Mutendeko 5
5
Ŵa mphapu ya Adamu
(1 Mid 1.1-4)
1Iyi ndi miwiro ya ŵana ŵa Adamu. Mu zuŵa ilo Chiuta wakalenga munthu, wakamulenga iyo mu chikozgo cha Chiuta.#Mut 1.27-28 2Wakaŵalenga mwanarume na mwanakazi, wakaŵatumbika na kuŵathya iwo zina lakuti “Munthu”.#Mat 19.4; Mrk 10.6 3Para Adamu wakakhara virimika 130, wakababaso mwana mwanarume wakuŵa nga ndiyo wa mu chikozgo chakhe, ndipo wakamuthya zina lakuti Seti. 4Adamu wakakhara virimika 800 wakati wababa Seti. Wakababaso ŵana ŵanyakhe, ŵanarume na ŵanakazi. 5Ntheura Adamu wakakhara virimika 930, ndipo wakafwa.
6Para Seti wakakhara virimika 105, wakababa Enoshi. 7Seti wakakhara virimika 807 wakati wakababa Enoshi. Wakababaso ŵana ŵanyakhe, ŵanarume na ŵanakazi. 8Ntheura mu umoyo wakhe wose Seti wakakhara virimika 912, ndipo wakafwa.
9Para Enoshi wakakhara virimika 90 wakababa Kanani. 10Enoshi wakati wababa Kanani, wakakhara virimika 815. Wakababaso ŵana ŵanyakhe, ŵanarume na ŵanakazi. 11Ntheura mu umoyo wakhe wose Enoshi wakakhara virimika 905, ndipo wakafwa.
12Para Kanani wakakhara virimika 70, wakababa Mahalalele, 13Kanani wakati wababa Mahalalele, wakakhara virimika 840. Wakababaso ŵana ŵanyakhe, ŵanarume na ŵanakazi. 14Ntheura mu umoyo wakhe wose Kanani wakakhara virimika 910, ndipo wakafwa.
15Para Mahalalele wakakhara virimika 65, wakababa Yaredi. 16Ndipo Mahalalele wakati wababa Yaredi, wakakhara virimika 830. Wakababaso ŵana ŵanyakhe, ŵanarume na ŵanakazi. 17Ntheura mu umoyo wakhe wose Mahalalele wakakhara virimika 895, ndipo wakafwa.
18Para Yaredi wakakhara virimika 162, wakababa Enoki. 19Sono Yaredi wakati wababa Enoki, wakakhara virimika 800. Wakababaso ŵana ŵanyakhe, ŵanarume na ŵanakazi. 20Ntheura mu umoyo wakhe wose Yaredi wakakhara virimika 962, ndipo wakafwa.
21Para Enoki wakakhara virimika 65, wakababa Methusela. 22Enoki wakati wababa Methusela, iyo wakaŵa mu uwenenawene na Chiuta virimika 300, ndipo wakababa ŵana ŵanyakhe, ŵanarume na ŵanakazi. 23Ntheura mu umoyo wakhe wose Enoki wakakhara virimika 365. 24Enoki wakaŵa mu uwenenawene na Chiuta. Iyo kuti wakawonekaso chara, pakuti Chiuta wakamutora.#Heb 11.5; Yud 14
25Para Methusela wakakhara virimika 87, wakababa Lameki. 26Methusela wakati wababa Lameki wakakhara virimika 782. Wakababaso ŵana ŵanyakhe, ŵanarume na ŵanakazi. 27Ntheura mu umoyo wakhe wose Methusela wakakhara virimika 969, ndipo wakafwa.
28Para Lameki wakakhara virimika 182, wakababa mwana mwanarume. 29Wakamuthya zina lakuti Nowa,#5.29 Nowa: Mu Bayibolo la chiHebere, lizgu lakuti, “Nowa” likupulikikwa nga ndi lizgu lakuti “kupepuska”. wakati, “Kufuma ku charu icho Fumu yili kuchitemba, mweneuyu ndiyo wati watipepuske ku mlimo withu na ku vyakuŵinya vya kutokatoka kwa mawoko ghithu.” 30Lameki wakati wababa Nowa wakakhara virimika 595. Wakababaso ŵana ŵanyakhe, ŵanarume na ŵanakazi. 31Ntheura mu umoyo wakhe wose Lameki wakakhara virimika 777, ndipo wakafwa.
32Para Nowa wakaŵa na virimika 500, wakababa Shemu, Hamu na Yafeti.
Currently Selected:
Mutendeko 5: Tumbuka
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Bible Society of Malawi
