መጽሐፈ መዝሙር 64

የመማጠኛ ጸሎት

1አምላክ ሆይ! በችግሬ ምክንያት ወደ አንተ ስጸልይ ስማ፤

ከጠላት ማስፈራራትም ጠብቀኝ።

2ከክፉዎች ምሥጢራዊ ሤራና

ከክፉ አድራጊዎች ዕቅድ ጠብቀኝ።

3እነርሱ ምላሳቸውን እንደ ሰይፍ ይስላሉ፤

እጅግ የከፋ ቃላትን እንደ ፍላጻ አነጣጥረው ይወረውራሉ።

4እነርሱም ያለ ፍርሀት ንጹሑን ሰው

ሸምቀው ይነድፉታል።

5ክፉ ሤራ ለማቀነባበር እርስ በርሳቸው ይመካከራሉ፤

ወጥመዳቸውንም የት እንደሚዘረጉ ያቅዳሉ፤

ይህን ሁሉ ሲያደርጉ “ማንም ሊያየን አይችልም” ይላሉ።

6እነርሱ ክፉ ዕቅድ ዐቀዱ፤

“በሐሳባቸውም የተቀናጀ ወንጀል እንሠራለን” ይላሉ፤

ይህም የሰው ልብና የሰው አእምሮ

በተንኰል የተሞላ መሆኑን ያሳያል።

7እግዚአብሔር ግን ፍላጻዎችን

ወደ እነርሱ ይወረውራል፤

እነርሱም በድንገት ይቈስላሉ።

8እግዚአብሔር ንግግራቸው በራሳቸው ላይ ተመልሶ እንዲወድቁ ያደርጋቸዋል።

የሚያዩአቸው ሁሉ በፍርሃት ከእነርሱ ይሸሻሉ።

9ሰዎች ሁሉ ይፈራሉ፤

ስለ እግዚአብሔር ሥራ ይናገራሉ፤

ስላደረገውም ነገር ያሰላስላሉ።

10ጻድቃን በእግዚአብሔር ደስ ይበላቸው

እርሱንም ከለላ ያድርጉ፤

ልባቸውም ቅን የሆነ ሁሉ ያመስግኑት።

Currently Selected:

መጽሐፈ መዝሙር 64: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች