್ನಾಚಿ ತಯಾರಿ ಅಮಿ ಖೈ ಜಾವ್ನ್ ಕರುಚೆ ಮನುನ್ ತಿಯಾ ಮನ್ತೆ?” ಮನುನ್ ಇಚಾರ್‍ಲ್ಯಾನಿ.

13ತನ್ನಾ ಜೆಜುನ್ ಅಪ್ನಾಚ್ಯಾ ದೊಗ್ಯಾ ಜಾನಾ ಶಿಸಾಕ್ನಿ ಬಲ್ವುನ್ “ತುಮಿ ಗಾಂವಾತ್ ಜಾಂವಾ, ಥೈ ಎಕ್ ಪಾನಿಯಾಚೊ ಬಿಂದ್ಗೊ ಖಾಂಜಾರ್ ಘೆವ್ನ್ ಯೆತಲೊ ಎಕ್ ಮಾನುಸ್ ಗಾವ್ತಾ, ತೆಚ್ಯಾ ಫಾಟ್ನಾಚ್ ಜಾಂವಾ, 14ಅನಿ ತೊ ಖಲ್ಯಾ ಘರಾತ್ ಜಾವ್ನ್ ಗುಸ್ತಾ ಕಿ, ತ್ಯಾ ಘರಾತ್ ಜಾಂವಾ, ಅನಿ ತ್ಯಾ ಘರ್‍ಚ್ಯಾ ವಡ್ಲಾಕ್, ಅಮ್ಚ್ಯಾ ಗುರುಜಿನ್; ಅಪ್ನಾಚ್ಯಾ ಶಿಸಾಂಚ್ಯಾ ವಾಂಗ್ಡಾ ಪಾಸ್ಕಾಚೆ ಜೆವಾನ್ ಕರ್‍ತಲಿ ಖೊಲಿ ಖೈ ಹಾಯ್ ಮನುನ್ ಇಚಾರ್ಲಾನ್ಯಾಯ್?” ಮನುನ್ ಸಾಂಗಾ. 15ತನ್ನಾ ತೊ ವಡಿಲ್ ತುಮ್ಕಾ ಮ್ಹಾಳ್ಗಿ ವರ್‍ತಿ ಹೊತ್ತಿ ಮೊಟಿ ಖೊಲಿ ದಾಕ್ವುತಾ, “ಥೈ ಅಮ್ಕಾ ಸಗ್ಳೆ ಬರೆ ಕರುನ್ ತಯಾರ್ ಕರುನ್ ಥವಲ್ಲೆ ರ್‍ಹಾತಾ. ಥೈ ಜೆವ್ನಾಚಿ ತಯಾರಿ ಕರಾ” ಮನುನ್ ಸಾಂಗುನ್ ಧಾಡ್ಲ್ಯಾನ್.

16ತನ್ನಾ ತಿ ಶಿಸಾ ತ್ಯಾ ಗಾಂವಾತ್ ಗೆಲಿ, ಥೈ ಗೆಲ್ಲ್ಯಾ ತನ್ನಾ ಜೆಜುನ್ ಸಾಂಗಲ್ಲ್ಯಾ ಸರ್ಕೆಚ್ ತೆಂಕಾ ಗಾವ್ಲೆ, ಥೈ ತೆನಿ ಪಾಸ್ಕಾಚ್ಯಾ ಜೆವ್ನಾಚಿ ಯವಸ್ತಾ ಕರ್‍ಲ್ಯಾನಿ. 17ಸಾಂಚೆಕ್ಡೆ ಜೆಜು ಬಾರಾ ಜಾನಾ ಶಿಸಾಂಚ್ಯಾ ವಾಂಗ್ಡಾ ಥೈ ಗೆಲೊ. 18ತೆನಿ ಜೆವಾನ್ ಕರ್‍ತಾನಾ ಜೆಜುನ್ “ಮಿಯಾ ತುಮ್ಕಾ ಸಾಂಗ್ತಾ ತುಮ್ಚ್ಯಾತ್ಲೊ ಎಕ್ಲೊ ಮಾಕಾ ಘಾತ್ ಕರ್‍ನಾರ್ ಹಾಯ್.ತೊ ಮಾನುಸ್ ಹಿತ್ತೆ ಅತ್ತಾ ಮಾಜ್ಯಾ ವಾಂಗ್ಡಾಚ್ ಜೆವಾನ್ ಕರುಕ್ ಲಾಗ್ಲಾ”. ಮಟ್ಲ್ಯಾನ್. 19ಹೆ ಆಯ್ಕುನ್ ಶಿಸಾ ಬೆಜಾರ್ ಹೊವ್ನ್ ಎಕ್ಲ್ಯಾಚ್ಯಾ ಮಾನಾ ಎಕ್ಲೊ, ಜೆಜುಕ್‍ “ಮಿಯಾ ತರ್ ನ್ಹಯ್, ನ್ಹಯ್?” ಮನುನ್ ಇಚಾರ್‍ಲ್ಯಾನಿ.

20ಖರೆ ಜೆಜುನ್ ತೆಂಕಾ “ತುಮ್ಚ್ಯಾ ಬಾರಾ ಜಾನಾನಿತ್ಲೊ ಎಕ್ಲೊ, ತೊ ಮಾಜ್ಯಾ ವಾಂಗ್ಡಾಚ್ ಆಯ್ದಾನಾತ್ ಅಪ್ನಾಚೊ ಭಾಕ್ರಿಚೊ ತುಕ್ಡೊ ಬುಡ್ವುತಾ. 21ಪವಿತ್ರ್ ಪುಸ್ತಕಾತ್ ಲಿವಲ್ಲ್ಯಾ ಪರ್ಕಾರ್ ಮಾನ್ಸಾಚೊ ಲೆಕ್ ಮರುಕುಚ್ ಪಾಜೆ ಅನಿ ಮರ್ತಾ, ಖರೆ ತೆಕಾ ಘಾತ್ ಕರ್‍ತಲ್ಯಾ ಮಾನ್ಸಾಚಿ ಗತ್, ಮಿಯಾ ಕಾಯ್ ಸಾಂಗು! ತೊ ಮಾನುಸ್ ಜಲ್ಮುಕುಚ್ ನಸ್ಲ್ಯಾರ್ ತೆಕಾಚ್ ಕವ್ಡೆಕಿ ಬರೆ ಹೊತ್ತೆ” ಮಟ್ಲ್ಯಾನ್.

ಧನ್ಯಾಚೆ ಜೆವಾನ್

ಮಾತೆವ್ 26:26-30; ಲುಕ್ 22:14-20; 11:23-25

22ತೆನಿ ಜೆವಾನ್ ಕರ್‍ತಾನಾ ಜೆಜುನ್ ಭಾಕ್ರಿ ಹಾತಿತ್ ಘೆವ್ನ್, ಧನ್ಯಾವಾದಾಚಿ ಮಾಗ್ನಿ ಕರುನ್ ಅಪ್ನಾಚ್ಯಾ ಶಿಸಾಕ್ನಿ ದಿವ್ನ್ “ಹೆ ಮಾಜೆ ಶರಿರ್” ಮಟ್ಲ್ಯಾನ್.

23ಮಾನಾ ಜೆಜುನ್ ವಾಯ್ನಾಚೆ#14:23 ಅಂಬೊಟ್ ದರಾಕ್ಷಾನಿ ಕರಲ್ಲೊ ನಿಶಾ ಹೊತಲೊ ರೊಸ್. ಆಯ್ದಾನ್ ಘೆವ್ನ್. ದೆವಾಕ್ ಧನ್ಯಾವಾದ್ ದಿವ್ನ್ ತೆ ತೆಂಕಾ ದಿಲ್ಯಾನ್, ತೆನಿ ತೆ ಫಿಲ್ಯಾನಿ. 24ಜೆಜುನ್ ತೆಂಕಾ “ಹೆ ಮಾಜೆ ರಗಾತ್, ದೆವಾನ್ ಅಪ್ನಾಚ್ಯಾ ಲೊಕಾಂಚ್ಯಾ ವಾಂಗ್ಡಾ ಕರಲ್ಲೊ ಎಕ್ ನ್ಹವೊ ಕರಾರ್, ಹೆ ಸುಮಾರ್ ಲೊಕಾಂಚ್ಯಾ ಸಾಟ್ನಿ ವೊತಲ್ಲೆ ರಗಾತ್. 25ಮಿಯಾ ತುಮ್ಕಾ ಸಾಂಗ್ತಾ, ದೆವಾಚ್ಯಾ ರಾಜಾತ್ ಮಿಯಾ ನ್ಹವೊ ವಾಯ್ನ್ ಫಿತಲ್ಯಾ ದಿಸಾ ಸಗೊಳ್ ಹಿ ವಾಯ್ನ್ ಕನ್ನಾಚ್ ಫಿ ನಾ”. ಮಟ್ಲ್ಯಾನ್.

26ಮಾನಾ ತೆನಿ ಎಕ್ ಕಿರ್ತನ್ ಗಾವುನ್ ಒಲಿವ್ ಝಾಡಾಂಚ್ಯಾ ಮಡ್ಡಿ ವರ್‍ತಿ ಗೆಲ್ಯಾನಿ.

ಜೆಜು ಪೆದ್ರು ಇನ್ಕಾರ್ ಕರ್‍ತಲ್ಯಾ ವಿಶಯಾತ್ ಸಾಂಗ್ತಲೆ

ಮಾತೆವ್ 26:31-35; ಲುಕ್ 22:31-34; ಜುವಾಂವ್ 13:36-38

27ಮಾನಾ ಜೆಜುನ್ ತೆಂಕಾ “ತುಮಿ ಮಾಕಾ ಸೊಡುನ್ ಪಳುನ್ ಜಾತ್ಯಾಶಿ” ಕಶ್ಯಾಕ್ ಮಟ್ಲ್ಯಾರ್

“ದೆವ್ ಕುರ್‍ಬುರಾಕ್ ಜಿವಾನಿ ಮಾರ್‍ತಾ,

ತನ್ನಾ ಸಗ್ಳಿ ಬಕ್ರಿ ಮಾಳ್ಬರ್ ಹೊತ್ಯಾತ್”#14:27 ಜೆಕರಿಯಾ 13:7

ಮನುನ್ ಪವಿತ್ರ್ ಪುಸ್ತಕಾತ್ ಲಿವಲ್ಲೆ ಹಾಯ್ ಮಟ್ಲ್ಯಾನ್.

28“ಖರೆ ಮಿಯಾ ಮರುನ್ ದೆವಾನ್ ಮಾಕಾ ಝಿತ್ತೊ ಕರುನ್ ಉಟ್ವಲ್ಲ್ಯಾ ತನ್ನಾ ಮಿಯಾ ತುಮ್ಚ್ಯೆನ್ಕಿ ಅದ್ದಿ ಗಾಲಿಲಿಯಾಕ್ ಜಾತಾ” ಮಟ್ಲ್ಯಾನ್.

29ತನ್ನಾ ಪೆದ್ರು “ಹುರಲ್ಲೆ ಸಗ್ಳೆ ಜಾನಾ ತುಕಾ ಸೊಡುನ್ ಗೆಲ್ಯಾರ್ಬಿ ಮಿಯಾ ತುಕಾ ಸೊಡುನ್ ಜಾಯ್ನಾ” ಮಟ್ಲ್ಯಾನ್.

30ತನ್ನಾ ಜೆಜುನ್ “ಮಿಯಾ ತುಕಾ ಸಾಂಗ್ತಾ, ಆಜ್ ರಾಚ್ಚೆ ದೊನ್ದಾ ಕೊಂಬೊ ಭೊಕುಚ್ಯಾ ಅದ್ದಿ, ತಿಯಾ ತಿನ್ದಾ ಮಾಜಿ ತುಕಾ ಒಳಕುಚ್ ನಾ ಮನುನ್ ಸಾಂಗ್ತೆ”, ಮನುನ್ ಸಾಂಗ್ಲ್ಯಾನ್.

31ಖರೆ ಪೆದ್ರು “ಅನಿ ವಿಶ್ವಾಸಾನ್ ಮಾಕಾ ತುಜೆ ವಾಂಗ್ಡಾ ಮರ್‍ತಲೊ ಎಳ್ ಯೆಲ್ಯಾರ್ಬಿ, ತುಜಿ ಮಾಕಾ ವಳಕುಚ್ ನಾ ಮನುನ್ ಎವ್ಡೆ, ಕನ್ನಾಬಿ ಸಾಂಗಿನಾ” ಮನುನ್ ಸಾಂಗ್ತಾನಾ ಸಗ್ಳಿ ಶಿಸಾಬಿ ತಸೆಚ್ ಮನುಲಾಲಿ.

ಗೆತ್ಸೆಮನಿತ್ ಜೆಜು ಮಾಗ್ನಿ ಕರ್‍ತಾ

ಮಾತೆವ್ 26:36-46; ಲುಕ್ 22:39

32ಮಾನಾ ತೆನಿ ಗೆತ್ಸೆಮನಿ ಮನ್ತಲ್ಯಾ ಜಾಗ್ಯಾಕ್ ಯೆವ್ನ್ ಪಾವ್ಲ್ಯಾನಿ. ಅನಿ ಜೆಜುನ್ ಅಪ್ನಾಚ್ಯಾ ಶಿಸಾಕ್ನಿ “ಮಿಯಾ ಮಾಗ್ನಿ ಕರುನ್ ಯೆಯ್ ಸಗೊಳ್ ಹಿತ್ತೆ ಬಸಾ” ಮಟ್ಲ್ಯಾನ್. 33ಜೆಜುನ್ ಪೆದ್ರುಕ್ ಜಾಕೊಬಾಕ್ ಅನಿ ಜುವಾಂವಾಕ್ ವಾಂಗ್ಡಾ ಘೆವ್ನ್ ಗೆಲ್ಯಾನ್, ತರಾಸ್ ಅನಿ ದುಕ್ ತೆಚೆ ವರ್‍ತಿ ಯೆಲ್ಲೆ ಹೊತ್ತೆ. 34ಅನಿ ಜೆಜುನ್ ತೆಂಕಾ “ಮಾಜ್ಯಾ ಕಾಳ್ಜಾತ್ ದುಖ್ಕ್ ಭರ್ಲಾ ಅನಿ ತೆ ಮಾಕಾ ಮಿಯಾ ಮರ್ತಾ ಸರ್ಕೆ ಕರುಕ್ ಲಾಗ್ಲಾ. ತುಮಿ ಹಿತ್ತೆಚ್ ರ್‍ಹಾವ್ನ್ ಜಾಗೆ ರ್‍ಹಾವಾ” ಮಟ್ಲ್ಯಾನ್.

35ಅನಿ ಜೆಜು ಉಲ್ಲೆ ಫಿಡೆ ಗೆಲೊ ಅನಿ ಜಿಮ್ನಿರ್ ಡಬ್ ಪಡುನ್ “ಸಾದ್ಯ್ ರ್‍ಹಾಲ್ಯಾರ್ ಹ್ಯೊ ಸಂಕಟಾಚೊ ಎಳ್ ಮಾಜೆಕ್ನಾ ದುರ್ ಕರ್” ಮನುನ್ ಮಾಗುಕ್‍ಲಾಲೊ. 36ಜೆಜು ಮಾಗುನ್ಗೆತ್ “ಬಾಬಾ” “ಮಾಜ್ಯಾ ಬಾಬಾ! ತುಕಾ ಸಗ್ಳೆ ಸಂಗ್ತಿಯಾ ಕರುಕ್ ಸಾದ್ಯ್ ಹಾಯ್, ಹೆ ಸಂಕಟಾಚೆ ಅಯ್ದಾನ್ ಮಾಜೆಕ್ನಾ ದುರ್ ಕರ್, ಖರೆ ಮಿಯಾ ಯವಜ್ತಾ ತಸೆ ನ್ಹಯ್, ತಿಯಾ ಯವಜಲ್ಲ್ಯಾ ಸರ್ಕೆಚ್ ಕರ್” ಮನುಲಾಲೊ.

37ಮಾನಾ ಜೆಜು ಅಪ್ನಾಚ್ಯಾ ತಿನ್ ಶಿಸಾಂಚ್ಯಾಕ್ಡೆ ಯೆಲೊ ಅನಿ ತೆನಿ ತಿಗೆ ಜಾನಾಬಿ ನಿಜಲ್ಲೆ ಬಗುನ್ ತೆನಿ ಪೆದ್ರುಕ್ “ಸಿಮಾವ್, ತಿಯಾ ನಿದ್ಲೆ ಕಾಯ್? ಎಕ್ ತಾಸ್ಬರ್ ಸೈತ್ ಮಾಜ್ಯಾ ವಾಂಗ್ಡಾ ತುಕಾ ಜಾಗೆ ರಾವ್ಕ್ ಹೊಯ್ನಾ ಕಾಯ್?” ಮಟ್ಲ್ಯಾನ್. 38ತೆನಿ ತೆಂಕಾ “ತುಮಿ ಪಾಪಾತ್ ಪಡಿನಸಿ ಸರ್ಕೆ ಜಾಗಿ ರವ್ನ್ ಮಾಗ್ನಿ ಕರಾ. ಮನ್ ತಯಾರ್ ಹಾಯ್ ಹೊಯ್, ಖರೆ ಹ್ಯಾ ಶರಿರಾಕ್ ತವ್ಡಿ ಸಂಬಾಳ್ತಲಿ ತಾಕತ್ ನಾ” ಮಟ್ಲ್ಯಾನ್.

39ಮಾನಾ ಅನಿ ಎಗ್ದಾ ತೊ ಧುರ್ ಗೆಲೊ ಅನಿ ತ್ಯಾಚ್ ಗೊಸ್ಟಿಯಾನಿ ತೆನಿ ಮಾಗ್ನಿ ಕರ್‍ಲ್ಯಾನ್.

40ಮಾನಾ ಜೆಜು ಅಪ್ನಾಚ್ಯಾ‍ ಶಿಸಾನಿಕ್ಡೆ ಫಾಟಿ ಯೆಲೊ ಅನಿ ತೆನಿ ನಿಜಲ್ಲೆ ಬಗಟ್ಲ್ಯಾನ್, ತೆಂಕಾ ಡೊಳೆ ಉಗ್ಡುಕ್ ಸೈತ್ ಹೊಯ್ನಶಿ, ತೆಕಾ ಕಾಯ್ ಸಾಂಗುಚೆ ಮನುನ್ ತೆಂಕಾಚ್ ಕಳಿನಸಿ.

41ತೊ ತಿನ್ವೆ ಫಾಟಿ ಪರ್ತುನ್ ತೆಂಚೆಕ್ಡೆ ಯೆವ್ನ್ “ತುಮಿ ಅಜುನ್ಬಿ ನಿಜುನ್ ಆರಾಮ್ ಘೆವ್ಲ್ಯಾಶಿ? ಫಿರೆ, ಮಾನ್ಸಾಚ್ಯಾ ಲೆಕಾಕ್ ಧರುನ್ ಪಾಪಿ ಲೊಕಾಂಚ್ಯಾ ಹಾತಾತ್ನಿ ದಿತಲೊ ಎಳ್ ಯೆಲೊ. 42ಉಟಾ, ಜಾಂವಾ, ಬಗಾ, ತ್ಯಾ ಲೊಕಾಂಚ್ಯಾ ಹಾತಿತ್ ಧರುನ್ ದಿತಲೊ ಯೆವ್ಲಾ” ಮಟ್ಲ್ಯಾನ್.

ಜೆಜುಕ್ ಧರುನ್ ಘೆವ್ನ್ ಜಾತಲೆ

ಮಾತೆವ್ 26:47-58; ಲುಕ್ 22:47-53; ಜುವಾಂವ್ 18:3-12

43ಜೆಜು ಬೊಲುನ್ಗೆತುಚ್ ರಾತಾನಾ ಬಾರಾಜಾನಾನಿತ್ಲೊ ಜುದಾಸ್ ಯೆಲೊ. ಅನಿ ಹೆಚ್ಯಾ ಫಾಟ್ನಾ ಕೊಯ್ತೆ ಅನಿ ಟೊನೆ ಹಾತಾತ್ನಿ ಧರುನ್ ಘೆವ್ನ್ ಎಕ್ ಲೊಕಾಂಚೊ ತಾಂಡೊಚ್ ಯೆಲ್ಲೊ. ಮುಖ್ಯ ಯಾಜಕಾನಿ, ಖಾಯ್ದೆ ಸಿಕ್ವುತಲ್ಯಾನಿ ಅನಿ ವಡಿಲಾನಿ ತ್ಯಾ ಲೊಕಾಕ್ನಿ ಧಾಡುನ್ ದಿಲ್ಲ್ಯಾನಿ. 44ಧರುನ್ ದಿತಲ್ಯಾನ್ ತ್ಯಾ ಲೊಕಾಕ್ನಿ ಎಕ್ ಘುರ್ತ್ ದಿಲ್ಲ್ಯಾನ್, “ಮಿಯಾ ಕೊನಾಕ್ ಉಪ್ಪಾ ದಿತಾಕಿ ತೊಚ್ ತುಮ್ಕಾ ಪಾಜೆ ಹೊಲ್ಲೊ, ತೆಕಾ ತುಮಿ ಧರಾ ಅನಿ ಉಶಾರ್ಕಿನ್ ಘೆವ್ನ್ ಜಾವಾ” ಮನುನ್ ಸಾಂಗಲ್ಲ್ಯಾನ್. 45ಯೆಲ್ಲ್ಯಾ ತನ್ನಾಚ್ ಜುದಾಸ್ ಜೆಜುಕ್ಡೆ ಗೆಲೊ ಅನಿ ಗುರುಜಿ! ಮಟ್ಲ್ಯಾನ್ ಅನಿ ಜೆಜುಚಿ ಉಪ್ಪಾ ಘೆಟ್ಲ್ಯಾನ್. 46ತನ್ನಾ ತೆನಿ ತೆಕಾ ಘಟ್ ಧರುನ್ ಘೆಟ್ಲ್ಯಾನಿ. 47ಖರೆ ಥೈ ಇಬೆ ಹೊತ್ತ್ಯಾ ತ್ಯೆಂಚಾತ್ಲ್ಯಾ ಎಕ್ಲ್ಯಾನ್ ಅಪ್ನಾಚೊ ಚಾಕು ಕಾಡುನ್ ಮಹಾಯಾಜಕಾಚ್ಯಾ ಎಕ್ಲ್ಯಾ ಆಳಾಕ್ ಮಾರುನ್ ತೆಚೊ ಕಾನುಚ್ ಕಾತರ್‍ಲ್ಯಾನ್. 48ತನ್ನಾ ಜೆಜುನ್ ತೆಂಕಾ ಎಕ್ ಚೊರಾಕ್ ಧರುಕ್ ಯೆಲ್ಲ್ಯಾ ಸರ್ಕೆ, ಕೊಯ್ತೆ, ಟೊನೆ ಘೆವ್ನ್ ತುಮಿ ಕಶ್ಯಾಕ್ ಯೆಲ್ಯಾಶಿ?

49ಮಿಯಾ ಸದ್ದಿಚ್ ದೆವಾಚ್ಯಾ ಗುಡಿತ್ ಸಿಕ್ವುನ್ಗೆತ್ ಹೊತ್ತೊ, ಥೈ ತುಮಿ ಮಾಕಾ ಧರುಕ್ನ್ಯಾಸಿ,ಖರೆ ಹೆ ಸಗ್ಳೆ ಪವಿತ್ರ್ ಪುಸ್ತಕಾತ್ ಸಾಂಗಲ್ಲ್ಯಾ ಬಾಸೆನ್ ಹೊಲೆ ಮಟ್ಲ್ಯಾನ್.

50ತನ್ನಾ ಜೆಜುಚಿ ಸಗ್ಳಿ ಶಿಸಾ ಜೆಜುಕ್ ಎಕ್ಲ್ಯಾಕುಚ್ ಸೊಡುನ್ ಪಳುನ್ ಗೆಲಿ.

51ಎಕ್ಲೊ ದಾನ್ಡಗೊ ಮಾಸುನ್ ಮ್ಹಾಗ್ರೊ ಕಪ್ಡೊ ಧಾಪುನ್ ಘೆವ್ನ್ ಜೆಜುಚ್ಯಾ ಫಾಟ್ನಾ ಯೆಯ್ ತೆಕಾ ಧರುಕ್ ಪ್ರಯತ್ನ್ ಕರ್‍ಲ್ಯಾನಿ. 52ಖರೆ ತೊ ಅಪ್ನಾಚ್ಯಾ ಆಂಗಾ ವಯ್ಲೊ ಕಪ್ಡೊ ತೆಂಚ್ಯಾ ಹಾತಾತ್ ಸೊಡುನ್ ನಾಗ್ಡೊಚ್ ಪಳುನ್ ಗೆಲೊ.

ಜುದೆವಾಂಚ್ಯಾ ವಡಿಲಾಂಚ್ಯಾ ಇದ್ರಾಕ್ ಜೆಜು

ಮಾತೆವ್ 26:57-68; ಲುಕ್ 22:54-55; ಜುವಾಂವ್ 18:13-14; 19:24

53ತ್ಯಾ ಧರುನ್ ಹಾನಲ್ಲ್ಯಾ ಲೊಕಾನಿ ಜೆಜುಕ್ ಮಹಾಯಾಜಕಾಚ್ಯಾ ಘರಾಕ್ಡೆ ಘೆವ್ನ್ ಗೆಲ್ಯಾನಿ.ಥೈ ಸಗ್ಳಿ ಮುಖ್ಯ ಯಾಜಕಾ, ಜಾನ್ತಿ ಲೊಕಾ ಅನಿ ಖಾಯ್ದೆ ಸಿಕ್ವುತಲೆ ಥೈ ಯೆವ್ನ್ ಜಮಲ್ಲೆ. 54ಪೆದ್ರು ಧುರ್-ಧುರ್ನಾಚ್ ಜೆಜುಚ್ಯಾ ಫಾಟ್ನಾ -ಫಾಟ್ನಾ ಮಹಾಯಾಜಕಾಚ್ಯಾ ಘರಾಚ್ಯಾ ದಾರಾತ್ ಸಗೊಳ್ ಯೆಲೊ, ಥೈ ರಾಕ್ವಾಲ್ಯಾಂಚ್ಯಾ ವಾಂಗ್ಡಾ ಬಸುನ್ ಆಗ್ ಶೆಕುಲಾಗಲ್ಲೊ. 55ಮುಖ್ಯ ಯಾಜಕಾನಿ ಅನಿ ಸಗ್ಳ್ಯಾ ಸಬೆತ್ಲ್ಯಾನಿ ಉಲ್ಲ್ಯಾ ಸಾಕ್ಷಿಯಾಂಚ್ಯಾ ವೈನಾ ತೆಚ್ಯಾತ್ ಚುಕ್ ಹುಡ್ಕುನ್ ತೆಕಾ ಮರ್‍ನಾಚಿ ಶಿಕ್ಷಾ ದಿವ್ಕ್ ಮನುನ್ ಬಗಟ್ಲ್ಯಾನಿ, ಖರೆ ತೆಂಕಾ ಕಾಯ್ಬಿ ಗಾವುಕ್ನಾ. 56ಸುಮಾರ್ ಲೊಕಾನಿ ಜೆಜುಚ್ಯಾ ವಿರೊದ್ ಝುಟ್ಯಾ ಸಾಕ್ಷಿಯಾ ಸಾಂಗ್ಲ್ಯಾನಿ, ಖರೆ ತೆನಿ ಸಾಂಗಲ್ಲ್ಯಾ ಕಾನಿಯಾ ಎಕಾಕ್ ಎಕ್ ಹೊಂದುಕ್ನ್ಯಾತ್.

57ಮಾನಾ ಎಕ್ ಉಲ್ಲಿ ಲೊಕಾ ಇಬೆ ರ್‍ಹಾವ್ನ್ ಜೆಜುಚ್ಯಾ ವಿರೊದ್ ಝುಟೆ ಸಾಂಗುಕ್ ಲಾಗಲ್ಲ್ಯಾನಿ. 58ಹ್ಯೊ ಮಾನುಸ್, ಮಾನ್ಸಾನಿ ಭಾಂದಲ್ಲಿ ದೆವಾಚಿ ಗುಡಿ ಮೊಡುನ್, ತಿನ್ ದಿಸಾ ಹೊಲ್ಲ್ಯಾ ಮಾನಾ “ಮಿಯಾ ತಿ ಭಾಂದ್ತಾ” ಖರೆ ಮಾನ್ಸಾನ್ ಭಾಂಧಲ್ಲ್ಯಾ ಸರ್ಕೆ ನ್ಹಯ್, ಮನುನ್ ಸಾಂಗ್ತಲೆ ಅಮಿ ಆಯ್ಕ್ಲಾಂವ್, 59ಜಾಲ್ಯಾರ್ಬಿ,ತೆಂಚ್ಯಾ ಸಾಕ್ಷಿಯಾ ಎಕಾಮೆಕಾಕ್ ಹೊಂದುಕ್ನ್ಯಾತ್.

60ತನ್ನಾ ಮಹಾಯಾಜಕ್ ಸಗ್ಳ್ಯಾಂಚ್ಯಾ ಫಿಡ್ಯಾತ್ ಇಬೆ ರ್‍ಹಾಲೊ ಅನಿ ಜೆಜುಕ್ “ಹಿ ಲೊಕಾ ತುಜೆ ವರ್‍ತಿ ಕಾಯ್-ಕಾಯ್ ಅಪ್ವಾದ್ ಘಾಲುಲ್ಯಾತ್, ಹೆಕಾ ತುಜೆಕ್ಡೆ ಕಾಯ್ಬಿ ಜಾಬ್ ನಾ ಕಾಯ್?” ಮನುನ್ ಪ್ರಸ್ನ್ ಕರ್‍ಲ್ಯಾನ್. 61ಖರೆ ಜೆಜು ಎಕ್ಬಿ ಶಬ್ದ್ ಬೊಲಿನಸ್ತಾನಾ ಗಪ್ಪುಚ್ ಇಬೆ ರ್‍ಹಾಲೊ. ಅನಿ ಫಿಡೆ ಮಹಾಯಾಜಕಾನ್ ತೆಕಾ “ತಿಯಾ ಆರಾದನೆಕ್ ಯೊಗ್ಯ್ಅಸಲ್ಲ್ಯಾಚೊ ಲೆಕ್ ಮೆಸ್ಸಿಯಾ ಕಾಯ್?” ಮನುನ್ ಇಚಾರ್‍ಲ್ಯಾನ್.

62ಜೆಜುನ್ “ಹೊಯ್ ಮಿಯಾ” ಮನುನ್ ಜಾಬ್ ದಿವ್ನ್, “ಮಾನ್ಸಾಚೊ ಲೆಕ್ ಮಹೊನ್ನತಾಚ್ಯಾ ಉಜ್ವ್ಯಾಕ್ಡೆ ಬಸಲ್ಲೆ ಅನಿ ದೆವ್ ರ್‍ಹಾತಲ್ಯಾ ಜಾಗ್ಯಾ ವೈನಾ ಯೆತಲ್ಯಾ ಮಹಿಮೆಚ್ಯಾ ಮೊಡಾಂಚ್ಯಾ ವಾಂಗ್ಡಾ ಯೆತಲೆ ತುಮಿ ಬಗ್ತ್ಯಾಸಿ”, ಮಟ್ಲ್ಯಾನ್.

63ಮಹಾಯಾಜಕಾನ್ ಅಪ್ನಾಚೆ ಕಪ್ಡೆ ಪಿಂಜ್ಲ್ಯಾನ್ ಅನಿ “ಅಮ್ಕಾ ಹೆಚೆನ್ ಮೊಟಿ ಕಸ್ಲಿ ಸಾಕ್ಷಿ ಪಾಜೆ! 64ಹೆನಿ ಬೊಲಲ್ಲಿ ದೆವಾಚಿ ನಿಂದ್ಯಾ ತುಮಿಚ್ ಆಯಿಕ್ಲ್ಯಾಶಿ, ಅತ್ತಾ ತುಮ್ಚೊ ನಿರ್‍ದಾರ್ ಕಾಯ್?” ಮಟ್ಲ್ಯಾನ್. ತೆಕಾ ಸಗ್ಳ್ಯಾ ಲೊಕಾನಿ ತೊ ಅಪ್ರಾದಿ, ತೆಕಾ ಮರ್‍ನಾಚಿ ಶಿಕ್ಷಾ ಹೊವ್ಕ್ ಪಾಜೆ ಮಟ್ಲ್ಯಾನಿ.

65ತೆಂಚ್ಯಾತ್ಲ್ಯಾ ಥೊಡ್ಯಾನಿ ಜೆಜುಕ್ ಥುಕ್ಲ್ಯಾನಿ, ಅನಿ ತೆಚ್ಯಾ ಡೊಳ್ಯಾಕ್ನಿ ಫಾಳಿ ಭಾಂದುನ್ ತೆಕಾ ಡುಬ್ರಿತ್ ಮುಟ್ಕ್ಯಾನಿ ಮಾರ್‍ಲ್ಯಾನಿ ಅನಿ “ತುಕಾ ಮಾರಲ್ಲೆ ಕೊನ್ ಮನುನ್ ಸಾಂಗ್” ಮನುನ್ ಇಚಾರ್‍ಲ್ಯಾನಿ. ಅನಿ ರಾಕ್ವಾಲ್ಯಾನಿ ಠಪ್ರಾಕ್ಯಾ ಮಾರುನ್ ಘೆವ್ನ್ ಗೆಲ್ಯಾನಿ.

ಪೆದ್ರು ಜೆಜು ಕೊನ್ ಮನುನ್ ಗೊತ್ತ್ ನಾ ಮನುನ್ ಸಾಂಗ್ತಾ

ಮಾತೆವ್ 26:69-75; ಲುಕ್ 22:56-62; ಜುವಾಂವ್ 18:15-18,25-27

66ಅತ್ತಾ ಪೆದ್ರು ದಾರಾತ್ ಹೊತ್ತ್ಯಾ ತನ್ನಾ ಮಹಾಯಾಜಕಾಚ್ಯಾ ಘರಾತ್ ಕಾಮ್ ಕರ್‍ತಲೆ ಎಕ್ ಚೆಡು ಥೈ ಯೆಲೆ. 67ತೆನಿ ಪೆದ್ರು ಆಗಿಕ್ಡೆ ಬಸುನ್ ಆಗ್ ಶೆಕ್ತಲೆ ಬಗಟ್ಲಿನ್,ತೆನಿ ಬರೆ ಕರುನ್ ಪೆದ್ರುಕ್ ಬಗುನ್ “ತಿಯಾಬಿ ನಜರೆತಾಚ್ಯಾ ಜೆಜುಚ್ಯಾ ವಾಂಗ್ಡಾ ಹೊತ್ತೆ ನ್ಹಯ್?” ಮಟ್ಲಿನ್.

68ಖರೆ ಪೆದ್ರುನ್ “ಮಾಕಾ ಗೊತ್ತ್ ನಾ,ತಿಯಾ ಕಾಯ್ ಮನುಲೆ, ಮಾಕಾ ಕಾಯ್ಬಿ ಕಳಿನಾ ಹೊಲಾ” ಮನುನ್ ಥೈತ್ನಾ ಉಟುನ್ ವಾಟೆನ್ ಜಾತಾನಾ ಕೊಂಬ್ಯಾನ್ ಭೊಕ್ಲ್ಯಾನ್.

69ಪೆದ್ರು ಥೈ ಜಾವ್ನ್ ಇಬೆ ಹೊತ್ತೆ ತ್ಯಾ ಕಾಮಾಚ್ಯಾ ಚೆಡ್ವಾನ್ ಬಗುನ್ ಥೈ ಇಬೆ ಹೊತ್ತ್ಯಾಕ್ನಿ “ಹ್ಯೊ ಮಾನುಸ್ಬಿ ತ್ಯೆಂಚಾತ್ಲೊಚ್” ಮಟ್ಲಿನ್ . 70ಖರೆ ಪೆದ್ರುನ್ ಅನಿ ಬಿ “ಮಿಯಾ ನ್ಹಯ್” ಮಟ್ಲ್ಯಾನ್ ಅನಿ ಉಲ್ಲೊ ಎಳ್ ಹೊಲ್ಲ್ಯಾ ಮಾನಾ ಥೈ ಇಬೆ ಹೊತ್ತ್ಯಾನಿ ಪೆದ್ರುಕ್ “ಖರೆಚ್ ತಿಯಾಬಿ ತ್ಯೆಂಚಾತ್ಲೊ ಎಕ್ಲೊ, ಕಶ್ಯಾಕ್ ಮಟ್ಲ್ಯಾರ್ ತಿಯಾ ಗಾಲಿಲಿಯಾಚೊ ಮಾನುಸ್” ಮಟ್ಲ್ಯಾನಿ.

71ತನ್ನಾ ಪೆದ್ರುನ್ “ಮಿಯಾ ಖರೆಚ್ ಆನ್ ಘಾಲುನ್ ಸಾಂಗ್ತಾ ಖಲ್ಯಾ ಮಾನ್ಸಾಚ್ಯಾ ವಿಶಯಾತ್ ತುಮಿ ಬೊಲುಲ್ಯಾಸಿ ತೊ ಮಾಕಾ ಗೊತ್ತ್ ನಾ, ಮಿಯಾ ಝುಟೆ ಸಾಂಗುಕ್ ಲಾಗ್ಲಾ ಜಾಲ್ಯಾರ್ ದೆವ್ ಮಾಕಾ ಶಿಕ್ಷಾ ದಿಂವ್ದಿ” ಮಟ್ಲ್ಯಾನ್.

72ಪೆದ್ರು ಅಶೆ ಮನುನ್ ಸಾಂಗ್ತಾನಾ ಕೊಂಬ್ಯಾನ್ ದೊನ್ವೆ ಪಟಿ ಭೊಕ್ಲ್ಯಾನ್, ಜೆಜುನ್ ತೆಕಾ “ದೊನ್ದಾ ಕೊಂಬೊ ಭೊಕುಚ್ಯಾ ಅದ್ದಿ ತಿಯಾ ತುಕಾ ಮಾಜಿ ಒಳಕುಚ್ ನಾ ಮನುನ್ ತಿನ್ದಾ ಸಾಂಗ್ತೆ” ಮನುನ್ ಸಾಂಗಲ್ಲ್ಯಾ ಗೊಸ್ಟಿಯಾಂಚಿ ಪೆದ್ರುಕ್ ಯಾದ್ ಯೆಲಿ, ತನ್ನಾ ತೊ ಕೊಸಳ್ಳೊ ಅನಿ ಗಳ್ಗಳುನ್ ರಡ್ಲೊ.

Currently Selected:

ಮಾರ್ಕ್ 14: NTSii24

ማድመቅ

Copy