መጽሐፈ መዝሙር 142

142

የእግዚአብሔርን ርዳታ ለማግኘት የሚቀርብ ጸሎት

1ድምፄን ከፍ አድርጌ ወደ እግዚአብሔር

እጮኻለሁ፤

ምሕረት እንዲያደርግልኝ እለምነዋለሁ።

2አቤቱታዬን ሁሉ በፊቱ አቀርባለሁ፤

ችግሬንም ሁሉ እነግረዋለሁ።

3ተስፋ ለመቊረጥ ጥቂት በቀረኝ ጊዜ

ምን ማድረግ እንደሚገባኝ ያውቃል፤

ጠላቶቼ በምሄድበት መንገድ ላይ

ወጥመድ ዘረጉብኝ።

4በዙሪያዬ ስመለከት መሸሸጊያ የሚሆነኝ አጣሁ፤

አንድም እንኳ የሚረዳኝ ሰው አልነበረም፤

የሚጠብቀኝና የሚጠነቀቅልኝም አልነበረም።

5እግዚአብሔር ሆይ! እንድትረዳኝ

ወደ አንተ እጮኻለሁ፤

እግዚአብሔር ሆይ! ጠባቂዬ አንተ ነህ፤

በሕያዋን ምድር ዕድል ፈንታዬ አንተ ነህ።

6በጣም ተስፋ የቈረጥሁ ስለ ሆነ

እንድትረዳኝ ወደ አንተ ስጮኽ ስማኝ፤

እጅግ በርትተውብኛልና ከጠላቶቼ አድነኝ።

7አመሰግንህ ዘንድ ከእስራቴ አውጣኝ፤

ለእኔ ያደረግኸውን ያንተን የቸርነት ሥራ በሚያዩበት ጊዜ

ሕዝብህ በዙሪያዬ ይሰበሰባሉ። #1ሳሙ. 22፥1፤ 24፥3።

Currently Selected:

መጽሐፈ መዝሙር 142: አማ05

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች