መዝሙረ ዳዊት 142
142
ልጁ ባሳደደው ጊዜ የዳዊት መዝሙር።
1አቤቱ፥ ጸሎቴን ስማ፥
በእውነትህ ልመናዬን አድምጥ፥
በጽድቅህም መልስልኝ።
2ሕያው ሁሉ በፊትህ አይጸድቅምና
ከባሪያህ ጋር ወደ ክርክር አትግባ።
3ጠላት ነፍሴን ከብቦአታልና
ሕይወቴንም በምድር ውስጥ አዋርዶአታል፥
ቀድሞ እንደ ሞተ ሰው በጨለማ አኖሩኝ።
4ሰውነቴ በላዬ አለቀችብኝ፥
ልቤም በውስጤ ደነገጠብኝ።
5የቀድሞውን ዘመን ዐሰብሁ፥
ሥራህንም ሁሉ አነበብሁ፤
የእጅህንም ሥራ አነብባለሁ።
6እጆቼን ወደ አንተ ዘረጋሁ፤
ነፍሴም እንደ ምድረ በዳ አንተን ተጠማች።
7አቤቱ፥ ፈጥነህ ስማኝ፥ ሰውነቴ አልቃለች፤
ፊትህንም ከእኔ አትመልስ፥
ወደ ጕድጓድም እንደሚወርዱ አልሁን።
8አቤቱ፥ አንተን ታምኛለሁና፥
በማለዳ ምሕረትህን አሰማኝ፤
አቤቱ፥ ነፍሴን ወደ አንተ አንሥቻለሁና
የምሄድባትን መንገድ ምራኝ።
9አቤቱ፥ ወደ አንተ ተማጽኛለሁና
ከጠላቶቼ አድነኝ።
10አቤቱ፥ አንተ አምላኬ ነህና ፈቃድህን ለማድረግ አስተምረኝ፤
ቅዱስ መንፈስህም በጽድቅ ምድር ይምራኝ።
11አቤቱ፥ ስለ ስምህ ሕያው አድርገኝ፤
ስለ ጽድቅህም ነፍሴን ከመከራዋ አውጣት።
12በፈቃድህ#ግሪክ ሰባ. ሊ. “በምሕረትህ” ይላል። ጠላቶቼን አጥፋቸው፥
እኔ ባሪያህ ነኝና
ነፍሴን የሚያስጨንቁአትን ሁሉ አጥፋቸው።
Currently Selected:
መዝሙረ ዳዊት 142: አማ2000
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ