Matthew 10:38-39

Nanda jala durrijbangka ngaki jangkurr, yingkamukunyi jayalu yabimba kiji nangangi. Jayalu ngarrkadaba, yiningki jayalu kurdanba. Jaliyi nangka miku yangkalamba ngakinbunanyi, baki nyulu dujanya ngaki kandi. Janyulu mili wanka jungku baku barri nangandu Kudnyina. Ngala jaliyi nangka yangkalamba ngakinbunanyi jala yingkamukunyi yalu yabimba kiji nangangi, baki miku nyulimi dujanya ngaki kandi. Miku nyuliyi wanka jungku nangandu Kudnyina, ngala janyulu jungku kurdan yurrngumba barri.