Mateo 1
1
Mateopa Jesú chi chõarãenapemarã k'orea bɨda
Luca 3:23-38
1Nãɨ k'art'a Jesucristo k'orea jara bɨpɨ. Jesucristo tachi chõarãenapemarã Abrahanepa mãɨnepa Davidepa nãɨya unusima.#Génesi 12:1-3; 2 Samuel 7:16.
2Abrahán Isá ak'õre pasima.
Isá Jacó ak'õre pasima.
Jacó Judá ak'õre pasima mãɨnepa ichi ũpẽarã sida.
3Judá P'are mãɨnepa Zara ak'õre pasima. Ãchi nae Tamar pasima.
P'are Jesrón ak'õre pasima.
Jesrón Arán ak'õre pasima.
4Arán Aminadá ak'õre pasima.
Aminadá Naasón ak'õre pasima.
Naasón Salmón ak'õre pasima.
5Salmón Boa ak'õre pasima mãɨnepa Rajab Boa nae pasima.
Boa Obed ak'õre pasima mãɨnepa Ru Obed nae pasima.
Obed Jesé ak'õre pasima.
6Jesé Israeldepema poro jũra jɨ̃parí jɨ̃ bɨ Daví ak'õre pasima.
Chi poro jũra jɨ̃parí jɨ̃ bɨ Daví Salomón ak'õre pasima mãɨnepa Uría k'ima pada Salomón nae pasima.#2 Samuel 11; 12.
7Salomón Roboam ak'õre pasima.
Roboam Abía ak'õre pasima.
Abía Asá ak'õre pasima.
8Asá Josap'át ak'õre pasima.
Josap'át Jorán ak'õre pasima.
Jorán Uzía ak'õre pasima.
9Uzía Jotán ak'õre pasima.
Jotán Acaz ak'õre pasima.
Acaz Ezequía ak'õre pasima.
10Ezequía Manasé ak'õre pasima.
Manasé Amón ak'õre pasima.
Amón Josía ak'õre pasima.
11Jeconía, chi ũpẽarã ome Josía ãchi ak'õre pasima.#1:11 Mãɨ Jeconía ichiaba Joaquín apatama. Mãɨ ewaride Babilonianepemarãpa israel ĩjũanepemarã p'uedak'ari ãchi tuadea jita enemeesidama.#2 Reye 24:8-16.
12Mãɨ Babilonia p'uurudea wãnak'ari,
Jeconíapa warra unusima Salatiel.
Salatiel Zorobabel ak'õre pasima.
13Zorobabel Abiú ak'õre pasima.
Abiú Eliakín ak'õre pasima.
Eliakín Azor ak'õre pasima.
14Azor Sadó ak'õre pasima.
Sadó Aquín ak'õre pasima.
Aquín Eliú ak'õre pasima.
15Eliú Eleazar ak'õre pasima.
Eleazar Matán ak'õre pasima.
Matán Jacó ak'õre pasima.
16Jacó José ak'õre pasima.
José María k'ima pasima.
María Jesú nae pasima. Ara mãɨ Jesú Tachi Ak'õrepa Tachi K'aripaparí teai jaradaade apataɨpɨ.
17Abrahanepa chedada catorce p'anasidama waa poro jũra jɨ̃parí jɨ̃ bɨ Daví unuutamá. Davidepa chedada ichiaba catorce p'anasidama Israel ĩjũanepemarã pɨrɨɨk'adak'ari ateeutamá Babilonia p'uurudea. Ichiaba mãmãɨpa unusidama catorce waa Jesucristo t'õrumá.
Jesucristo t'õna
Luca 2:1-7
18Jesucristo nãɨya t'õ basima: chi nae María José ome p'anasima miak'ãinayá. Maamina miak'ãinai naena María Tachi Ak'õre Jaorepa biak'oapisima. 19Chi k'ima José ẽpẽra jĩp'a basima. Mãɨpuru María k'ĩup'ea amaai pasima, waapẽarã́ k'achia pedeapidaemaapa. 20Mãɨya k'ɨ̃risia bɨde Tachi Chiparipa ɨt'aripa peeda k'ãmok'araadepa Josemá chek'ari nãɨya jarasima: «José, Davidepa chedada, María atai wap'earãse, ichi Tachi Ak'õre Jaoredeepuru biak'oapida pẽra. 21Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».
22Jõma mãɨya basima Tachi Chiparipa naena jarada jĩra. Chi ichi pari pedeaparipa nãɨya jara basima:
23«Wẽra ɨmɨk'ĩra atua bɨ biak'oa beek'ari warra t'õipɨ.
Ẽpẽrarãpa chi warra Emanuel adaipɨ».#Isaía 7:14.
(Mãɨ t'ɨ̃ jara k'ɨ̃ria bɨma «Tachi Ak'õre tachi ome bɨ»).
24Mãɨne José k'ãmok'araa nɨbadapa ɨ̃rɨmak'ari Tachi Chiparipa ɨt'aripa peedapa jarada jĩra oosima. María atasima. 25Maamina ará k'ãinak'a pasima aba mãɨ warra ĩwini t'õrunea.#1:25 Warra ĩwini. Chi eda waapẽarã k'art'ade nãɨ pedea ununak'ama. T'õk'ari Josepa ichi t'ɨ̃ bɨsima Jesú.
Currently Selected:
Mateo 1: tdc
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© (Active), Wycliffe Bible Translators, Inc. All rights reserved.
