ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Yesu walingile eci cizivukiso cakulivanga ku Kana mu Ngalileya, kuje kwasholwele vumpau vwendi, co vandongisi vendi vamukulaelele.

Co Yesu wamukumbulwile ngwendi, “Ove munakazi kuwapandele kunjileka vije njinapandele kulinga. Simbu yange kanda yete.”

Yesu walekele vaje vangamba ngwendi, “Shuliseni evi vinjava na mema.” Co vavishulisile vyoshe vwaa, co wavalekele ngwendi, “Ololo tekuleni mema ngeci muwatwale kuli mukulunu wa ciwano.” Ngecivene, vamutwalelele mema

Yesu wavakumbulwile ngwendi, “Siwuleni eyi Njuvo ya Shukulu Kalunga, co njikaitungulula lalo a matangwa atatu.”

Ngecivene, woshele likote lya twonzi washekelele anja tusituvoshe, amo na vimanga, na vingombe voshe vaje vakele mu Njuvo ya Shukulu Kalunga, co wafulumikile vimesa vya vaje vakele nakulandakana vimbongo, co washandwele vimbongo vyavo, co walekele vaje vakele nakulandeselamo mayembe ngwendi, “Vatuwiseni anja! Kesi mupwise Njuvo ya Tate mutambela wakulandesela!”