लुका 4:9-12
लुका 4:9-12 OSJNT
तेखअ निंयं राख्सै सह येरुशलेम नगरी लै और मांदरे पुंडरी दी खल़अ करी करै बोलअ तेऊ लै, “ज़ै तूह परमेशरो शोहरू आसा तै पल़ इधा का ढेका! किल्हैकि पबित्र शास्त्रा दी आसा इहअ बी लिखअ द, (भज़न 91:11-12) ‘तेऊ छ़ाडणैं स्वर्ग दूत तेरी सेऊआ टैहली करदै और ताह बच़ाऊंदै। तिन्नां च़कणअ तूह हाथो हाथ, ताकि तेरै च़रणैं ठोहल़ नां लागे।’” ईशू दैनअ तेऊ लै ज़बाब, पबित्र शास्त्रा दी आसा इहअ बी लिखअ द, “तूह निं आपणैं प्रभू परमेशरा परखदअ लागी।” (बधान 6:16)
Bible App
Bible App for Kids
