ڢَارَوَ 2
2
1تَهَكَ عَكَ غَمَ يِنْ سَمَ دَ دُونِيَا دَ دُكَنْ تُلِنْ أَبُبُوَنْ دَسُكٜىٰ ثِكِنْسُ؞
2كَاڢِنْ رَانَ تَبَݣَويْ اللَّهْ يَا غَمَ عَيْكِنْسَ،
سَيْ يَدَيْنَ عَيْكِ أَ رَانَ تَبَݣَويْ؞#إِبْرَ 4.4،10#ڢِتْ 20.11
3 اللَّهْ يَا كُمَ سَا وَرَانَ تَبَݣَويْ أَلْبَرْكَ،
يَا كٜىٰٻٜىٰتَ تَا ذَمَ رَانَ مَيْ ڟَرْكِے،
غَمَا عِتَثٜىٰ رَانَرْدَ يَدَيْنَ عَيْكِنْسَ نَحَلِتَّ؞
4وَنَّنْ نٜىٰ تَارِيحِنْ مَتَاكَيْ نَيَدَّ عَكَ حَلِثِّ سَمَ دَ دُونِيَا؞
مُتُمْ أَغُواْنَرْ عَيْدَنْ
لُواْكَثِنْ دَ يَهْوٜىٰهْ اللَّهْ يَيِ سَمَ دَ دُونِيَا، 5بَابُ ڟِرٜىٰ ڟِرٜىٰنْ دَاجِ، كُمَ بَابُ غَنْيَيٜىٰنْ ثِ دَسُكَ ڟِرُواْ دَغَ ڧَسَا تُكُنَ، غَمَا يَهْوٜىٰهْ اللَّهْ بَيْ عَيْكُواْ دَ ضُوً سَمَ عَڧَسَابَ؞ بَابُ كُمَ وَنْدَ ذَيْ نُواْمٜىٰ ڧَسَا؞ 6عَمَّا دَيْ ضُوَ يَنَ ڢِتُواْوَ دَغَ ڧَسَا يَنَ جِڧَ دُكَنْ ڢُسْكَرْ ڧَسَا؞ 7سَعَنً يَهْوٜىٰهْ اللَّهْ يَا صِڢَّتَا مُتُمْ#2.7 مُتُمْ: دَ إِبْرَانِيَنْثِ كَلْمَ مَيْ مَعَنَ مُتُمْ عِتَثٜىٰ أَدَمْ؞ وَنَّنْ كَلْمَ كُمَ سُونَنْ مُتُمِنْ دَ عَكٜىٰ ثٜىٰ دَشِ ءَادَمُ؞ دَ إِبْرَانِيَنْثِ كَلْمَ مَيْ مَعَنَ ڧَسَا كُمَ، عِتَثٜىٰ أَدَمَ؞ دَغَ تُرْٻَيَرْ ڧَسَا؞ يَا هُورَ مَسَ نُمْڢَشِنْ رَيْ أَهَنْثِنْسَ، سَيْ مُتُمْ يَذَمَ مَيْ رَيْ؞#زَكْ 12.1؛ 1 كُوارْ 15.45 8سَيْ يَهْوٜىٰهْ اللَّهْ يَا شُوكَ غُواْنَ أَغَبَسْ مَيْ سُونَ عَيْدَنْ، يَا سَا مُتُمِنْ دَ يَا صِڢَّتَا عَثِكِنْتَ؞ 9يَهْوٜىٰهْ اللَّهْ يَا سَا كُواْوَنٜىٰ إِرِنْ إِتَاثٜىٰ مَيْ ݣَنْ غَنِ كُمَ مَيْ بَادَ أَمْڢَانِ دُواْمِنْ عَبِنْثِ يَڟِرُواْ دَغَ ڧَسَا، تَرٜىٰدَ إِتَاثٜىٰ مَيْ بَادَ رَيْ أَڟَكِيَرْ غُواْنَرْدَ كُمَ إِتَاثٜىٰ مَيْ كَٰوُاْ سَنِنْ نَغَرْتَادَمُغُنْتَا؞#رُعُيَ 2.7؛ 22.2،14
10أَݣَويْ وَنِ كُواْغِنْ دَ يَڢِتُواْ دَغَ غُواْنَرْ عَيْدَنْ يَنَ بَادَ ضُوَ غَ غُواْنَرْ دَغَ وُرِنْ يَرَرَّبُ يَذَمَ كُواْغِ حُطُ؞ 11سُونَنْ كُواْغِ نَڢَرْكُواْ شِينٜىٰ ڢِشُوانْ، وَنْدَ يَكٜىٰوَيَ دُكَنْ يَنْكِنْ ڧَسَرْ هَوِلَ، عِنْدَ عَكٜىٰ سَامُنْ ظِينَارِيَ؞ 12ظِينَارِيَرْ ڧَسَرْ نَنْ كُوَ ظِينَارِيَ ظَلَّثٜىٰ؞ أَݣَويْ كُمَ كَايَنْ ڧَنْشِ دَ دُوَڟُو مَاسُ دَرَجَ؞ 13سُونَنْ كُواْغِ نَبِيُ شِينٜىٰ غِهُوانْ، وَنْدَ يَكٜىٰوَيَ دُكَنْ يَنْكِنْ ڧَسَرْ كُشْ؞#2.13 كُشْ: وَنَّنْ سُونَ يَا ڧُنْشِ سَاشٜىٰنْ كُدَنْثِنْ مَصَرْ دَ سَاشٜىٰنْ سُدَنْ دَ سَاشٜىٰنْ إِتِيُواْڢِيَ، وَتُواْ حَبَشَ؞ 14سُونَنْ كُواْغِ نَعُكُ شِينٜىٰ تَيْغِرِسْ، وَنْدَ يَبِے تَغَبَشِنْ أَشُّرْ؞ سُونَنْ كُواْغِ نَهُطُ كُمَ، شِينٜىٰ يُڢِرٜىٰتِسْ؞
15سَعَنً يَهْوٜىٰهْ اللَّهْ يَا طَوْكِ مُتُمِنْ يَا سَاشِ عَثِكِنْ غُواْنَرْ عَيْدَنْ دُواْمِنْ يَدِنْغَ عَيْكِ عَثِكِنْتَ يَنَ لُورَ دَ عِتَ؞ 16سَيْ يَهْوٜىٰهْ اللَّهْ يَثٜىٰ مَسَ «كَنَدَ یَنْثِ كَثِ دَغَ كُواْوَنٜىٰ إِتَاثٜىٰ نَغُواْنَرْ، 17عَمَّا دَغَ إِتَاثٜىٰ مَيْ كَٰوُاْ سَنِنْ نَغَرْتَادَمُغُنْتَا بَذَاكَ ثِبَ، غَمَا أَ رَانَرْدَ كَثِ دَغَ إِتَاثٜىٰنَّنْ لَلَّيْ ذَاكَ مُتُ؞»
18سَيْ يَهْوٜىٰهْ اللَّهْ يَثٜىٰ أَ رَنْسَ «بَيْيِݣَوْ مُتُمِنْ يَكَسَنْثٜىٰ شِ كَطَيْبَ؞ ذَنْيِمَسَ مَيْ تَيْمَكُواْ وَدَّ تَدَاثٜىٰ دَشِ؞» 19دَغَ ڧَسَا يَهْوٜىٰهْ اللَّهْ يَا صِڢَّتَا كُواْوَنٜىٰ إِرِنْ دَبَّ نَدَاجِ دَ كُواْوَنٜىٰ إِرِنْ ڟُنْڟُ نَسَرَرِنْ سَمَ؞ يَا كَٰوُاْسُ وُرِنْ مُتُمِنْ دُواْمِنْ يَغَ سُونَنْ دَ مُتُمِنْ ذَيْسَا وَكُواْوَنّٜىٰنْسُ؞ دُكْ أَبِنْدَ يَكِرَا كُواْوَثٜىٰ حَلِتَّ مَيْ رَيْ، حَكَ كُوَ سُونَنْ أَبِنْ يَكَسَنْثٜىٰ؞ 20مُتُمِنْ يَا سَا وَدُكَنْ دَبُّواْبِنْ غِدَا سُونَيٜىٰ، دَ ڟُنْڟَيٜىٰنْ سَرَرِنْ سَمَ دَ كُواْوَنٜىٰ إِرِنْ نَمُواْمِنْ دَاجِ؞ عَمَّا غَ مُتُمِنْ، بَعَسَامِ مَيْ تَيْمَكُواْ وَنْدَ يَدَاثٜىٰ دَشِيبَ؞ 21سَيْ يَهْوٜىٰهْ اللَّهْ يَسَا مُتُمِنْ يَيِ بَرْثِ مَيْ ظُرْڢِ؞ سَعَدَّ يَكٜىٰ بَرْثِ، سَيْ يَهْوٜىٰهْ يَثِرٜىٰ هَڧَرْڧَرِنْسَ طَيَ، يَكُمَ رُڢٜىٰ وُرِنْ دَ نَامَ؞ 22هَڧَرْڧَرِنْ دَ يَهْوٜىٰهْ اللَّهْ يَثِرٜىٰ دَغَ وُرِنْ جِكِنْ مُتُمِنْ، يَا صِڢَّتَا#2.22 صِڢَّتَا: دَ إِبْرَانِيَنْثِ أَنْرُبُوتَ غِنَا نٜىٰ أَنَنْ؞ مَثٜىٰ دَشِ يَا كُوَ كَٰوُاْ تَوُرِنْ مُتُمِنْ؞ 23سَيْ مُتُمِنْ يَثٜىٰ،
«يَوَّ! عَڧَرْشٜىٰ غَا كَمَنِّنَ،
ڧَشِنٜىٰ دَغَ ڧَشِنَ،
نَامَ نٜىٰ دَغَ نَامَنَ!
ذَاعَكِرَتَ مَثٜىٰ#2.23 مَثٜىٰ: يَدَّ عَكٜىٰ ڢَطِنْ كَلْمَرْ نَنْ «مَثٜىٰ» دَ إِبْرَانِيَنْثِ، يَنَ كُسَدَ يَدَّ عَكٜىٰ ڢَطِنْ كَلْمَ «مُتُمْ»؞
غَمَا دَغَ مُتُمْ نٜىٰ عَكَ ثِرُواْتَ؞»
24دَلِيلِنْ كٜىٰنَنْ دَ يَسَا مُتُمْ ذَيْ بَرْ بَابَنْسَ دَ مَامَرْسَ يَمَنّٜىٰ وَمَاتَرْسَ، سُو بِيُنْ سُذَمَ طَيَ؞#مَتْ 19.5؛ مَرْ 10.7-8؛ 1 كُوارْ 6.16؛ أَڢِسْ 5.31 25مُتُمِنْ دَ مَاتَرْسَ دُكَنْسُ بِيُ سُنَانَنْ ڟِرَرَ، عَمَّا بَسُجِ كُنْيَرْ جُونَبَ؞
Currently Selected:
ڢَارَوَ 2: hauAS
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Hausa Common Language Ajami Bible © The Bible Society of Nigeria, 2020
