Matiyə̈ 28:12-15

Agbölö a-earə̂ kə̂ wa ngela sə̈ Ndjapä la akpôkpô azü pâlatə̂ andjê, kə̈ djêtə̂ andjê ndə̂kə̂ kʉ gbölö makətche sə̈ aturûgu nə̈. Andjë zâma sə̈ andjê kə̈ tô rə̂ päkëdə̂: «Nyë tö rə̂ kâkë: ‹Adjisîpili ndə̂ yê nə̈, kə̈ zɨ̂ ngbä krʉkrʉ yê lə̂ bütchî, kə̈ rô la rə̂ etə̂ dëkë ârâ lô nə̂.› Âdə pö lâme âte lə̂ tü goverenëre, ârâ âmboadje rə̂ gbɛ̂ ndə̂kə̂ pa su yê zɨ, ânyë kə̂ mboadje ndjë rə̂ ndə̂kə̂ pa su nyê dɨ̈äbô nyê dɨ̂-î.» Aturûgu nə̈ kʉ̂ makətche nə̈, kə̈ mbô rə̂ gundə̂sə̂ pö ndə̂ andjë tô rə̂ sə̈ andjê. Bëte rə̂ kä ndə̂ pö lâme wâ lə̂ gbâtə̂ ajuîfu zoo ëtə̂ tchô angêta.