Mataayi Ʉwandɨlo

Ʉwandɨlo

UMataayi áamɨle musundikwa wa Yeesu, mu bhasundikwa bhaala ishumi na bhabhɨlɨ. Ɨnsɨɨbho ɨya kusimba ishitaabu ishi yáamɨle kubhasundiilila aBhayahuudi kʉtɨ uYeesu we Muposhi (uMeesiya) we ʉMʉlʉngʉ álajile kʉmʉsonteelezya kʉkwabho. Ye nongwa uMataayi kʉwandɨlo ʉwa shitaabu ishi átalile kusimba ɨshɨkholo sha Yeesu. Mu shitaabu ishi uMataayi akʉlonga kʉtɨ, kʉshɨlɨla mwa Yeesu zifumiiye zyonti zye bhálonjile abhakuwi abha Lufingo ʉlwa Khalɨ. Khabhɨlɨ uMataayi akusundiilila kʉtɨ ʉwʉmwene ʉwa kʉmwanya wa bhantʉ abhɨ nsɨ zyonti bhe bhapindushile.

Ishitaabu ishi shɨkʉtʉbhʉʉzya ʉtʉpango ʉtwa wɨɨkhalo wa Yeesu kufuma kʉwandɨlo kufishila kʉwʉmalɨlɨshɨlo, kwandɨla kʉpaapwa kwakwe, ʉlwozyo na kʉlɨngwa nu Seetani. Khabhɨlɨ akʉtʉbhʉʉzya ɨmbombo yaakwe ɨya kʉlʉmbɨɨlɨla, ɨmanyɨzyo na kʉponɨa abhantʉ mʉ Galɨlaaya. Akʉpanga kʉshʉʉla kwa Yeesu kufuma mʉ Galɨlaaya kufishila ku Yelusaleemu, na zye zyáfumiiye ʉmʉlʉngʉ ʉwa kʉwʉmalɨlɨshɨlo ʉwa wɨɨkhalo waakwe mʉ nsɨ. Ishitaabu ishi shikusililishila kʉpanga akhapango akha kʉkhomeelwa pa shɨkhobhenhanyo na kʉzyʉkha kwa Yeesu. Ishitaabu ishi shikusililishila nɨ ndajɨzyo ɨmpɨtɨ ɨya Bhakilisiti, kʉbhalʉmbɨɨlɨla abhantʉ abhɨ nsɨ zyonti ɨnga bhabhe bhalandati.

Zye zɨlɨ mu shitaabu ishi	Ʉmʉlyango
Kʉpaapwa kwa Yeesu	1:1-2:23
UYeesu akwanda kʉlʉmbɨɨlɨla	3:1-4:25
Ɨmanyɨzyo zya Yeesu mwɨ gamba	5:1-7:34
UYeesu akʉbhaponɨa abhantʉ abhinji, na kʉmanyɨzya ɨmanyɨzyo impwa	8:1-9:38
UYeesu akʉbhasonteelezya abhalandati, na kʉdalɨnhana na Bhafalisaayi	10:1-12:50
UYeesu akʉmanyɨzya ɨzya wʉmwene ʉwa kʉmwanya	13:1-19:30
UYeesu akwinjila mu Yelusaleemu, na kwinjila mu Nyumba iMfinjile	20:1-21:46
UYeesu akʉlolesya amakha gaakwe	22:1-23:39
UYeesu akʉlonga izyi siku ɨlya kʉwʉmalɨlɨshɨlo	24:1-25:46
Kufwa kwa Yeesu	26:1-27:66
Kʉzyʉkha kwa Yeesu	28:1-20

Currently Selected:

Mataayi Ʉwandɨlo: Malila

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ ULufingo uLupwa ተጨማሪ ይወቁ

Mataayi Ʉwandɨlo

ከ
{{ምዕራፍ}}
ታዋቂ የመጽሐፍ ቅዱስ ጥቅሶች

Bible:

Malila

Version: ULufingo uLupwa - Malila