मत्ती 12

सब्द रेनिय परभु

(मरकुस 2:23-28; लूका 6:1-5)

1हेना तोलोग ईसु सब्द#12:1 एहूदिकू सनिचर केकू लुडुः दोहो एनु, अवुर नेकू सनिचर दिन कू मनोवे दोहो एनु। राः दिन रे चेला कुतय सुदा, गोहोम खेत तेकू चलोः दोहो एनु। अवुर चेला कुतय रँगेज ते बलित होड होड तेकू जोमे दोहो एनु।#बेवस्था 23:25 2तहाँ फरीसिकू नआँ ञेंलकेते ईसु थरे कू कहनी तेडा, “ञेंलकुमू अमाःकू चेलाकू सब्द राः दिन रे जे नियम इदाना हेना ची लगड कू उजड़ यडा?” 3हेना वरी ईसु हेंकुय कहनी वडा, “अपे धरमग्रंथ कबोह मेने पे पड़हो गडा किदो? दाऊद अवुर गतितकू रँगेज तडकू रे चीय बनो तेडा?#1 समू 21:1-6 4दाऊद भगवान#12:4 भगवान राः स्तुति हेना बडेआ तम्बू ओड़ाः रे सेनकेनते, भेंट कू रकब तडा, हेना रोटिय जोम तेडा, नआँ हेंय अवुर गतितकू जोजोम लगड जयेज कोवाआ, हेना सीरिफ आजककू भर जोम सकोः दोहो एनु। 5अपे धरम नियम रे बेगर पे पड़होआ किदो? आजककू सब्द राः दिन रे मँडिल रे काम कोःते नियम कू टोविजा, हेंडे रेहो हेंकू थरे दोस मेने लगोआ। 6लेकिन इंञ अपे थरेंञ कहनी यडा, नआँ रे मँडिल वरी हो बडेअय इदाना। 7#मत्ती 9:13‘इंञ बलिदान मेने, लेकिन दयाः हेनांञ बेस वआ’#होसे 6:6 मेनाआ, धरमग्रंथ रे इदान हेना टेबोः राः मतलोब पे जेर तेड रेदो, अपे निरदोसाय एरो पे दोस तेडिय मेनू। 8कहेकि इंञ होड़ होपोन सब्द राः दिन रेनिय हो परभु हवे।”

ईसु तीत लोहोड़ तनयहोड़ीय चिकन तेडा

(मरकुस 3:1-6; लूका 6:6-11)

9हेना वरी ईसु अहूदिकू राः आराधना ओड़ाः रेय सेनेना। 10हेना रे मियाँहोड़ तीत लोहोड़ तनय दोहो एना। अवुर हेंकू ईसु कू दोस लगड नआँ याःतेकू होंबोर तेडिया, “सब्द राः दिन रे कनय होड़ चिकन लगड जयेज इदाना किदो कोवानू?” 11#लूका 14:5तहाँ ईसु हेंकू थरेय कहनी तेडा, “मान ले अपे मेंडे कनय रेनिय मिनियेंटंग भेंड़ी इदानू, अवुर हेंय सब्द राः दिन रे कनर डोढहा रेय लोजोरुऊ, हेंय अपे सबकेय ते एरो पे उडूंग तेडिया किदो? 12होड़ दो भेंड़ी वरी हो किमती गिआयू! हेनाते सब्द राः दिन रे धरामुःऊ जयेज गिआ।” 13तहाँ तीत लोहोड़ तनय हेनी थरेय कहनी तेडा, “तीम मी सुहरू।” तहाँय सुहरू तेडा, अवुर लोहोड़ तना तीत, बढ़ियाँः तीत घयते चिकन यनु। 14तहाँ फरीसिकू बहेर हँडे उडूंग केनते, ईसु काःतेबू ञेंड गोजेया मेनते कू मतर एना।

भगवान चुनो केडियाय सेवेखिया

15तहाँ ईसु हेंकू मतर एन हेनाय पपाड़ियन ते हेना जघा वरिय चलो यनु। अवुर अखीर होड़कू हेंय तयोम तेकू सेनतेडा, अवुर हेंय सगोर रोगियाकू भर दोय चिकन तेडकुआ। 16अवुर हेंकू अलोपे देखारिञूँ मेनतेय, चेतवन तेडकुआ। 17भगवान होपोन तू राः बारे ते एसायाह भविस्यवक्‍ता राः दोवारा ते पहील तेय लाय तड हेना उतरो एना, हेंय न याःतेय कहनी तेडा,

18“नेय ईञाअय सेवेखिया हवे, नेय इंञ चुनो केडिय हेनी हवे, नेय इंञ दुलारियाञूँ, इंञ नेय थरे खुस इदानिञाँ। नेय थरे ईञाः आत्मांञ डलोआ, अवुर नेय अनजातकू न्याय राः खभेरिय लाय वकुआ। 19नेय एरोय कलह एना, अवुर एरोय हल्ला तेडा, अवुर गली गली ते नेय राः आवाज कनय एरो कू अँजोम तेडा। 20जीत न्याय अनायीनिय ओवय मेन दिन, नेय धंगड़ा केड हेना सरफी एरोई टोविज तेडा, अवुर ईड़िज अपीजुः तन हेना बत्ती एरोई ईड़िज तेडा।#एसा 42:1-4 21अवुर सगोर जात रेनकू नेय ञुमू रेकू भरोसाया।”

ईसु अवुर बालजबूल

(मरकुस 3:20-30; लूका 11:14-23)

22तहाँ होड़कू मियाँहोड़ अंद्हा गूँगा थरे भूत लगो तनय, ईसु थरे कू इदी तेडिया, अवुर ईसु हेंयिय चिकन तेडिया, अवुर हेंय गूँगा टेबोईयू, अवुर मेडतू हो चिकन यनु। 23हेना वरी सगोरकू अहचरज यन तेकू कहनियू, “नेय दाऊद खुटी खनदान रेनिय हवे जहानू?” 24#मत्ती 9:34; 10:25नआँ अँजोम केते फरीसिकू कहनी तेडा, “नेय दो भूतकू रेनिय मुखिया बालजबूल#12:24 सयतान राः सहेता ते भूतकुय उडूंग यडा।” 25हेंकू मन मन रेकू पसींद तेडा, हेना ईसु पपाड़ी केनते हेंकू थरेय कहनी तेडा, “जे जे राज रेनकू होड़कू एक जूट ते मेने कू दोहोना, हेना राज रेनकू होड़कू अलग तलग जोमाकू, अवुर हेना राज उजड़ जोमा; अवुर कनर सहर चहे ओड़ाः रेनकू एक जूट ते मेने कू दोहोना, हेंकू अलग तलग जोमाकू। 26अगर सयतान अनानेज रेनकू भूतकुय उडूंग रेदो, अनानेज रअय बिरोध यडा, फेर हेंय राः राज काःते बढ़ियाँ ते दोहोना? 27अगर इंञ सयतान राः सहेता ते भूत कुंञ उडूंग यड रेदो, अपे रेनकू चेलाकू ईया राः सहेता तेकू उडूंग यडकुआ? हेनाते अपे राः हेनकू न्यायेआ। 28अगर इंञ भगवान राः आत्मा राः सहेता ते भूत कुंञ उडूंग यड रेदो, भगवान राः राज अपे थरे मेजियाना। 29नेन घयते कनय बहगाँड़य ओड़ाः रे अन्‍न धन लुसी लगड कनय बोल रे, पहील ते मेनेय तोल टेकोविय रेदो काःतेय लुसी सकोआ? नेन घयते इंञ सयतान वरी बहगँड़ गिआञूँ।

30 # मरकुस 9:40 इंञ गतर रे कोवाय हेनी होड़, ईञाः बिरोध रेया, अवुर इंञ सुदा मेनेय सकेलेआ, हेनी मीरिजेअयू। 31हेनाते इंञ अपे थरेंञ कहनी यडा, होड़कू राः सगोर पाप अवुर निंदा राः माफी ञँमुआँ, लेकिन पवितर आत्मा निंदाआ हेना राः माफी एरो ञँमेना। 32#लूका 12:10कनय होड़ होपोन राः बिरोध रे कनर टेबोईय टेबोआ, हेंय अगारिय पस्तोः रेदो माफी ञँमुआँ, लेकिन कनय पवितर आत्मा राः काम राः बिरोध रे कनर निंदा टेबोईय टेबोः रे अब हो माफी एरो ञँमेना अवुर कबोह माफी एरो ञँमेना।”

जेयसे दुबीत तेयसे जोओत

(लूका 6:43-45)

33 # मत्ती 7:20; लूका 6:44 अपे दुबीत बढ़ियाँ गिआ मेनते पे कहनी वतन रेदो, जोओत हो बढ़ियाँ गिआ मेनते पे कहनिवा, चहे दुबीत बे-कमा गिआ मेनते पे कहनी वतन रेदो, जोओत हो बे-कमा गिआ मेनते पे कहनिवा; कहेकि दुबी जोओत ते चिन्हों जोमा; नेन घयते इंञ बढ़ियाँ गिअंञ किदो कोवानू, ईञाः काम तेपे चिन्हों विञूँ। 34#मत्ती 3:7; 23:33; लूका 3:7; मत्ती 15:18; लूका 6:45ए बींञ होपोनकू, अपे खराब होड़कू रह ते बढ़ियाँः टेबोःपे टेबोः सकोआ किदो? कहेकि जे चीज कोठी कया रे भरो केना, हेनेना अहा वरी उडूंगुआ। 35बढ़ियाँअय होड़ अपन कोठी कया वरी बढ़ियाँआ टेबोईय उडूंगा, कहेकि हेंय राः कोठी कया रे बढ़ियाँ टेबोः ते भरो केना, अवुर खराब होड़ अपन कोठी कया रे भरो केना, खराब टेबोईय उडूंगा। 36इंञ अपे थरेंञ कहनी यडा, होड़कू जे जे खराब टेबोः कू टेबोआ, हेंकू न्याय होयाः चेका सगोर टेबोः राः हिसाब देहेक पड़ोआ। 37कहेकि अपे अनापे राः टेबोः ते निरदोस अवुर अनापे राः टेबोः ते दोसी पे ठहरोआ।

सरग राः चिन्ह कू ञँम बेड़ाआ

(मरकुस 8:11-12; लूका 11:29-32)

38 # मत्ती 16:1; मरकुस 8:11; लूका 11:16 हेना वरी कुछ एहूदी नियम चेचेडकू अवुर फरीसिकू ईसु कू होंबोर तेडा, “ए गुरू, अम वरी कनर मियाँटंग चिन्ह ञेंल गिसन यडलेआ।” 39#मत्ती 16:4; मरकुस 8:12तहाँ ईसु कहनी वडकू, “नआँ जबाना रेनकू खराब अवुर लंद फाँदुःकू चिन्ह कू ञँम बेड़ाआ, लेकिन इंञ जोना भविस्यवक्‍ता राः चिन्ह छोड़ अवुर कनर चिन्ह एरोंञ तिबवड कुआ। 40जेयसे जोना तीन दिन, तीन रात बडेअय हकु लाज रेय दोहो एना, हेन घयते होड़ होपोन हो ओतेत भीतर रे तीन दिन तीन रातिय दोहोना। 41नीनवे सहर रेनकू होड़कू न्याय होयाः चेका चड़ाँ कोःते नआँ जबाना रेनकू होड़कू थरे दोस कू लगोआ, कहेकि नीनवे रेनकू जोना राः परचार अँजोम केते मन कू मिड़ाः तेडा, अवुर अँजोम पे, नआँ रे जोना वरी हो बडेअय इदाना। लेकिन अपे ईञाः टेबोः अँजोम केते घली मन मेने पे मिड़ाः यडा। 42न्याय होयाः चेका सिबा देस रेनिय#12:42 सिबा देस रेनिय रानी नेय एहूदी जात न लगे, नेय एक हजार छो सव किलो मीटर सगींञ वरी मेजकोः ते सुलेमान भगवान बुद्हिय ओवाडिय हेना अँजोम लगाडिय मेजुः दोहो एनु। रानी नआँ जबाना रेनकू होड़कू सुदाय चड़ाआँ, अवुरिय दोस कुआ, कहेकि नेय धरती राः छोर वरी सुलेमान राः टेबोः अँजोम लगाडिय मेजेना। अवुर अँजोम पे, नआँ रे सुलेमान वरी हो बडेअय इदाना।”

अधूरा सुधार ते बिपेत

(लूका 11:24-26)

43“कनय होड़ वरी भूत उडूंग जोमा, तहाँ लुड़ूः लगड पुयूर ओतिय छपा बेड़ाआ, लेकिन हेंय जघा मेनेय ञाँमेआँ। 44तहाँय कहनियाँ, ‘जे ओड़ाः वरिंञ उडूंग एना, हे-ना ओड़ाः रे फेरिंञ मिड़ाः सेनुआँ।’ मिड़ाः मेजुः तहाँ हेंय हेना ओड़ाः सुनहर, साफ सुथरा अवुर सजोता तोलोगिय ञाँमेआँ। 45तहाँ हेंय सेनकोःते अनेज वरी हो जरजठ भूतकू, अवुर सात गोटागिंय अगदरताआ। अवुर हेंकू हेंय होड़ थरे लगो कोःतेकू रसो बसो जोमा। अवुर हेंय होड़ राः दसा पहीलाः वरी हो बेहेज जोमा। नआँ जुग रेनकू खराब होड़कू राः दसा हो नेन घयते होयाआ।”

ईसु इंगत अवुर बोहोत एडकू

(मरकुस 3:31-35; लूका 8:19-21)

46ईसु होड़कू सुदाय टेनेबोः दोहो एनु, तहाँ इंगत अवुर बोहोत एडकू बहेर हँडे कू चड़ाँ तना, अवुर हेंय सुदा टेबोः मेनते कू एमेल तेमेलुः दोहो एनु। 47तहाँ कनय हेंय थरेय लाय तेडा, “बहेर हँडे इंगम अवुर बोहोम एडकू चड़ाँ केना, अवुर अम सुदा कू टेबोः मेनते।” 48ईसु नआँ अँजोम केते ललायय थरेय कहनी तेडा, “काय हवे इंञ ईगाञूँ? अवुर करकू हवे बोहोंञ एडकू?” 49तहाँ अनेज रेनकू चेलाकू हनते इसारा केडतेय कहनी तेडा, “ईगंञ अवुर बोहोंञ एडकू नेकू हवे। 50कहेकि जे जे सरग रेनिय अपुंञ राः मरजी तेकू से-नेआँ, हेनकू बोहोंञ अवुर मिसींञ अवुर ईगंञ हवे।”

Currently Selected:

मत्ती 12: ksz

ማድመቅ

Copy