Matye 9

Yeesu wabelusi cikatë

(Mak 2.1-12; Lik 5.17-26)

1Yeesu wusë kandëmë mu likuumbi li masi, kusabukë i wusë ke yendaangë ku livulë lyaandi#9.1 Mak 2.1, Kapelawuumë lyabë livulë li Yeesu. Mat 4.13.. 2Bisë n'natinë cikatë cinonukë fë nkwaalë. Bunë Yeesu kwamoni ciminu cyaawu, naandi wusë kaambë cikatë : « We ba yi viingu mwanaami, mësumu maaku makobukë! » 3Mwa mpooko miloonji n'kaakë bisë tubësënë baveekë, « Naandyaawu, wasafulë Nzaambi#9.3 Lev 24.16.! » 4Yeesu wusë bakulë simbalulu syaawu i wutubë : « Cibilë-mbici luke simbalulu simbye? 5Licyelikë, mbici bileengë mu kutubë : “Mësumu maaku makobukë”, kaambofo mu kutubë : “Telëmë i lyaatë”? 6Bwiinji, luzaabë ti Mwaanë muutu fë moongo butoto wuke yi lutumu lu kukobulilë mësumu. » Oboobo, naandi wusë kaambë cikatë : « Telëmë, nangunë nkwaalaaku i we yendi ku n'zwaaku! » 7Kwatelëmi, naandi wusë kweendë ku n'zwaandi. 8Bunë sinkoongë syamoni lyalyooli, bisë ba mu n'zenzë i ke dumisyaangë Nzaambi awu wavaanë lutumu lu mpilë oyo ke baatu lumoonyi.

Yeesu watelë Matye

(Mak 2.13-17; Lik 5.27-32)

9Abu Yeesu kulëvyookë i wusë monë, libakëlë bën'teelë Matye, wabë wukalë fë cifutulu ci mpaku. Naandi wusë n'kaambë : « N'daandi! » Matye kutelëmë i wusë n'laandë. 10Bunë kwakoti ku n'zo Matye#9.10 N'zo yo bëlë mu kutubë afa mati yi Matye, yaaku ti yi Yeesu. Lik 5.29., wusë sungëmë fë meesë, mpaapë binoongë mpaku i bisumuci bilë kwambulë fë cimweekë yimunë Yeesu i bilaanzi byaandi. 11Sifalisyaanu bunë bamoni lyalyooli, bisë kaambë bilaanzi byaandi : « Cibilë-mbici n'loonjiinu wulë mu kwambulilë fë cimweekë yimunë binoongë mpaku i bisumuci#9.11 v. 10-11 i Lik 15.1-2.? » 12Yeesu, bunë kwayuwu lyaawu, wusë bëkaambë : « Yaaku ti bo bëkumë ba bën'toombaangë m'buci, vandi kasi bibeedo. 13Zikulaanu kuzaabë suundu yi bisonë abi : “Miinu bwalëkisi yin'toombë, civakuli ko#9.13 Oze 6.6..” Licyelikë, miinu yisye kwisilë ko mu kutelë bo bësulëmë, kasi bisumuci. »

Liloonji li Yeesu lin'talë n'sweelë

(Mak 2.18-22; Lik 5.33-39)

14Oboobo, bilaanzi bi Za-Batiisë bisë belëmë fëke Yeesu i bisë tubë : « Kwisilë buni ti beeso yimunë Sifalisyaanu tun'kaangaangë n'sweelë, akasi bilaanzi byaaku n'sweelë kukaangaangë ve, mu mbicye? » 15Yeesu wusë bëvutulilë : « Bo batelu ku cikaanvu ci mëkweelë kupodi kuba mu cyuundë mooti n'nuni wuke yaawu mu nkoongë? Bilumbu bin'kwiisë, binë n'nuni wubëvokunu. Fa fanë fë naani, baawu bën'kaangë n'sweelë. »

16« Muutu ve wum'podi kunamikë citini ci n'lelë cimoonë mu n'lelë wunkulu. Cibilë, n'lelë wumoonë, wun'titikë cyo cinkulu i libulu kulutilë kwangililë. 17Bisë n'tulaangë ko mëlafu mëmoonë mu bidoyi binkulu. Ningë boobo, bidoyi binkulu kwanzikë i mëlafu kwitikë. Oboobo, mëlafu i bidoyi kunyambëkënë. Kasi bën'tulaangë mëlafu mëmoonë, mu bidoyi bimoonë i byakë byooso bin'lundëmë deku-dekoo. »

Yeesu wabelusi n'cyeetu wabë yi lukuumbi lu meengë i wavulumunë nduumbë n'cyeetu yabë yifwa

(Mak 5.21-43; Lik 8.40-56)

18Bunë Yeesu wulëbëkambilaangë mamoomo, n'kuluutu Sizwiifë wusë kubasikë, kufukumë fë ntwaalaandi i wusë tubë : « Buyifanwabu mwanaami wu n'cyeetu wafwa. Kasi, yisë wun'tendikë kooko kwaaku fë n'tu i naandi wun'ziingë. » 19Yeesu kutelëmë i wusë n'laandë yimunë bilaanzi byaandi.

20Foofo n'cyeetu wabë lukuumbi lu meengë fë kuumi mivu wali wusë belëmë Yeesu ku mbusë i wusiimbë sosu cinkutu cyaandi. 21Naandi wulëtubaangë naveekë : « Ningë yibe siimbë keti sosu cinkutu cyaandi, miinu yim'belukë! » 22Yeesu wusë kubalukë, kwam'moni, naandi wusë kaambë : « Ciimbë moonyi, lufyaatu lwaaku lwakuvuuci#9.22 kubelusi : kubukë.! » I fo cimweekë, n'cyeetu owo kusundilë kubelukë.

23Yeesu kwatuuci ku n'zo n'kuluutu beenë i kwamoni bisikë mimpyeepi#9.23 bisici : banë bën'yolaangë, bëlëvekisyaangë banë bëlëlilaangë buboti mu singaandë sinvuumbi kutoninë kucyalaaci. yi nkoongë yibelëminë yilëcitikaangë ncyeembi, 24naandi wusë bëkaambë : « Yakënaanu, kasi nduumbë n'cyeetu wusye fwa kuve, kasi tolo kwanuukë. » Baawu bisë n'dyeengë. 25Bunë kwakulë nkoongë ku ngaandë, kwakoti Yeesu wusë siimbë kooko kwaandi i wusë telëmisi nduumbë n'cyeetu. 26Saangu yisë nyambë bwendi nyalu-n'toto.

Yeesu wabelusi simpofo wali

27Bunë kwavyooci fa foofo, mpofo wali bisë ke n'laandaangë ke losukaangë : « Yeesu mwaanë Daviidë tufwiili cyaali. »

28Bunë kwatuuci ku n'zo, simpofo wali kum'belëmë i Yeesu wusë bëkaambë : « Beeno luke ciminu ti miinu yim'podi kulivaangë lyaliili? » Baawu kun'cikuninë : « Mweenë-ngete, Fumu. » 29Oboobo, naandi wusiimbë meeso maawu i kutubë : « Bwe vangini mu beeno bunë bun'kwendilë ciminu ciinu. » 30Meeso maawu kuzibukë. Yeesu kubëkandiminë yi nkasu bëleembu kulibulilë lukuungu ke wosuku. 31Bunë basikë, baawu bisë ke leelaangë saangu mu naandi bwendi nyalu-n'toto.

Yeesu wabelusi libabë

32Bunë babasikë, bisë n'leesi libakëlë li libabë livwaatu ke ciluunzi cibi. 33Bunë kwakuli ciluunzi cibi, libabë lisë bulë mbeembu. Sinkoongë sisë bwa libobo i kutubë : « Tee yi zwaalu, tumweeni vyaasi ko lyaliili mu Islayeelë. » 34Sifalisyaanu bisë ke tubaangë : « Mu mëngolo më n'kuluutu biluunzi bibi mwa kuke kulilaangë biluunzi bibi#9.34 12.24.. »

Yeesu wafwiilë nkoongë baatu cyaali

35Yeesu wulë ke tabaangë mu mëvulë i mu maalë makë mooso. Naandi wulë ke loongaangë mu bizutununu byaawu i ke tendulaangë Mpolu Mboti yi Lwaangu i wulë ke belusyaangë yosuku mpilë ncyeenzu i yosuku mpilë bibolikinyi. 36Kwamoni sinkoongë, cyuundë kun'kotilë mu cibilë cyaawu, buke mëmemë mëkaambu n'luungë#9.36 Lut 27.17; 1 Mt 22.17.. 37Oboobo, naandi wusë kaambë bilaanzi byaandi : « Bisalu bifunë, kasi bisasi bicyo. 38Mu cibilë ocyo, loombaanu ke fumu solë bwiinji kufilë bisasi mu solaandi. »

Currently Selected:

Matye 9: NTVIL

ማድመቅ

Copy