መዝሙረ ዳዊት 60

1ለመዘምራን አለቃ፥ ለትምህርት የዳዊት ቅኔ። 2#2ሳሙ. 8፥2-3፤13፤ 1ዜ.መ. 18፥2፤3፤12።የሶርያን ሁለቱን ወንዞችና የሶርያን ሶባልን ባቃጠለ ጊዜ ኢዮአብም ተመልሶ ከኤዶማውያን ሰዎች በጨው ሸለቆ ዐሥራ ሁለት ሺህ በገደለ ጊዜ፥

3አቤቱ፥ ጣልኸን አፈረስኸንም፥

ተቈጣኸን ጠግነን።

4 # መዝ. 75፥4፤ ኢሳ. 24፥19። ምድርን አናወጥሃት አወክሃትም፥

ተናውጣለችና ቁስልዋን ፈውስ።

5 # መዝ. 75፥9፤ ኢሳ. 51፥17፤21-22፤ ኤር. 25፥15። ለሕዝብህ ጭንቅን አሳየሃቸው፥

አስደንጋጩንም ወይን አጠጣኸን።

6ከቀስት ፊት ያመልጡ ዘንድ፥

ለሚፈሩህ ምልክትን ሰጠሃቸው።

7ወዳጆችህ እንዲድኑ

በቀኝህ አድን፥ አድምጠኝም።

8እግዚአብሔር በቅድስናው#60፥8 “በመቅደሱ” የሚሉ እትሞች አሉ ተናገረ፥

“በድል መንፈስ፥ ሴኬምንም እከፋፍላለሁ፥

የሱኮትንም ሸለቆ እለካለሁ።

9ገለዓድ የእኔ ነው፥ ምናሴም የእኔ ነው፥

ኤፍሬም የራሴ ቁር ነው።

ይሁዳ ንጉሤ በትሬ ነው፥

10 # ሩት 4፥7-8፤ መዝ. 108፥9። ሞዓብ መታጠቢያ ሳህኔ ነው፥

በኤዶምያስ ላይ ጫማዬን እዘረጋለሁ፥

በፍልስጥኤም ላይ በድል እጮኻለሁ።

11ወደ ጽኑ ከተማ ማን ይወስደኛል?

ማንስ እስከ ኤዶምያስ ይመራኛል?”

12 # መዝ. 44፥10። አቤቱ፥ የጣልኸን አንተ አይደለህምን?

አምላክ ሆይ፥ ከሠራዊታችን ጋር አትወጣም።

13በመከራችን ረድኤትን ስጠን

የሰውም ማዳን ከንቱ ነው።

14በእግዚአብሔር ኃይልን እናደርጋለን፥

እርሱ የሚያስጨንቁንን ያዋርዳቸዋልና።

Currently Selected:

መዝሙረ ዳዊት 60: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች