मत्ती 26

ईसु ञेंड लगड कू सलाह एना

(मरकुस 14:1,2; लूका 22:1,2; एहुन्‍ना 11:45-53)

1ईसु नआँ सींड़ टेबोः कहनी केड राः बाद रे चेला कुतायिय कहनी वा दोहो एनु, 2“दूय दिन राः बाद रे पस्का परब#निर्ग 12:1-27; एहुन्‍ना 11:55 इदाना, हेना अपे पपाड़ी तनापे, अवुर इंञ होड़ होपोन कुरूस रेकू रकाबिंञ लगड कू एर पकड़ो विञाँ।”#मत्ती 20:18

3हेना तोलोग कयफा मेनते कू ञुमू तडिय हेनी सींड़कू वरी बडेअय आजक#मत्ती 26:57; लूका 3:2; एहुन्‍ना 11:47-53; 18:13,14,24,28; परेरित 4:6 राः महल रे बड बडे आजककू अवुर होड़कू रेनकू अघुवाकू जवर एना। 4अवुर हेंकू चलहाँकी ते ईसु एर पकड़ो केय ते एर ञेंड गोजेय लगड कू मतर एना।#सिरिंग 2:2; मत्ती 12:14 5लेकिन हेंकू कहनियू, “परब तिहार रे अलो, नहींतर होड़कू थरे हल्ला मचोआ।”

बयतिनयाह गाँव रे ईसु थरे सोओं सुनूमिय दुलतेडा

(मरकुस 14:3-9; एहुन्‍ना 12:1-8)

6ईसु बयतानियाह#मत्ती 21:17 गाँव रे कुड़गा तन वरिय चिकन एन हेनी सिमोन ओड़ाः रेय दोहो एना। 7तहाँ मियाँहोड़ कोड़ीहोन संगमरमर दिरी राः चुकाः ते अखीर महँगाआ सोंओं सुनूम ईसु थरेय अगतेडा,#लूका 7:36-50 अवुर हेंय जोमुः लगाडिय दुड़ूब तना, तहाँ हेना सुनूम हेंय भोः रेय दुलतेडा। 8नआँ ञेंलकेते चेलाकू खीस केनतेकू कहनी तेडा, “नआँ ची लगाडिय दुल एंडा गोत्तेडा? 9नआँ दो बगरा दाम ते केजा केते गरिबकू हटींग वड मेन दो कोवानू।” 10नआँ पपाड़ी केनते ईसु हेंकू थरेय कहनी तेडा, “नेय कोड़ीहोन ची लगड पे सतो यडिया? नेय इंञ लगड भला कामिय करो केडा। 11गरीब होड़कू अपे सुदा हरदम कू दोहोना,#बेवस्था 15:11 लेकिन इंञ अपे सुदा हरदम एरोंञ दोहो एना। 12नेय लोसोडिंञ राः तयारी रे ईञाः देंह रे सुनूमिय दुल केडा।#एहुन्‍ना 19:40 13इंञ अपे थरे सही मेतेंञ कहनी यडा, गोटा दुनिया रे नआँ बढ़ियाँः खभेर कू लायेआ, हेना रे नेय कोड़ीहोन नअय करो केड हेना, नेय उहयर लगड नआँ काम राः चरचा होयाआ।”

एहूदा इस्करयोती ईसुय एर पकड़ोआ

(मरकुस 14:10,11; लूका 22:3-6)

14तहाँ बारह झन चेलाकू मेंडे रे, एहूदा इस्करयोती बड बडे आजककू थरे सेनकेन तेय कहनी तेडा, 15“अगर इंञ मेय अपे थरेंञ एर पकड़ोविय रेदो, ची पे ओवाञाँ?” हेंकू हेंय तीस गोटंग चाँदी राः सिक्‍का तवलो केडिय तेकू ओवाडियू।#जकरिया 11:12 16अवुर हेंय हेनेन चेका वरी एर पकड़ोविय लगड मोकाय छपा बेड़ा दोहो एनु।

ईसु चेला कुतय सुदा पस्का पराबिय मनो तेडा

(मरकुस 14:12-21; लूका 22:7-13; 21—23; एहुन्‍ना 13:21-30)

17अखमीरी रोटी जोम राः परब#निर्ग 12:18; बेवस्था 16:5-8 वरी एक दिन राः मड़ंग ते चेला कुतय ईसु थरे कू मेजेना, अवुर कू होंबोर तेडिया, “पस्का परब रे जो-मेआँ रोटी, तयारे लगड अम करेम चहोः तना?” 18ईसु कहनी वडकू, “सहर रे मियाँहोड़ थरे सेनकोः तेपे कहनियू, ‘गुरू कहनी यडा, ईञाः समय तयाः यना।#एहुन्‍ना 7:6,8,30; 8:20; 12:23; 13:1; 17:1 इंञ अपन चेला कुतंञ सुदा अम ओड़ाः रे पस्का पराबिंञ मनोआँ’।” 19जेयसे ईसु चेला कुय कहनी वडा, हेन घयते चेलाकू काम तेडा, हेंकू परब रे जोमे लगड रोटी कू तयार तेडा।

20अयुब एन तहाँ ईसु अनेज रेनकू बारहो झन चेलाकू सुदा जोमुः लगाडिय दुड़ूब एना। 21हेंकू जोमुः दोहोएन तहाँ, ईसु कहनी तेडा, “इंञ अपे थरे सही मेतेंञ कहनी यडा, अपे मेंडे मियाँहोड़ ईंञिय एर पकड़ोआ।” 22नआँ अँजोम केते चेलाकू अखीर कू मन उदास एना, अवुर सगोर कुकू होंबोर तेडिया, “ए गुरू, हेंय इंञ हवे किदो?” 23ईसु जबाब वडकू, “इंञ सुदा टठिया रेय जोमुः तना, हें-नी इंञ एर पकड़ो विञाँ।#सिरिंग 41:9; एहुन्‍ना 13:18 24इंञ होड़ होपोन राः बारे ते जेयसे धरमग्रंथ रे लिखल इदाना,#एसा 53; दानि 9:26; मत्ती 26:31,54,56; मरकुस 9:12; लूका 24:25-27,46; परेरित 17:2,3; 26:22,23; 1 पतरस 1:10,11 हेन घयते होनोयाआ, लेकिन जे होड़, ईंञिय एर पकड़ोआ, हेंय लगड अखीर दुख राः बात हवे, अगर हेंय होड़ अनालोय जनम एन, हें-ना बढ़ियाँ दोहोएन मेनू।” 25तहाँ एर पपाकड़ोवय एहूदा, ईसु थरेय कहनी तेडा, “ओ गुरू, हेंय होड़ इंञ हवे किदो?” हेना वरी ईसु कहनी तेडा, “अम ठिकेम कहनी केडा।”

परभु भोज

(मरकुस 14:22-26; लूका 22:14-20; 1 कुरि 11:23-25)

26हेंकू जोमुः दोहो एनु, तहाँ ईसु रोटी सबके ते आसीस असी केतेय टुटका तेडा; अवुर हेंकू थरे न याःते कहनी केतेय एमतेडा, “ने जो-मेपे, ना ईञाः देंह हवे।” 27हेना वरी अंगूर रस दोहो एना, हेना डुबहा सबकेड ते भगवानिय धन्यावाद वडा,#1 कुरि 10:16 अवुर हेंकू थरे एमकेतेय कहनी तेडा, “अपे सींड़कू नआँ वरी ञुँय पे, 28कहेकि नआँ ईञाः लोहू हवे, अवुर अखीर होड़कू राः पापिंञ माफ लगड बोहोवे मेनते, अवुर ने-ना लोहू ते भगवान अपे सुदा नवाँः वाचाय तोलकेडा, नआँ नवाँः वाचा, ने-ना लोहू पक्‍काया।#निर्ग 24:6-8; ईरिमयाह 31:31-34; जकरिया 9:11; मला 2:5; मत्ती 20:28; इबरानी 9:20; 10:29 29इंञ अपे थरेंञ कहनी यडा, नआँ अंगूर रस इंञ अपे सुदा अपुंञ राः राज रे नवाआँ फेर सेते अंगूर रस अनायीनिंञ ञुँय मेन दिन एनेरोंञ ञूँ तेडा।” 30हेना वरी हेंकू सिरिंग सीरिंग केड राः बाद रे जयतून बुरू रेकू सेनेना।

ईसु पतरस नहकारिया हेनय भविस्यवाड़ी तेडा

(मरकुस 14:27-31; लूका 22:31-34; एहुन्‍ना 13:36-38)

31हेना वरी ईसु चेला कुतायिय कहनी वडा, “तेने सींञ ञींद अपे सींड़कू इंञ थरे होयाः हेना घटना ञेंलकेते इंञ थरे पे बिसवास केड हेना बगी वते पे ञींरा,#मत्ती 11:6 कहेकि धरमग्रंथ रे लिखल इदाना, ‘इंञ चरवाहिंञ ञें-डा, अवुर खुड़हा रेनकू भेंड़िकू जत कतोअकू।’#जकरिया 13:7; एहुन्‍ना 16:32 32लेकिन इंञ जियो रिमुः राः बाद रे अपे वरी मड़ंग ते गलील रेंञ सेनुआ।”#मत्ती 28:7,10,16 33तहाँ पतरस ईसु थरेय कहनी तेडा, “भले सींड़ कुकू बगी वमी, लेकिन इंञ कभी एरोंञ बगी वडमिआँ।” 34तहाँ ईसु कहनी तेडा, “ए पतरस, इंञ अम थरे सही मेतेंञ कहनी यडा, तेने सींञ ञींद मुरगा कुकड़ूचुः वरी पहील ते ‘मेनेंञ पपाड़ी तना’ मेनते पेय एस मी नहकारि़ञाँ।”#मत्ती 26:75; मरकुस 14:72; लूका 22:61; एहुन्‍ना 18:27 35हेना वरी पतरस कहनी तेडा, “अगर इंञ अम सुदा गोजुः पड़ोः रेहो, अम कभी एरोंञ नहकार तेड मिआँ।” नेन घयते सींड़ चेलाकू कहनी तेडा।

गतसमनी रे ईसु बिनती एना

(मरकुस 14:32-42; लूका 22:39-46)

36हेना वरी ईसु चेला कुतय सुदा गतसमनी मेनते कू ञुमू केडा जघा कू सेनेना, अवुर हेंय चेला कुतायिय कहनी वडा, “इंञ मेना हँडे सेनकोः तेंञ, बिनतीः मेन दिन, अपे ने-डेपे दुड़ूब कोऊ।” 37हेंय पतरस अवुर जबदी कोड़ा होपोन कींञ बना होड़ अनेज सुदाय गोःतेड कुआ,#मत्ती 17:1 अवुर ईसु मन उदास केनते अखीरिय अलमलोः दोहो एनु।#एहुन्‍ना 12:27; इबरानी 5:7 38हेना वरी हेंय हेंकू थरेय कहनी तेडा, “इंञ गोज बंचोः मेनमोट ते अखीरिंञ उदास यना, एयसा लगोः तना कि ईञाः साँस घली अटको बंचोः तना। अपे ने-डेपे अवुर इंञ सुदा जाग जाग तेपे दोहोनू।” 39तहाँ दमभर तोरा केनते आँख मुँह तुराः बल तेय लोजोर केनते, नआँ घयतेय बिनती एना, “ओ अपा, अगर अमाः मन इदान रेदो, नआँ दुख राः डुबहा इंञ वरी अड़ी गोत्तेमू,#26:39 नआँ दुख इंञ वरी अड़ी गोत्तेमू #मत्ती 20:22; एहुन्‍ना 18:11 लेकिन ईञाः मेने अनामाआँ मन पूरा होयाऊ।”#सिरिंग 40:6-8; एहुन्‍ना 4:34; 5:30; 6:38; इबरानी 5:8 40हेना वरी हेंय पेय होड़ चेलाकू थरेय मेजेना, अवुर हेंकू गितीज तोलोगिय मेज ञँमतेड कुआ, तहाँ पतरस थरेय कहनी तेडा, “अपे इंञ सुदा मियाँ घड़ी हो मेनेन पे जगो सको गना? 41अपे जाग जाग तेपे दोहोनू, अपे परिक्छा रे अलोपे पड़ोः लगड बिनतीः महल रेपे दोहोनू। अपे राः आत्मा दो ईञाः टेबोः अँजोम लगड तयार गिआ, लेकिन देंह#26:41देंह मतलोब पापे राः मन अपे राः देंह पापे राः मन तेपे डुबो केना, हेनाते अपे राः देंह कमजोर गिआ कमजोर गिआ।”#मत्ती 6:13 42ईसु फेर दूसरा बारिय सेनेना, अवुर नआँ घयतेय बिनती एना, “ओ अपा, अगर नआँ इंञ ञुँय बिगर मेने अड़ीः रेदो, अनामाआँ मन पूरा होयाऊ।” 43हेंय अनेज रेनकू चेला कुतय फेर गितीज तन तोलोगिय मेज ञँमतेड कुआ, कहेकि हेंकू अखीर गितीज गिसन कू दोहो एनु। 44हेंकू बगी वते फे-रिय चलो एना, अवुर हेनेन घयते फेर तीसरा बारिय बिनती एना। 45हेना वरी ईसु चेलाकू थरे मेजकेन तेय कहनी तेडा, “अब वरी गितीज पे, अवुर लुड़ूः पे, अँजोम पे, समय तयाः यना, इंञ होड़ होपोन पापिकू राः ती रेंञ एर पकड़ोः तना। 46रिमुःपे, दूबु, ञेंल कुपे, ईंञिय एर सब हेनी ठाँविय मेजियाना।”

ईसु कू पकड़ो तेडा

(मरकुस 14:43-50; लूका 22:47-53; एहुन्‍ना 18:3-12)

47ईसु कनाहनिय दोहो एनु, तबले बारह झन मेंडे रे मियाँहोड़ ञुमू एहूदा मेनते दोहो एना, हेंय मेजियानू। अवुर हेंय सुदा तरवार अवुर लाठी ले ले ते भीड़ केनतेकू मेजियानू। अवुर हेंकू बड बडे आजककू अवुर होड़कू रेनकू अघुवाकू कुलतेड कुआ। 48हेंय पकड़ोकू मड़ंग ते नआँय लाय वडकू दोहो एनु कि इंञ जेयिंञ चो-आ हें-नी हवे, हें-नी पे साबू। 49एहूदा तुरेत्ते ईसु थरेय मेजेना, अवुरिय कहनी वडियू, “ओ गुरू, जोहार!” अवुर हेंय ईसुय चोः तेडा। 50ईसु हेंयिय कहनी वडू, “ए मित! जे काम लगड मी मेजकेना, हेनाम करोवे।” तहाँ होड़कू हेंय बँदेत रेकू सेनेना, अवुर ईसु थरे हाँथ कू लगो तेडा, अवुर कू सब गोत्तेडियू। 51तहाँ ईसु गतीत कू मेंडे रे मियाँहोड़ तीतिय बड़हो तेडा, अवुर तरवारिय ओर उडूंग केते,#लूका 22:36,38 सींड़कू वरी बडेअय आजक रेनिय हरवाह थरेय चलोव तेडा, तहाँ लुतूर तुय फंको गोत्तेडू। 52हेना वरी ईसु हेंय थरेय कहनी तेडा, “अमाः तरवार कठी रेम दोहोयू, कहेकि जे तरवार कू चलोआ, हेंकू तनरवार तेकू एर ञेंडुआ।#उत्प 9:6; निर्ग 21:12; दरसन 13:10 53अम मेनेम पपाड़ी तना किदो? इंञ अपुंञ थरेंञ बिनतीः रेदो, हेंय सरगदूतकू राः बारह दल#26:53 मियाँ दल रे छो हजार सिपाहिकू दोहोना वरी हो बगरा निनीहोय कुल कुआ?#2 राजा 6:17; मत्ती 4:11 54अगर न याःते होयाः रेदो, धरमग्रंथ रे लिखो केड हेना टेबोः काःते पूरा होयाआ?”#मत्ती 26:24 55हेन तोलोग ईसु भीड़ रेनकू होड़कू थरेय कहनी तेडा, “अपे इंञ चोर पे अड़ींग वंञतन ते तरवार अवुर लाठी सबके तेपे मेजकेना? इंञ मँडिल रे दुड़ूब कोःते रोज दीनिंञ चेडपे दोहो एनु, हेंडे रेहो अपे मेने पे सबगाडिञाँ।#मरकुस 12:35; लूका 19:47; 21:37; एहुन्‍ना 7:14,28 56लेकिन नआँ भविस्यवक्‍ताकू राः टेबोः#मत्ती 1:22; 26:24 पूरा होयाः लगड नआँ घयते होया केना।” तहाँ सींड़ चेला कुतय ञींर उर अटुडिय कू।

महासभा रे ईसु

(मरकुस 14:53-65; लूका 22:54,55,63-71; एहुन्‍ना 18:13,14,19-24)

57हेना वरी ईसु कू सबतड हेंकू कयफा मेनते कू ञुमू तडिय हेनी सींड़कू वरी बडेअय आजक थरे कू इदी तेडिया, हेनारे एहूदी नियम चेचेडकू अवुर अघुवाकू जवर तना। 58पतरस सँगिंञ एँगेल ते ईसु तयोम तयोम ते सींड़कू वरी बडेअय आजक राच अँगामिय सेनेना,#मत्ती 26:69; मरकुस 14:66; लूका 22:55 अवुर भीतर रे सेनकेनते नेय राः अखरी दसा ची होयाआ मेनाआ ञेंल लगड पहारदार कू सुदाय दुड़ूब यनु।#मरकुस 15:16; लूका 11:21; एहुन्‍ना 7:32,45,46 59बड बडे आजककू अवुर गोटा दरबार रेनकू ईसु कू ञेंड गोजेय लगड हेंय राः बिरोध रे झूठा गोवाहिकू छपा बेड़ा दोहो एनु। 60लेकिन हेंकू कनर मेने कू ञँमगाडा, भले न अखीर झूठा गोवाही सामने रे मेजेना। 61अखरी रे बा होड़ गोवाही एम लगड कींञ मेजेना, अवुर कींञ कहनी तेडा, “नेय होड़ कहनी तेडा, ‘इंञ भगवान राः मँडिलिंञ धसगों सकोआ, अवुर हेना तीन दिन तेंञ बनो सकोआ मेनते’।”#एहुन्‍ना 2:19-21 62तहाँ सींड़कू वरी बडेअय आजक चड़ाँ केनते ईसुय होंबोर तेडा, “नेकू होड़कू अम बिरोध रे ची मेनते गोवाहिकू एमियाडा, अम कनर जबाब एरोम एमतेडा किदो?” 63लेकिन ईसु जपनो बगी तनायू। तहाँ सींड़कू वरी बडेअय आजक ईसुय कहनी वडू, “इंञ अम जिवाताय भगवान सुदांञ कीरिया यडमिआँ, अगर अम भगवान होपोन मसीहा हवे रेदो, अलेम लायवा।”#लेवी 5:1 64हेना वरी ईसु कहनी तेडा, “अनम कहनी गोत्तेडा। लेकिन इंञ अपे नआँः होंञ लाय वपे तना, अब वरी अपे होड़ होपोन सींड़कू वरी सक्‍तिदारय#दानि 7:13; मत्ती 16:27; 24:30 भगवान वरी जोम गतर रेय दुड़ूब कोः तोलोग अवुर अगस राः लिंबीर रे मेजुः तोलोग पे ञेंलेया।” 65तहाँ सींड़ वरी बडेअय आजक अनेज राः कपड़ाय ओड़ेज#लेवी 10:6; 21:10 केतेय कहनी तेडा, “नेय दो अनानेज भगवानिय बनो यडा, अवुर हेंयिय बेजती केडा,#मत्ती 9:3; एहुन्‍ना 10:33 निहों अबू अवुर गोवाही राः जरूरत कोवाआ। अँजोम पे, अपे भगवानिय निन्दा यडा हेना टेबोःपे अँजोम केडा। 66अपे ची मेनते पे पसींद यडा?” हेना वरी हेंकू जबाब तेडा, “नेय मिरतू दंड ञँमुः लायिक गिआयू।”#लेवी 24:16; एहुन्‍ना 19:7 67तहाँ हेंकू ईसु अहा रेकू बेजतेडा, अवुर कू भुकयो तेडिया। अवुराःकू चाड़ो केडिय तेकू#एसा 50:6; मत्ती 16:21 कहनी वडियू, 68“अम मसीहा हवे रेदो, भविस्यवाड़ी केते अलेम लायवा, अम ईया ञेंडतेड मिआँ?”

पतरस ईसुय नहकार तेडा

(मरकुस 14:66-72; लूका 22:56-62; एहुन्‍ना 18:15-18,25-27)

69पतरस बहेर हँडे राच रेय दुड़ूब तना, तहाँ मियाँहोड़ हरवाहिन मेजकेन ते हेंय थरेय कहनी तेडा, “अम होता गलील रेनिय ईसु सुदाम दोहो एना।” 70लेकिन हेंय “इंञ मेनेंञ पपाड़ी तना, अम ची मेनतेम कहनी यडा” मेनते सींड़कू मड़ंग रेय नहकार तेडिया। 71हेना वरी पतरस बहेर हँडाः दुवर रेय उडूंग एना, तहाँ एनेटागी बुतकारिन ञेंलकेडिय ते हेनारे दोहोएन हेंकू होड़कू थरेय कहनी तेडा, “नेय होता ईसु नासरी सुदाय दोहो एना।” 72पतरस कीरिया केनते फे-रिय नहकार तेडिया, “इंञ मेय होड़ मेनेंञ पपाड़िआ।” 73मियाँ घड़ी रे हेनारे चड़ाँ तनकू पतरस थरे मेजकेन तेकू कहनी तेडा, “सही मेते अम हो मेनकू मधे हवे, कहेकि अमाः टेनेबोःतम तेम पताः तना।” 74तहाँ पतरस अनानेज बोली केनते अवुर कीरिया केनतेय कहनी तेडा, “इंञ मेय होड़ मेनेंञ पपाड़िआ।” तहाँ तुरेत्ते मुरगा कुकड़ूचुः यनु। 75तहाँ पतरस न याःते ईसु कहनी वडिय हेना टेबोईय उहयार तेडा, “मुरगा कुकड़ूचुः वरी पहील ते अम पेय एस मी नहकारिञाँ।”#मत्ती 26:34; एहुन्‍ना 13:38 अवुर हेंय बहेर हँडेय उडूंग केनते एनेक धँधेहिय ईयाम एना।

Currently Selected:

मत्ती 26: ksz

ማድመቅ

Copy