Махьтвеест 7
7
Киччант алкхэш.
1Іеллед суттед, и іеппед линче сутма.
2Тэн гуэйк што маньтем тій судыйн сутбэттед, тэйн судыйн и линчбэттед сутманч; и маньтем тій мирійн міерьдеппед, мукка мирійн и тійе міерьдешкуэдет.
3И мыйт тон кичах оавса элэ, ку ли вильлянт чальмест, а омп мурэ иджант чальмест кулэ ык?
4Или кохт цялках вильсант: орест, мун валдам оавса тонэ чальмест; а кич, тонэ чальмест ли омп мур?
5Тон кухтланч! Вальт эвтлест омп мурэ иджант чальмест, и танна уйнах вальтед оавса вильлянт чальмест.
6Іеллед энтлеккед пась‐еалайт піенгійт, и іеллед суэхпед иджант земчуг шегій эвте, што сій іеб топче тэйт юльгис‐гуэйм и маст махцлеммен іеб кышкнехче тиныйт.
7Аннэд, и лянч тійе антанч; оццед, и ковнбеттед; такдэттед, то и авьдет тійе.
8Тэн‐гуэйк што юкке аннэй валт, и оццэй кавн, и такдэтья авьдет.
9Лійя тиный кэскест мукка олмунч, ку, куэсь сонэ альк анаст сонст лейпе, антахч сонне кіедге?
10И куэсь ансахч куле, альтнахч сонне кувдэ?
11И нит, го тій, кук ліеппед пак, уэйбеттед аньтед парнаидант шиг антмужійт; тэйн іенамп ант тинэ альм‐ачь шикнійт тэйт, кок аннэб сонст.
12И нит, пукыйн, кохт тахтед што олмо еалъ?-?чин тиный‐гуэймъ, нит и тій іеллед синый‐гуэйм; тэн‐гуэйк што тэ‐лайне ліеб закон и пророк.
13Мэннед тэккис увс мильт; тэн гуэйк што тэт укс ли шур и тэт чуэкас ли комтэг, ку вык майкем сайя, и іеннэг вардеб тэй мильт.
14Тэн гуэйк што тэт укс ли тэккед и чуэкас ли кіеньц, кок выккеб іеллемсайя, и тед олмнеттед ій іеннэг ля, кок ковнеб тэйт.
15Варьдуввед килесь‐пророкыйн, кок потлеб тійе лампас‐асгій‐гуэйм, а сисн сій ліеб кышкей чэлп.
16Синэ шантай мильт титбеттед синыйт. Копчах тон, ык, вын‐мурьійт чохкэй‐мисткест или смоквайт паш?-?нэнтей разест?
17Нит юкке шиг мур шэнтад шиг шантайт; а нюэзес мур и шэнтад нюэзес шантайт.
18Ій уэй шиг мур пуэхтед нюэзес шантайт, и нюэзес мур пуэхтед шиг шантайт.
19Юкке мур, ку ій путь шиг путтайт, радет и суэхпьет толле.
20Нит синэ шантай мильт титбеттед синыйт.
21Ій юкьянч, ку сарн мунне: Господи, Господи, линче мэннед альм царства, а тэт, ку тявт мунэ альм‐адже тахтмуж.
22Іеннэг лянч мынне сарньеттед тэн піейв: Господи, Господи! Вай мій тонэ нэмест эвтлест айгій сарнайм? и вай мій тонэ нэмыйн вуэехійм цурьтійт? и вай мій тонэ нэмыйн іеннэг кусьтнахтем туйед туешійм?
23И танна мун сійе сарнам: мун ни куэсь ым тіеттанч тиныйт; мэннед іерс сайя мунст, тій закон?-?хеммес туешее.
24И нит пиям юкья, кіе култал тэлайт мунэ сагыйт, и кіе еал синый мильт эвт‐налшемен милвес олмыйн, ку туишт пэртес павьте элэ.
25И вульгій абрь и тивтин іогэ, и пиӈкьин пиӈгэ и чаввин тэн пэрт элэ, и сон іорманч ій, тэн гуэйк што сон ляй туешанч павте элэ.
26А юкьянч кіе кул тайт мунэ сагыйт и ій туешт нит, лянч пійманч эвт‐налла милъхеммес олмыйн, ку туешт иджес пэрт вунтас элэ.
27И вульгій абрь, и кольгдин іогэ и пиӈкьин пиӈгэ, и выррин тэн пэрт элэ; сон и іорый и ляй сонэ іормуш шур.
28И куэсь Исус луптій тайт сагыйт, олмо див?-?дэттен сонэ матьхемуж.
29Тэн гуэйк што сон уэпесьт синыйт кохт валтланч, а ій нит кохт кирькид и фарисее.
Currently Selected:
Махьтвеест 7: Kildin
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
