ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Oun o Devel penas: “Me dau t'men i sikepen, te djinenn t'mer, ko lab, hoy dom me t'mende oun hake firhende pash t'mende, ninna lauterende, kay venna pal t'mende, ko lab ačella hako tsireske: Me čivom miro brishineskro bogo an o bolepen. Te dikenn les, djinenn t'mer, kay vell bouder gar savo baro pani pral i phoub.

Te hi miro brishineskro bogo an o bolepen tardo, dikau les, oun ko lab, hoy dom, vell an miro shero. Ko lab ačell tardo hako tsiro mange oun hakeneske, kay djivella ap i phoub.”

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

Oun o Devel rakras lače laba pral o Noah oun pral leskre čavende vin oun penas: “Anenn boud čaven ap i phoub, te vell i phoub t'mendar pherdo!

Halauter, hoy djivella, dau me t'mende, te rhan kova nashte. Me dau les t'men te rhal, yaake har dom t'men o zenlepen.

I tsele firhe ap i phoub oun i tsele čirkle an o bolepen hounte darenn oun trashenn t'mendar. Halauter, hoy djivella ap i phoub, oun i tsele mače an o baro pani, dau an t'mare vasta.

Anenn čaven ap i phoub, – boud čaven, te vell i phoub t'mendar pherdo!”