Salmow 7

SALM 7.

Domine, Deus meus.

1A Arloedh ow Duw, ynnos jy y hwilav skovva : saw vy dhiworth oll an re a'm helgh, ha gwra ow delivra;

2Ma na dorrons ow enev avel lew : orth y skwardya, ha nyns eus delivrer.

3A Arloedh ow Duw, mar kwrugavy hemma : mars eus sherewneth y'm diwleuv;

4Mar attylis vy drog dhe'n den esa yn kres genev : po pylla ow eskar heb ken;

5Helghyes an eskar ow enev, ha'y gemmeres : stankyes ev ow bewnans dhe'n dor, ha gul dhe'm enor growedha y'n doust.

6Sav, A Arloedh, y'th sorr; omdhrehav erbynn koler ow eskerens : ha difun, A Dhuw, y'n gwirvreus a worhemmynnsys.

7Ha bedhes kuntelles an poblow a-dro dhis : warnodho kemmer dha se yn ughelder.

8An Arloedh a vreus an poblow; breus vy, A Arloedh : herwydh ow ewnder, ha herwydh ow gwiryonsys usi ynnov.

9Bedhes diwedh dhe dhrogober an debeles; mes ty gwra fastya an den gwiryon : ty neb a brev an kolonnow ha'n lonethi, an Duw gwiryon.

10Yma ow skoes gans Duw : neb a selow an re ewn aga holonn.

11Duw yw breusyas gwiryon : ha Duw yw serrys pub dydh.

12Mar ny goedh den yn edrek, ev a lymm y gledha : ev re blegyas y warak, ha'y darbari.

13Hag ev re dharbaris dhodho daffar mernans : ev a wra y sethow sheftys a dan.

14Otta, ev yw torrek gans sherewneth : ev re gonsevyas dregynn ha dineythi falsuri.

15Ev re balas pytt ha'y gleudhya : hag ev re goedhas y'n kleudh a wrug.

16Y dhregynn a dreyl war y benn y honan : ha'y arowder a dhiyskynn war y glopenn y honan.

17My a wormel an Arloedh herwydh y ewnder : ha kana gormola dhe Hanow an Arloedh, an Ughella.

Currently Selected:

Salmow 7: ASK

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች