ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Kayak Nug anam ha, ena anattowa, Nug aum. “Ig danab ag wan, amu wanppan keeke oh, doɗ dakkuɗ, aabppanu doɗ, doɗ laa ag oolag wan qeeqe oitteb, kakai, ai oh ele, ag keeke amu oh gumadkkulagnu, ig danab ig bia hetu! Ig daattem bia amu, ag amubia dayeg!” awa aum. Anam amunu, Kayak Nug danab ah, laa am danab, laa am ah, Nug bia haatom.

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Digmak haenppa Kayak Nug hab, wan ele heum

amu wan nug iɗu iitta dayeye, appa keeke laa ele ii daye, gatatu, le eleib tona dayeye, Kayak Ouɗi Nug ⌊wan heeb, keeke bau daatte ele wanppa daaglagnu elele daakkunu⌋ boppala dayom.

Boppala dayeye, Kayak Nug, “Amahlak baɗ!” awa aum. A amu, amahlak aakku beum.

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Be amu, Kayak Nug amahalak amuam ena antta, Nug amahlak nug nuhig haenppa dayebeb, gatatu ele nug nuhig haenppa daakkunu ahilah haen piɗe piɗe otiom.

Dimppa Kayak Nug aa amelahppa aum. “Da gikkiɗah, ad, muɗi ele oh ag meulkad amu, am ahilah ee daakkunu matattem.

Amahlak haennu amu, Kayak Nug onig, “amun,” ataɗa, gatatu haennu Nug onig, “tuqan,” ataɗa aum. Buttua ukka uudo, ukka wagkkaɗom am deɗ tatamnu.

Keeke amu anam ba daye, Kayak Nug, “Le gamagppa oppata, attan honap ele daapeɗ, gamalahppa aben uma ukkak dayaɗ!” awa aum.

Amge keeke amu oh, ag uɗulkad am doɗ, ai ele dilag ee daakku.” Kayak Nug a, am anam aakku beum.

Keeke amu anam ba daye, Kayak Nug, “Hab attannu amahlak, ag amun, tuqan, aam haen, gu haen, amu maɗ alag, maɗ bau ele oppatkkulagnu

Nug ena anattowa, Kayak Nug aum. “Wan etetuab oh, keeke amu oolagppa laa aegib otteb, laa am ad meu aeg ele otteb, ag anen anen ag aelkad nena qena, ag eɗun ag diilkad amubiaib bekkulag amu, ag oh beig!” awa aum. Kayak Nug a amu, am anam aakku beum.

Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum.

Ao, wannu etetuab oh beppig; amu oolagppa am keeke laala aegib oeg, aeg amu ag nena qena, ag eɗun ag diilkad amubiaib betteb, amu ad laala ag meulkad aeg ele oeg, aeg amu ag nena qena, ag eɗun ag diilkad amubiaib betteb. Keeke amu oh aakku beppig. Keeke amu oh beeg, Kayak Nug ena anttom.

Kayak Nug anam anana, ib amuppa amu Nug aam, kalam ele, aa amahlak okkai aɗit, amu hoɗopai oh ele hattom; aam nug amunnu amahlak, kalam nug tuqannu amahlak.

Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum. Be, le qagmeppignu amu, Kayak Nug onig, “yu,” ataɗa, Nug aben le iitta, am onig, “wan,” ataɗa aum. Onig aɗit amu ataɗowa, Nug keeke amu ohnu am ena anattom.

Nug ena anattowa, Nug itatata aum. “Yuppan doɗ ag appatna, huanak bena, yuppa ambak daan oiyeg! Ai, ag ele appatna, huanak bena, wanppa ambak daan oiyeg!” awa aum.

Keeke amu anam ba daye, Kayak Nug aum. “Wanppanu doɗ iɗu iɗu oh, ag diilkad piɗe piɗe, amuam aabppan doɗ, doɗ laa ag oolag wan qeeqe oitteb, amu doɗ dakkuɗ ele, doɗ amu oh ag anen anen appatna, ag diilkad amubiaib bekkulag amu, doɗ amu oh ag beig!” awa aum. Kayak Nug anam a amu, am anam aakku beum.

Keeke amu anam ba daye, Kayak Nug, “Leppanu doɗ iɗu iɗu oh amu, ag huanak beig! Ai ele ag oh bena, hab waappa hagagaɗeg!” awa aum.

Kayak Nug anam aum amunu, ib amuppa Nug doɗ dakkuɗ, aabppan doɗ, amu doɗ laa ag oolag wan qeeqe oitteb, doɗ amu oh ag anen anen appatna, ag diilkad amubiaib bekkulag amu, Nug doɗ amu oh hattom. Nug hattowa, Nug ena anattom.