ၥ မိ 2
2
2
1ဘဲၫနီၪၥိၭမူၭခိၪဒဲဂၪ့ခိၪ, ဒဲကယဲအၥုၭမုခမျၧးနီၪ 2ဂီၩ့ဝ့ၫဒၪထီးအလူၬလီၫ.- တၭလၧမုနွ့ၫနံၩ လနံၩနီၪ ယွၩမၩထုၬအဆၧမၩ လၧအမၩဝ့ၫ, အီၪပွံၭလၧမုနွ့ၫ နံၩလနံၩ လၧကယဲအဆၧမၩ လၧအမၩဝ့ၫ ထီးအလူၬ 3လီၫ.- ယွၩဆိၪဂ့ၩမုနွ့ၫနံၩလနံၩနီၪ, ဒဲအီၪက့ၪဆံၫ့ဎံၪ ဝ့ၫလီၫ. အဂဲးဘဲၫယီၩ အီၪပွံၭဝ့ၫလၧ မုလနံၩနီၪလၧ ကယဲအဆၧမၩထီးအလူၬ လၧယွၩမၩကဲၪထၪ့ဝ့ၫဒၪ လီၫ.
ကျိၭအံဒံၫ့အဂဲး.
4မူၭခိၪဒဲဂၪ့ခိၪ အဂဲးအကၠီၪ့ ထီးအဘၪကဲၪထၪ့ဝ့ၫ နီၪ, လၧမုလနံၩ လၧယဟိဝၩယွၩ မၩကဲၪထၪ့ဂၪ့ခိၪ, 5ဒဲမူၭခိၪလဖၪမွဲအယီၩ,- တၭကယဲဆၧမဲၪထၪ့လၧဆံၬ ၥံၪနၩၥံၪ လၧဂၪ့ခိၪဖၧၩ့နီၪ, ဒဲကယဲဘုၪၥံၪဂူၫၥံၪ လၧ ဆံၬၥံၪနၩၥံၪအဖၧၩ့နီၪ မဲၪထၪ့ဒံၭအ့ၬ, အဂဲးဘဲၫယီၩ ယဟိဝၩဒုၭဆၧၩ့လၩ့ဆၧ လၧဂၪ့ခိၪချိၫ့ဒံၭအ့ၬ, ဒဲၦၡၩ 6လၧအမိမၩကၩ လၧဂၪ့ခိၪနီၪ အီၪနးဂၩဒံၭအ့ၬ.- ဆၧ အွံၩထၪ့လၧဂၪ့ခိၪတၭ မၩဘၪစီၪဂၪ့ခိၪ ထီးအလူၬ လီၫ.
7ယဟိဝၩယွၩမၩကဲၪထၪ့ၦၡၩအခွၫ လၧဂၪ့ခိၪအမုၬ တၭ, အူၪၡိၫနုၬဆၧမၧၫ့အၥၪ လၧအနၫဖၧၩ့တၭ, ၦခွၫနီၪ ကဲၪထၪ့ၦၡၩအၥၭမၧၫ့လီၫ.
8တၭယဟိဝၩၥုၪ့လၩ့ဖျၭလၩ့ ကျိၭလလးလၧအံဒံၫ့ အဖၧၩ့ မုထၪ့လခီၫတၭ, ၦၡၩလၧအမၩကဲၪထၪ့ဝ့ၫ 9နီၪမွဲအအီၪက့ၪဝ့ၫ ထီးနီၪလီၫ.- တၭယဟိဝၩယွၩဒုၭ မဲၪထၪ့ ကယဲၥံၪ့လၧၦယိဂ့ၩ, ဒဲၦအၪ့ဂ့ၩ လၧဂၪ့ခိၪဖၧၩ့ လထံၭလါလါ, ဒဲဆၧမၧၫ့အၥံၪ့လထံၭ လၧအအီၪဝ့ၫ လၧကျိၭအၥၭကျၩနီၪ, ဒဲဆၧၥ့ၪယၫဆၧဂ့ၩ ဒဲဆၧအၧၩ့ 10အၥံၪ့လထံၭဆ့လီၫ.- တၭထံၫမိၡါ လချိၬစဲၪ့ထၪ့ခွံၬ လၧအံဒံၫ့အဖၧၩ့ဘဲၫၥိၭ အမိမၩဘၪစီၪကျိၭအလး လီၫ. ထဲၩ့ဖၭထၪ့ထီးနီၪတၭ, ကဲၪထၪ့ဝ့ၫထံၫချိၬ လံချိၬ 11လီၫ.- အခၪ့ထံၭလချိၬနီၪ အမံၩ့မွဲပဲၡၫ့လီၫ. အဝ့ၫနီၪ လ့ၩဎဲၪ့ခး ဟၭဝလၫထၧၫ့ခးယၫတၭ, အလးနီၪထီၫ့ 12အီၪဝ့ၫဒၪ, ဒဲခးအထီၫ့နီၪမွဲထီၫ့အဂ့ၩလီၫ.- ဒဲမနံၬၥံၫ့ 13လၫ, ဒဲထၫ့မျါမဟူၫယၫ အီၪဝ့ၫထီးနီၪလီၫ.- တၭထံၫ ချိၬနံၫဘီၩ့လဘီၩ့နီၪ အမံၩ့မွဲဂဲဟၫ့လီၫ. အဝ့ၫနီၪလ့ၩ 14ဖျီၫ့ခးကုၡၫထၧၫ့ခးယၫလီၫ.- တၭထံၫချိၬၥၧၫ့ဘီၩ့လ ဘီၩ့နီၪအမံၩ့မွဲတဲဂြံၬလီၫ. အဝ့ၫနီၪလ့ၩ လၧခးအစံရ အၫအနဲၩ့ထံၭ လၧမုထၪ့လခီၫလီၫ. ဒဲထံၫချိၬလံဘီၩ့ လဘီၩ့နီၪ, မွဲယုၫပ့တံၫလီၫ.
15တၭယဟိဝၩယွၩ မၩန့ၦၡၩအခွၫနီၪတၭ အီၪက့ၪဝ့ၫ လၧအံဒံၫ့အကျိၭဖၧၩ့ ဘဲၫၥိၭအမိမၩဆၧ လၧအဖၧၩ့ 16ဒဲခိၭဝ့ၫဒၪလီၫ.- ယဟိဝၩယွၩ မၪလူၬၦၡၩအခွၫနီၪ တၭ, စံၭဝ့ၫဒၪ, ကယဲၥံၪ့လၧကျိၭအဖၧၩ့ယီၩ, နအၪ့ 17ဘၪပျီၩမၬကၨ.- အ့ၪမွဲဆၧၥ့ၪယၫဆၧဂ့ၩ ဒဲဆၧအၧၩ့ အၥံၪ့လထံၭနီၪ, ထီးအၪ့အၥၪလဂ့ၩ, အဂဲးဘဲၫယီၩ မုလနံၩ လၧနအၪ့ဆၧနီၪတၭ နမိၥံၫတၡါလီၫ.
18ယဟိဝၩယွၩစံၭဝ့ၫဒၪ, ၦၡၩအခွၫအီၪလဂၩဎး လ ဂ့ၩဘၪတၭ, ယမိမၩကဲၪထၪ့ၦမၩဆၧၩ့ဝ့ၫ လဂၩကြၨၭ 19လၧအဂးလီၫ.- တၭယဟိဝၩယွၩ မၩကဲၪထၪ့ကယဲ ဆၧဖိၪဆၧဎါလၧမံၩ့လၬကျၩ, ဒဲကယဲထိၪၥံၪလံၪၥံၪ လၧဆၧဖိၭဖၫ့ ကိၭမံၩ့ဒ့ၭလီၫ. ဒုၭဂဲၫဝ့ၫ လၧၦခွၫအ အီၪဘဲၫၥိၭအမိဒၪဝ့ၫ လၧအမိဖျိၬအမံၩ့ ဘဲၫၥ့ၪလဲၪဘဲၫ ၥ့ၪလဲၪအဂးနီၪ, တၭကယဲဆၧအမၧၫ့ လမံၩ့လါလါ 20လၧၦၡၩနီၪ ဖျိၬဝ့ၫအမံၩ့တၭ, ကဲၪထၪ့အမံၩ့လီၫ.- တၭ ၦၡၩနီၪဖျိၬ ကယဲဆၧဖိၪဆၧဎါ အဒိၩ့ဒဲထိၪၥံၪလံၪၥံၪ လၧဆၧဖိၭဖၫ့, ဒဲကယဲဆၧဖိၪဆၧဎါ လၧမံၩ့လၬကျၩ ကိၭအဆၨၩဒ့ၭအမံၩ့လီၫ. အ့ၪမွဲလၧၦခွၫအဂး ၦမၩ ဆၧၩ့ဝ့ၫလဂၩ ကြၨၭလၧအဂးနီၪ ဆၧဒၪန့ဘၪဝ့ၫအီၪ အ့ၬ.
21ယဟိဝၩယွၩ ဒုၭမံၫမၪၦၡၩအခွၫနီၪတၭ, အဝ့ၫဒၪ မံၫဝ့ၫတၭ, အဆၧမၩန့အဂုၬဎွံၪလဘီၩ့တၭ, မၩဘုၭ 22ထၬထဲၩ့ဝ့ၫ အယၪလၧအလးလီၫ.- ဆၧဂုၬဎွံၪလၧအ မၩန့ဝ့ၫလၧၦခွၫအဖၧၩ့နီၪ, ယဟိဝၩယွၩ မၩကဲၪထၪ့ ၦမုၪတၭ, ဖ့ၪလၫ့ဝ့ၫလၧၦခွၫနီၪလီၫ.
23တၭၦခွၫနီၪစံၭဝ့ၫဒၪ, ဘိၩ့နဲၪ့ယီၩ အယီၩမွဲဎွံၪလၧ ယဎွံၪလဖၪ, ဒဲယၪလၧယယၪလီၫ. တၭအယီၩမွဲဆၧ မၩန့ထၪ့ဝ့ၫ လၧၦခွၫအဖၧၩ့တၭ, ဆၧမိကိၭဝ့ၫလၧၦမုၪ 24လီၫ.- မၩအၥၭဘဲၫနီၪတၭ, ဆၧလၧၦခွၫမိဘၪစဲၪ့ဒၪ အမိအဖါတၭ, မိဘၪၥုၭဘူၭအၥၭ လၧအမၫအအီၪလ ခီၫတၭ, ဆၧလၧၦနံၫဂၩနီၪ မိဘၪကဲၪထၪ့လၥွံၪဎးလ 25ယၪဎးလီၫ.- တၭဆၧလၧၦနံၫဂၩ ၦခွၫဒဲအမၫနီၪအီၪ ဘိၪ့လါနၫ့တၭ, အမ့ၬမဲဘၪအ့ၬ.
Currently Selected:
ၥ မိ 2: pwokyn2
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Pwo Kayin Bible © Bible Society of Myanmar, 1883.
