Nugana 9
9
‘UPWA 9.
1Ta Eaubada Noa be natunao me‘olotodi ‘i ona obobomedi, ta ‘i eonedi, Wa da losiwa, ta wa da eiau, ta bare‘u wa da loemae. 2Ta ‘ami matauta ta ‘ami ‘atesa‘ara bare‘u ‘ina bomitawa iauna ‘edia ‘i da miami, mwatui manuina iauna ‘edia be; iage iauiauna ‘ediega bwa‘a ‘i maamaa, ta ora ianina iauiauna ma‘ediao, nimami ‘ena ia tagwaredi. 3Iage loniudi iauna maiawasidi ‘ami masura; ‘atua pwatura karakarawina iauiauna ia ‘ebwaemi. 4Ta esiona iawasina ma‘ieana, tauna rarana, gea‘abo wa ‘e‘ani. 5Ta rarami, iawasimi rarana, ia da eona ‘ai‘aili; bomitawa iauna nimanega ia da eonena: ta tai nimanega, tamo tai iauna tasina nimanega, tai iawasina ia da eonai. 6Tauna tai rarana ‘i giedauna, tai ‘enega rarana si da giedau: Eaubada ‘ana ma‘ama‘aiau ‘enega tai ‘i bubuna ta ‘enega. 7Ta ‘omi, wa da losiwa, ta wa da eiau; bare‘uia wa da tubua sinabwana, ta ‘ena wa da eiau.
8Ta Eaubada Noa ‘ena ‘i ona, ta natunao me‘olotodi ma‘enao, ‘i gwae, 9Ta ‘Abo‘agu, wa ‘ita, ‘igu ona‘upa‘upa ‘emia ia sa‘usa‘u, ta tubumiao si murimuriami ma ‘emiao; 10ta iage mwerumweruruina maiawasina iauna ma‘emiao wa miami ma‘edi, manua, lagolagowa, bare‘u ‘ina bomitawa iauna ma‘emiao; iauiaudi wagega si apweapwesama ‘ediega, tamo bare‘u ‘ina bomitawa iauna. 11Ta ‘igu ona‘upa‘upa ‘emia ia da sa‘u; ta gea‘abo wate esio iauiauna si da saosaoora murua ‘ana boasiao ‘ediega; ta gea‘abo wate murua be bare‘u ‘i da loesaoori. 12Ta Eaubada ‘i ona, Gete ona‘upa‘upa ‘ana we‘iwe‘iiaia tauna ia bubuna ‘eguia ta ‘emia ta mwerumweruruina maiawasina iauna ma‘emiao wa da miami, epata tomota ‘ataia manudi: 13‘Igu ulele ni‘atu ia sa‘una poana ‘ena, ta tauna ‘i da ona‘upa‘upa ‘ana we‘iwe‘iiaia ‘eguia ta bare‘u ‘enaia. 14Ta gete ‘i da apwesa, ‘ena poana ia me‘ena bare‘u debanaia, ga ulele wa da ‘ita poana ‘enaia, 15ta ‘igu ona‘upa‘upa ia da nua‘i‘isina, tauna ‘eguia ta emia ta esio iauiauna mwerumweruruina maiawasina iauna; ta boasi gea‘abo wate si da emurua be esio iauiauna ‘i da loesaoori. 16Ta ulele poana ‘ena ‘i da miami; ta ia da duneiena, be ‘enega ona‘upa‘upa ‘i da mia ‘ataia Eaubada ‘enaia ta esio iauiauna bare‘uia mwerumweruruina maiawasina iauna ‘edia ia da nua‘i‘isi. 17Ta Eaubada Noa ‘ena ‘i ona, Gete ona‘upa‘upa ‘ana we‘iwe‘iiaia tauna ni‘atu ia sa‘una ‘eguia ta esio iauiauna bare‘uia ‘edia.
18Ta Noa natunao me‘olotodi, taudi wagega si apweapwesa, Sema ta, Ama ta, Iapeta ta: ta Ama Kanania tamana. 19Siteto gete Noa natunao me‘olotodi: ta taudi gete ‘ediega bare‘u maibo‘ana ‘i susaila.
20Ta Noa ‘i enugana be ‘i e tobagura, ta bagura‐oine ‘i asona: 21ta oine ‘enega ‘i numa, ga ‘i lausina; ta ‘ina anua ‘ena ‘i bubugewa. 22Ta Ama, Kanania tamana, tamana mabubugewana i ‘itena, ta tasinao ‘e rua apwesaia ‘edia ‘i simana. 23Ta Sema ta Iapeta ‘e bweu ‘oama si ‘ewena, ta ‘a‘aradi ruarua si sa‘una ta si emuri si ‘isi‘imo, ta tamadi ‘ina bubugewa si bodebodena; ta maninidi si miasanaguiguimo ta tamadi ‘ina bubugewa nigea si ‘ita‘ita. 24Ta Noa ‘ina oineiega ‘i tooro, ta natuna me goamana ‘ina guinua ‘enaia ‘i mwaratonina. 25Ta ‘i gwae,
Kanania ‘i da to‘umalina;
‘I da toguinuao ‘idi toguinua tasinao ‘edia.
26Ta ‘i gwae,
Ieoba, Sema ‘ina Eaubada, ta da ‘awabobo‘anena;
Ta Kanania ‘i da e ‘ina toguinua.
27Eaubada Iapeta ‘i da giesinabwa,
Ta Sema ‘ina anua ‘edia ‘i da miami;
Ta Kanania ‘i da e ‘ina toguinua.
28Ta murua ni‘atu ga Noa ‘i miami ga iakwara ‘e teri anaredi ta pipiti. 29Ta Noa ‘ana tuta iauiauna iakwara ‘e naine anaredi ta pipiti: ta ‘i mwawasa.
Currently Selected:
Nugana 9: DOBOT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Published by the British and Foreign Bible Society in 1919
