ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Hema to mampobagoka-'A, kana natuku-'A bona mamala'i mampodohe-'A nau rima karaua-Ku. Tauna to mampobagoka-'A, Nabila tuama-Ku.

Hema to mampotowe inohana, makarontoa inohana. Naupawee, hema to moma mampotowe inohana i dunia ei, mantarima katuwua to moma maria kahuduana.

Mpuu-mpuu Ku'ulika komi, ane wua gando moma'i ratuda pade mamate, wua gando ee batena moto'i hangu. Naupawee, ane wua gando ee ratuda, mamate ncala'i olu pade matuwu nculidi mawali madea.

Aku narata i dunia ei halaku baa, bona humawee tauna to neparahaya hi Aku, momaramo mo'oha rara kaliamauana.

Tauna to nangepe patudu-Ku, naupawee moma'i laipoingkukana, moma Aku to mampahuku'i, apa Aku narata i dunia, moma-'A tumai mampabotuhi manuhia i dunia, naupawee mampakahalamara.

Lauparia naratami Maria nangkeni hantanga lite lana wongi narwastu to nelabi kahulina. Laituahina paa Yesus pade laipurihina hante wuluana. Alaana, rara hou ee nawali nawongi mpuu.

Lauparia laialara tawe palem pade rauramo nampotomu-'I hante nongare nanguli iwei, “Hosana! Laitiroimi Hia to narata halaku huro Alatala! Hiami Magau to Israel!”

Yesus nangulikara, “Naratami tempona Ana Manuhia rapemabohe.