ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ဖြားဖြစ်ကြောန့်နူးဆိုဟှာ လူနှေ့ယော့‑က်၊ သောင်းယော့‑က်ဟှာ ငါ့ရဲ့ နာမဟှို အားကိုးဘီး စုဝေးနေဟှူ နေရာလေမာ ငါဟှာ သူးနို့နတူးဒူး ရှိနေမယ်။”

“နော့‑က်ထပ် ငါ မှန်ပြောမယ်။ မ္လေဂီးထတ်မာ လူနှေ့ယာ့‑က် ဘောတူဘီး ဆုတောန်းဟှယ် ဆိုဟှာ နန်းနို့တောန်းဟှူမျှဟှို ကောန်းဂန်ဘောင်ဟှ ငါ့ဖဟှာ ပေးတော်မူလေ့မယ်။

ယေရှုဟှ သားဂန်းတယော့‑က်ဟှို သူ့နားဟှိုခေါ်ဘီးဟှာ တဗဲ့တော်လေရှေ့မာ ရပ်ခိုင်းလေဟှယ်။ အယ်ဘီးန ကိုယ်တော်ဟှ “ငါ မှန်ပြောမယ်၊ နန်းနို့လေ ပ္လောန်းလဲဘီးဟှာ အယ်သားဂန်းဟှားမျိုး ဖြစ်ဘဲဟှ ဆိုဟှာ ကောန်းဂန်နိုင်ငံတော်ဟှို ရော့‑က်ရဟှို့ မှုဟှ။

အယ်ကြောန့် အယ်သားဂန်းမျိုး စိနှိခ္လဟှူသူဟှာ ကောန်းဂန်နိုင်ငံတော်မာ ကီးမြတ်ဆောင်း ဖြစ်ဟှယ်။

ငါ့နာမဟှို ထော့‑က်ဘီးဟှာ အယ်မျိုး သားဂန်းဟှား ယော့‑က်ယော့‑က်ဟှို လတ်ခံသူဟှာ ငါ့ဟှို လတ်ခံဇာဘဲ့ ဖြစ်လေဟှယ်။

“ငါ မှန်ပြောမယ်၊ နန်းနို့လေဟှာ မ္လေဂီးထတ်မာ ချည်နှောင်ဟှူမျှဟှာ ကောန်းဂန်ဘောင်မာ ချည်နှောင်လေ့မယ်။ မ္လေဂီးထတ်မာ ဖြေလွှတ်ဟှူမျှဟှာ ကောန်းဂန်ဘောင်မာ ဖြေလွှတ်လေ့မယ်။

အယ်ဘီးန ယေရှုဟှ “နန်းနို့လေလည်း နန်းနို့ရဲ့ ညီကို မောန်နှမလေဟှို စိနှလောင်းထဲဟှနေ ခွမ့်လွှတ်ဘဲဟှ ဆိုဟှာ ကောန်းဂန်ဘောင်ဟှ ငါ့ဖလည်း နန်းနို့လေဟှို ခွမ့်လွှတ်ပေးဟှို့ မှုဟှ” ဆိုဘီး မိန့်တော်မူလေဟှယ်။

“ငါ့ဟှို ယောင်ကြည်ဟှူ အယ်မူသားဂန်း ယော့‑က်ယော့‑က်ဟှို မှားယွင်းစေသူဟှာ လည်ဘန်းမာ က္လော့‑က်က္လိဆောင်နခယ်ဘီး ပန်လယ်ထဲဟှို ပစ်ခ္လခံရဟှူဇာဟှ ပိုဘီး ကောန်းလေ့မယ်။

“နန်းနို့လေဟှာ ဖယ်မျိုးထန်မှတ်ဂေ့နူး။ လူတယော့‑က်မာ သိုးကောန် ၁၀၀ ရှိဘီး သိုးတကောန်ဟှာ ပျော့‑က်ဟှားမယ် ဆိုဟှာ ကျန်နေဟှူ ၉၉ ကောန်ဟှို တောန်ထတ်မာ ထားရစ်ဘီးဟှာ ပျော့‑က်နေဟှူ သိုးတကောန်ဟှို လိုက်ရှာတတ်ဟှယ် မှုဟှလော။