GENESIS 12
12
Mapan ni Abram agraman ni Lot idiay Canaan. Agtaeng sadi Egipto. Ulbodenna ni Faraon.
1Ket ni #D. Ara. 7:2, 3. Heb. 11:8.Jehova kinunana ken Abram, Pumanawca iti dagam, ken cadagiti cabcabagiam, ken iti balay ni amam, ket mapanca iti daga nga ipakitacto kenca.
2 #
Gen. 17:6; 18:18. Gal. 3:14. Ket aramidencanto a dackel a pagarian, ket bendicionancanto, ket padackelecto, ti naganmo, ket sicanto ti maysa a bendicion:
3 #
Gen. 27:29. Num. 24:9. Ket bendicionacto dagiti mamendicion kenca, ket ti mangilunod kenca ilunodconto: #Gen. 18:18; 22:18; 26:4. Jer. 4:2. D. Ara. 3:25. Gal. 3:8.ket benditodanto kenca amin dagiti caputotan iti daga.
4Iti casta napan ni Abram, cas kinuna ni Jehova kencuana; ket nakicuyog kencuana ni Lot: ket nagtawen ni Abram iti pitopulo ket lima idi pimmanaw idiay Haran.
5Ket innala ni Abram ti asawana a Sarai, ken ni Lot lalaki nga anac ni cabsatna a lallaki ken amin a sanicua a nasapsapulanda idi, #Gen. 14:14.ken dagiti tattao a nagunodanda #Gen. 11:21.idiay Haran; ket pimmanawda a mapan iti daga a Canaan; ket dimtengda sadiay.
6 #
Heb. 11:9. Gen. 13:18. Ket naglasat ni Abram iti daga inggana iti disso a Siquem, #Deut. 11:30. Oc. 7:1.agpapan iti cacaycayoan ti roble ti More. #Gen. 13:7.Ket dagiti Cananeo nagnaedda idi idiay a daga.
7Ket nagparang ni Jehova ken Abram, ket kinunana, #Gen. 13:15; 17:8. Ex. 33:1. Sal. 105:9, 11.Iti putotmo itedconto daytoy a daga: ket nangbangon idiay iti maysa nga altar ken Jehova, a nagparang kencuana idi.
8Ket immalis idiay a napan iti bantay a dayaen ti Betel, ket inucradna sadiay ti sapawna, Betel iti laud, ken Ai iti daya: #Gen. 13:4.ket nangbangon idiay iti maysa nga altar ken Jehova, ket inawaganna ti nagan ni Jehova.
9Ket ni Abram, nagnagna a nagtuloy pay iti Abagatan.
10 #
Gen. 26:1; 43:1. Ket naadda idi ti maysa a bisin iti daga: ket simmalog ni Abram idiay Egipto, tapno agdagus idiay; ta nagpalalo ti bisin iti daga.
11Ket naaramid nga, idi ngannganidan a sumrec idiay Egipto, kinunana ken Sarai nga asawana, Adtoy ita, siac ammoc nga maysaca a babai a napintas a mabuya:
12Ket maaramidto a, no makitadaca dagiti Egipcios, cunadanto, Daytoy ti asawana: #Gen. 20:11; 26:7.ket patayendacto, ngem biagendacanto.
13Cunaem, dawatec kenca, a sica ti cabsatco; tapno naimbagac coma gapu kenca, ken tapno agbiag ti cararuac maipuon kenca.
14Ket naaramid nga, idi simrec ni Abram idiay Egipto, dagiti Egipcios nakitada ti babai a naiduma ti sayaatna.
15Ket dagiti principe ni Faraon nakitada, ket impadayawda ken Faraon: ket naipan ti babai iti balay ni Faraon.
16Ket inaramidna ti naimbag ken Abram maipuon iti babai: ket adda carnerona idi, ken vaca, ken asno a calakian, ken ad-adipen a lallaki, ken ad-adipen a babbai, ken asno a cabaiyan, ken camello.
17 #
Gen. 20:18. 1 Cron. 16:21. Sal. 105:14. Ket ni Jehova pinaricnaanna ni Faraon ken ti balayna cadagiti dadackel a didigra maipuon ken Sarai nga asawa ni Abram.
18Ket iti casta inayaban ni Faraon ni Abram, ket kinunana, Ania daytoy nga inaramidmo caniac? Ania ti gapuna a dica inbaga caniac nga isu ti asawam?
19Apayapay kinunam, Isu cabsatco, iti casta isu ti nangalaac nga asawaen? Ita ngarud, adtoy ti asawam, alaem, ket incan.
20Ket ni Faraon nagbilin cadagiti tattao iti pannacaalluadna ket intulodda iti dalan, isu ken ti asawana, ken amin nga adda kencuana.
Currently Selected:
GENESIS 12: TB1973
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Ti Biblia © 1973 Philippine Bible Society
