Matye 14

Lufwa lu Za-Batiisë

(Mak 6.14-29; Lik 9.7-9)

1Mu ntaangu be yiina, Eloodë, fumu kwayuwu ndumu Yeesu. 2Naandi wusë kaambë biseelu byaandi : « Mati Za, wo wulëbatizyalaangë! Naandi wavulumukë mu nkoongë bëfwa! Bwaawu, wuke yi lutumu lu kuvangilë bimaaku. »

3Licyelikë Eloodë, wuvaanë n'swa mu kubwiilë Za, wun'kaangë mu simpaangë i wun'tuulë mu buloko mu cibilë ci Elodyaadë, n'kasi nkombaandi Filiipë#14.3 Mak 6.17.. 4Licyelikë, Za wulën'kaambaangë : « Busye fwaanë ko, njeeyi kukweelë Elodyaadë#14.4 Lev 18.16; 20.21.! » 5Eloodë wulë vwa n'ciinzë kun'voondë, kasi boomë kulëmonë mu mboongu baatu. Mboongu baatu yilë monaangë Za dedë mweekë m'bici. 6Bunë cilumbu ci n'saangu lubutulu lu Eloodë, mwaanë Elodyaadë wu n'cyeetu wulëcinë fë meeso më bo bëtelu. Naandi wusë dedulë Eloodë. 7Wusë boongë lukanyu lukun'vaanë cyosuku kun'loombë. 8Mu n'kwamusu mamaandi, naandi wusë n'kaambë : « Mpaani, mu lubuci, n'tu Za-Batiisë. » 9Fumu-lwaangu wusë ba mu cyuundë. Mu cibilë ci mpesë kulefë fë meeso më bo bëtelu, naandi wusë tumisi bën'vaanë waawu. 10Naandi wusë tumë bëcyelë n'tu Za mu buloko. 11Bisë ntwaalë n'tu mu lubuci i kuwuvaanë ke nduumbë n'cyeetu i naandyooso wusë ke wutambikë mamaandi. 12Bilaanzi byaandi bunë babelëmi, bisë botulë vuumbi, ke yiziikë i bayisi bisë leelë saangu ke Yeesu.

Yeesu wake n'likilë biveefi bi taanu bi bëbakëlë

(Mak 6.30-44; Lik 9.10-17; Za 6.1-14)

13Bunë Yeesu kwayuwu saangu be yooyo, wusë botukë fanë kwabë mu bwaatu mu kweendë fë mbiinji yivengëmë. Kasi sinkoongë si baatu bunë bayuwu, kutatikilë ku mëvulë ke n'laandaangë mu maalu. 14Bunë kwabasikë, naandi wusë monë nkoongë yinenë yi baatu. Cyaali cisë m'bakë i wusë belusi bibeedo byaawu. 15Mësikë matuuci, bilaanzi bisë m'belëmë i bisë tubë : « Mbiinji ayi yivengëmë cyosuku ciimë vo. Ntaangu yavyookë vutulë sinkoongë bwiinji beendë mu maalë basuumbi bikulya. » 16Yeesu wusë bëkaambë : « Fëkeeli n'ciinzë ko baawu mu kweendë, kasi bëvaanyaanu benuveekë bikulya! » 17Baawu bisë n'vutulilë : « Afa, kanuku mëmpa më taanu mëke yiitu i mbisi wali. » 18I wusë bëkaambë : « N'twalilaanu byaawu. » 19Wusë vaanë n'swa ke sinkoongë bëkalë fë bitiiti. Bunë kwaboonji mëmpa më taanu i simbisi siwali, wusë sendulë meeso ku yilu, wusë toondë Nzaambi. Kwamukëni mëmpa wusë mëtambikë ke bilaanzi, bwiinji bëkabilë sinkoongë. 20Bakë booso bisë lya i kukutu. Bisë waasi kuumi mikutë wali yi bitini bisobilë#14.20 2 Mt 4.42-44.. 21Banë bëlya babë kwaasu ku biveefi bi taanu bi bëbakëlë, pengu bëcyeetu i bibabanë.

Yeesu walyaatë fë yilu masi

(Mak 6.45-52; Za 6.15-21)

22Kumanaangë abu, wusë tumisi bilaanzi mu kumakë mu likuumbi bwiinji bën'twaamë ku samu-simu, tee yi fanë naandi wun'vutulilë sinkoongë. 23Bunë kwabëvutuli, wusë makë ku yilu moongo ke vengëmë mu kusambilë. Mësikë matuuci, naveekë wabë faanë. 24Likuumbi lya yakini cinaanu yi n'toto, mëyo mëlëpukaangë cibilë mpeemo yilëvulaangë. 25Fë mëcyecyelu më bwiisi, naandi wusë kwiisë ke baawu, ke lyaataangë fë yilu masi. 26Bilaanzi bunë bam'moni kulyaatë fë yilu masi, boomë kubësiimbë i bisë losukë : « Olyo lintengwe! » 27Yeesu kusundilë kubëkaambë : « Cidaanu bitu, miinwaawu, lubacyaanu boomë ko! » 28Pyeelë wusë n'vutulë : « A Fumu, ningë njeeyi, n'tumisi yiisë ke njeeyi fë yilu masi. » — 29Yeesu wusë n'kaambë « Yisë! »

Pyeelë kwatuuci mu likuumbi, ke lyaataangë fë yilu masi mu kweendë ke Yeesu. 30Bunë kwamoni mpeemo yinenë wusë ba mu boomë i kutoonë kusiindë, na wusë losukë : « A Fumu, m'puuci! » 31Yeesu kulengë n'taambë kooko, kun'siimbë, i wusë n'kaambë : « A mungë lufyaatu lucyeeci! Simpakë si mbici? » 32Bunë bakandimi mu likuumbi i mpeemo yisë siitë. 33Oboobo banë babë mu likuumbi kukukumë fë nduunzwaandi i bisë tubë : « Cibeeni, njeeyi wuli Mwaanë Nzaambi! »

Yeesu wabelusi bibeedo ku libweeti li Ngenezaleetë

(Mak 6.53-56)

34Baawu kusabukë liyaangë, i bisë ke tuukë ku libweeti li Ngenezaleetë#14.34 Mak 6.53.. 35Basë mbiinji be yiinë bunë bazaabi naandyoowo na bëfilë ku libweeti i bisë tyamunë saangu ci lwisulu lwaandi bwendi twekë tooso i bisë n'twalilë bibeedo byakë byooso. 36Baawu bisë m'bondililë bwiinji bësiimbë keti sosu ciyuungë cyaandi. Bakë booso bësiimbë cyaawu bisë belukë.

Currently Selected:

Matye 14: NTVIL

ማድመቅ

Copy