ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

ယေရှုဟှ “ဖ! သူးနို့လေဟှာ သူးနို့ ဖြားလောက်ဟှယ် ဆိုဇာဟှို သိဂေ့ဘဲဟှူကြောန့် သူးနို့လေဟှို ခွမ့်လွှတ်တော်မူပါ” ဆိုဘီး ပြောလေဟှယ်။ သူးနို့လေဟှာ ကိုယ်တော်ရဲ့ ဝတ်စားလေဟှို မဲနှိုက်ဘီး ခွဲဝီယူဂေ့ဟှယ်။

ယေရှုဟှာ “နန့်ဟှို ငါ မှန်တိုင်းပြောမယ်၊ အယ်နေ့ဘဲ့ နန်ဟှာ ငါ့နတူးဒူ ပရဒိသုဘောင်မာ ရှိမယ်” ဆိုဘီး မိန့်တော်မူလေဟှယ်။

အယ်ဘီးန သူဟှ “ယေရှု၊ ကိုယ်တော်ရဲ့ နိုင်ငံတော်ဟှို ကြွလာဟှူ ခီမာ ကျွန်တော့်ဟှို အော့‑က်မေ့တော်မူပါ!” ဆိုဘီး ယေရှုဟှို လျှော့‑က်လေဟှယ်။

ယေရှုဟှာ “ဖ! ကျွန်တော့်ရဲ့ ဝိညာဉ်ဟှို ဖရဲ့လတ်ထဲမာ အပ်ပါဟှယ်!” ဆိုဘီး သံက္လယ်ဂီးန အော်တော်မူဘီးန သတ်ချောက်တော်မူလေဟှယ်။

“ဦးခေါန်းခွံနေရာ” ဟှို ရော့‑က်ဟှူ ခီမာ သူးနို့ဟှာ ယေရှုဟှို ကားစင်တန်လေဟှယ်။ အယ်ဘီးဟှာ ရာဇဝတ်သား နှေ့ယော့‑က်ဟှိုလည်း ကိုယ်တော်ရဲ့ ညာဖတ်မာ တယော့‑က်၊ ဘယ်ဖတ်မာ တယော့‑က် ထားဘီးဟှာ ကားစင်တန်ဂေ့ဟှယ်။

အယ်ခီဟှာ မွန်းဒဲ့ခီလော့‑က်ဖြစ်ဟှယ်။ နေဒန်ဇာသောင်းနာရီထိ ဒေသတခုလောင်း မှောန်မိုက် ဖြစ်ဟှားဘီး၊ နေရောန်ဟှာ ကွယ်ပျော့‑က်ဟှားလေဟှယ်။ အယ်ဘီးဟှာ ဗိမာန်တော်ထဲမာ ခိဆွဲဟှားဟှူ လိုက်ကာဟှာ နှေ့ခြမ်းကွဲဟှားလေဟှယ်။

အယ်မျိုးဖြစ်ဇာဟှို ဗြင်လိုက်ဟှူတပ်မှူးဟှ ဘုရားသခင်ဟှို ချီးမွမ်းလိုက်ဘီး “အယ်သူဟှာ မှန်ဘဲ့ ဖြောန့်မတ်ဟှူသူ ဖြစ်လေဟှယ်!” ဆိုဘီး ပြောနေဟှယ်။