መዝሙረ ዳዊት 46

1ለመዘምራን አለቃ፥ ስለ ምሥጢር፥ የቆሬ ልጆች መዝሙር።

2 # መዝ. 48፥4፤ ኢሳ. 33፥2። አምላካችን መጠጊያችንና ኃይላችን፥

ባገኘን በታላቅ መከራም ረዳታችን ነው።

3ስለዚህ ምድር ብትለዋወጥ፥

ተራሮችም በባሕር ልብ ውስጥ ቢናወጡ አንፈራም።

4 # መዝ. 93፥3-4፤ ኢዮብ 9፥5-6፤ ኢሳ. 24፥18-20፤ 54፥10። ውኆቻቸው እየገነፈሉ ጮኹ፥

ተራሮችም ከኃይሉ የተነሣ ተንቀጠቀጡ።

5 # መዝ. 48፥2-3፤ 76፥3። የወንዝ ፈሳሾች የእግዚአብሔርን ከተማ ደስ ያሰኛሉ፥

ልዑል ማደሪያውን ቀደሰ።

6 # ኢሳ. 7፥14። እግዚአሔር በመካከልዋ ነው አትናወጥም፥

እግዚአብሔርም ፈጥኖ ይረዳታል።

7 # መዝ. 2፥1-5፤ 48፥5-8፤ 76፥7-9፤ ኢሳ. 17፥12-14። አሕዛብ ተናወጡ መንግሥታትም ተረበሹ፥

እርሱ ቃሉን ሰጠ፥ ምድርም ተንቀጠቀጠች።

8የሠራዊት ጌታ ከእኛ ጋር ነው፥

የያዕቆብ አምላክ መጠጊያችን ነው።

9 # መዝ. 48፥9-10። የጌታን ሥራ፥

በምድር ያደረገውንም ተኣምራት እንድታዩ ኑ።

10 # መዝ. 76፥4። እስከ ምድር ዳርቻ ድረስ ጦርነትን ያስቆማል፥

ቀስትን ይሰብራል፥ ጦርንም ይቆራርጣል፥

በእሳትም ጋሻን ያቃጥላል።

11 # መዝ. 48፥11። ዕረፉ፥ እኔም አምላክ እንደሆንሁ እወቁ፥

በአሕዛብ ዘንድ ከፍ ከፍ እላለሁ፥

በምድርም ላይ ከፍ ከፍ እላለሁ።

12የሠራዊት ጌታ ከእኛ ጋር ነው፥

የያዕቆብ አምላክ መጠጊያችን ነው።

Currently Selected:

መዝሙረ ዳዊት 46: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች