ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Jikaamirwe mu‑Bhikaame Ebhyeru ati, omuunu woonewoone unu kaanyikirisya, ‘emimiro ja amanji ganu agasoosya obhuwanga jiriwurura okusooka mu‑mwene.’”

Orusuku rwa obhuteero rwa ichikukuru ya ebhiwuuna, rwariga ruri rusuku orukuru muno. Mbe, Yeesu ˆneemereeguru mu‑rubhuga rwa Riyekaru, ˆnaamura obhuraka ˆnaayika ati, “Omuunu akoongwa obhwiro bhwa amanji, aaje kw‑anye, anywe!

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Mwasiga okuramura omuunu okuruubhana na jinu omurora na ameeso era, tari muramure omuunu ku‑bhurengeresi.”

Omuunu woonewoone unu kaayika ku‑bhuturo bhwaye omwene, oyo keeyenjera echibharo chaaye omwene. Nawe unu kaayenja echibharo inguru ya unu ꞉aamutumire, oyo kaayika echimari, atakwayika orubheeyi wuri.”

Mbe, Yeesu ˆnaabhabhwira ati, “Ameeyigisyo ganu eniiyigisya, gatari gaani, tari gasookere ku‑Nyamuwanga unu ꞉aantumire.

Abhaanu bha ku‑chaaro kunu, bhatari na injuno ya okukora bhabhasoke. Nawe abhansoka anye, kwa okubha enibhabhwira ati, ebhikorwa bhyebhwe ni bhibhiibhi.