ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Zozii yɔɔ 'cla lebhe: «'Lɩsaa 'la gbʋ ‑n claa 'lɛ lebhe: Ɩ ‑ka ‑kʋ lebhe ‑n cɩ mino na bha? Ɔmɔa ‑ɔ ‑ka 'lɛ pɔɔtɛtɛ na, ɔ mino ‑tɛtɛa 'fɩan nʋlɩɛ.»

'Kplookʋ, 'cileea toa yaan ‑gaa 'nyɩ ɔ ya 'cla lebhe: «N 'tɛlɩ pɔlɛ 'kʋ, bhooje ciin 'kʋ ɩya ‑n zʋlʋ 'na pɔɔtɛtɛa 'kʋ.»

Daa Zozii ble 'lɛ 'sleen na, ɔla gɩlɩnyaa yɔɔ ‑asule neencla lebhe: «'Lɩsaa 'la gbʋ ‑anyɩ ‑a 'ta 'lɛ 'wugo ‑naa 'tliliɛ mino bha?» Ɔ ya maa 'cla lebhe: «‑Sa 'la 'wugo ‑naa, bhibhieli ‑tɛɛ ‑ɩ minʋʋ 'lɛ 'tlilɩɛ.»

‑Glii ‑glɩ ‑lʋʋ 'nanʋ. ‑Ma gbazɩ ‑glii ‑kanɩ 'dʋʋn 'wlʋ na, 'nsasa a cɩ 'kanɩɩ 'lɛ 'dʋʋn zʋzʋlʋ bha? 'Naa a kalɩ ‑glii anyɩ 'titi acɩ nɩkplaan ɩya pupue kʋ aya a 'ye ‑gbaaglɩɩn.»

«Ɔmɔa, ‑amʋ 'wluku, ‑ɔ ‑cɩ ka 'lɛ ‑anɔ ‑naa 'bhisa 'kʋ 'la 'cilee 'nanɩ kla na, ‑amʋ 'titi ɔ kla 'lɛ 'nanɩ. 'Nyɩ ɔmɔa ‑ɔ klaan 'lɛ 'nanɩ na, ‑n 'ta ‑amʋ ɔ kla 'ta 'lɛ 'nanɩ, ‑ma ɔmɔa, ‑ɔ lobhuun 'lɛ na.»

'Nyɩ ɔmɔa ‑ɔ ‑cɩ ka 'lɛ anyɩ 'nyukobhu 'nyɩ le a 'ka 'mla, ‑ofi lebhe, a ‑glɩ Laagɔ 'la ‑Sasanyɔa* 'nʋa na, n solui anyɩ, ɩ ‑glɩ ‑nʋawlɛ, ɔla dluuplʋlɩɛa 'ta 'dɛ ‑wlʋɔ.»

Zozii ya 'kʋgɩ 'nyɩ ɔ ya 'cla lebhe: «Ncaatʋtʋʋntʋa ‑ɔ ‑cɩ ka 'lɛ 'cuo ‑naa ‑ma ‑ka 'lɛ 'na pɔɔtɛtɛ, mala sidiin 'la bhlo nyinyiin fa na, ɩ nanɩ le ma gʋalɩɔ cokwie 'kadie ‑blɩɩn ɩya ma 'pɔɔ geen.

'Nyɩ ɩ ‑ka ‑kʋ lebhe ‑naa 'cia ‑ɛ ‑kɔɔ nyinyiin fa na, kpɛɛ. Sa ‑n ‑ya 'ci bhlo ‑ka Laagɔ 'la Nyɩbhɛlɩdua* nɩkplaan ble na, ɩ nanɩ 'nyɩ ɩ zi saa ‑n ‑ya 'cia ‑mɔsɔa cɩ 'kaa 'lɛ ‑kosua ‑ʋ ŋomu 'ta 'lɛ na nɩkplaan ‑pɔɔ na 'kʋ.