YAPHANG 5
5
Adamni bosongrok
(1Bo 1.1-4)
1 #
Yap 1.27-28. Omo wng kha Adamni bosongrokni láibumarokni kók. Kaitor borokno snam phuru bo bono Kaitorno kosol khe snam kha. 2#Mat 19.4; Mar 10.6.Bo bórokno chwla tei bwrwi khe snam kha tei bo bórokno hamari rw kha. Snamwi bórokno Borok hwnwi mung phar kha. 3Adamni umor nokha bisi sarathamchi phuru bo bupha wng kha. Bini sakno kosol khe’-no sajla khoroksa man kha tei bono Set hwnwi mung phar kha. 4Aboni ulo Adam teibo nokha bisi charra kwthang tong kha; bo teibo sajwk-sajla man kha. 5Tei Adam nokha bisi chukurathamchi umoro khe thwi kha.
6Setni umor nokha bisi saraba phuru sajla Enosno man kha. 7Tei aboni ulo bo teibo nokha bisi charrasni thang lang kha tei bo teibo kubun sajwk-sajlarok man phi kha. 8Tei nokha bisi chukurachinwi umoro khe thwi kha.
9Enosni umor nokha bisi chukuchi phuru bo sajla Kenanno man kha. 10Tei aboni ulo teibo nokha bisi chukurachiba thang kha. Bo teibo sajwk-sajla man kha. 11Tei Enosni umor nokha bisi chukuraba-o khe thwi kha.
12Kenanni umor nokha bisi snichi phuru Mahalalel hwnwi sajla khoroksa man kha. 13Tei aboni ulo bo teibo nokha bisi charrabrwichi thang lang kha tei teibo sajwk-sajlarokno man kha. 14Hakhe Kenan umor nokha bisi chukurachi káui thwi kha.
15Mahalalelni umor nokha bisi dokchiba phuru bo sajla Jaredno man kha. 16Bo aboni ulo teibo nokha bisi charrathamchi thang lang kha phiya teibo sajwk-sajlarok man kha. 17Mahalalelni umor nokha bisi charrachukuchiba-o khe thwi kha.
18Jaredni umor nokha bisi sara-dokchinwi phuru khe chwla bwsa Enokno man kha. 19Tei aboni ulo Jared teibo nokha bisi charra thang lang kha tei bo sajwk-sajlarok man kha. 20Hakhe Jaredni umor nokha bisi chukuradokchinwi-o khe thwi kha.
21Enokni umor nokha bisi dokchiba phuru khe bo sajla Methuselano man kha. 22Aboni ulo khe Enok Kaitor bai kwthaui nokha bisi thamra tong lang kha tei bo sajwk-sajlarokbo man phi kha. 23Bo nokha bisi thamradokchiba tong lang kha. 24#Hib 11.5; Jud 14.Bini thangsungo bo Kaitor bai kwthaui máng tongwi tháng kha. Hakhe, Kaitor bono tlangwi thángma bai bo nukjak li ya.
25Methuselani umor nokha bisi saracharchisni phuru bo sajla Lamekno man kha. 26Methusela Lamek achaiwi tei nokha bisi sniracharchinwi thangwi tong lang kha tei bo teibo sajwk-sajlarok man phi kha. 27Hakhe nokha bisi chukuradokchi-chuku umoro khe thwi kha.
28Lamekni umor nokha bisi sara-charchinwi phuru khe sajla khoroksa man kha. 29Tei hai hwnwi sa kha, “Subraiyung swraimani o ha-ono o bwsa chini bebak samung kwrak tangmani yakni chwngno phiyóknai,” hakhe bo bono Noa#5.29: Noa: O mung Hibru kók bai “Lenglamung” hwnma hai. hwnwi mung phar kha. 30Lamek Noa achaimani ulo teibo nokha bisi barachukuchiba thang lang kha, bo teibo sajwk-sajlarok man kha. 31Tei bini umor nokha bisi snira tei snichisni-o khe thwi kha.
32Noa nokha bisi bara umor wng phuru bo sajla khorok tham man kha. Bórokni mung khe Sem, Ham tei Japhet.
Currently Selected:
YAPHANG 5: KOKBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
