ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

แบ่เจ่ เหย่ซู่ เฮ๊ คยาแซ๊ แกแย เนอเต๊เห่ เน๊อ, “แว หม่า เห่ขุ อาเตลี. แกแย เด๊อ อา ครวา แวคยา เตเพรเพร เนอ, อา จว๊า ปา เด๊อ เตคี๊ อาเกล แตแค๋ โต่. อา เก่ พย๊าหนิ เตลี เด๊อ อา เด๊อ ลู ซิปล่อเซอเพร อาเซ เออเนอ ปา.”

เร๊อ ซี เก่ ซิเง เตหม่า เตจ๊อปา. เร๊อ เตหม่า เตจ๊อ เก่ ปลวาเถ่ ซี ปา,” อา เฮ๊ เหย่ซี ฮู๊เนอ.

แบ่เจ่ เหย่ซู่ เฮ๊ แกแยยิวพู๊ เด๊อ อา หยื่อเอ่แหน่ ลู เนอเต๊เห่ เน๊อ, “เก่ ซี จูเอ่ ปื่อหม่าหนิ แว เตอิซว๊าอี๊แส่ เออเต๊เห่ เฮ๊เนอหม่า, ซี ทวาเฮ๊อ แว โคเจ่ เด๊อ อา ตาเต เต๊เห่ เฮ๊อ.

ฮู๊เนอเรอ จอแปแหร่ อาพู๊คู หม่า แวเออ เก่ ฉิโล๊ ปลวาเถ่แก เฮ๊อ ซี เน๊อ เตซื๊อเตโอ่หร่า เออ เฮ๊เนอ, ซี พย๊าหนิเฮ๊อ เตโอ่ปาลา หม่าแหน่ เฮ๊อ.

เหย่ซี ย๋อ แด๊เฮอ โทโท แด๊เฮอ แซ๊แซ๊ ลู อาขว่าอาคยา, อา ก๊อถ่อ เร๊อ อา เฮ๊ เหย่ซี เน๊อ, “แกแย เด๊อ ซีเกล เตเพรเพร เนอ, อา เก่ เฮ๊ เกอเร๊อ อาเหน่ เร๊อ อาเตซื๊อ โอ่โต่ เฮ๊เนอ, ต่า เหร่อเล๊อมอ เพรเหมาะ เออเตเพร เร๊อ หล่อ เนอ,” อา เฮ๊ ฮู๊เนอ.

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ล๋อ แกแย เด๊อ อา เม เตซื๊อ เนอเต๊เห่ หม่า อา ทวาเฮ๊อ เตซื๊อ หลู่เล๊เฮ๊อ.

แบ่เจ่ เหย่ซู่ ก๊อถ่อ เร๊อ อา แด๊เฮอ ลู เน๊อ, “เพรเหมาะ, เหย่ซี จว๊าโตลอ เบ๊อะเต? อู เมจากาคยา ปา เน เตเพร่ว โต่ แอ?” เร๊อ อา เฮ๊ฉื่อ ลู เน๊อ, “อา โอ่ปา เตเพร่ว โต่.” เร๊อ แบ่เจ่ เหย่ซู่ เฮ๊ ลู เน๊อ, “แว หม่า แว เมจากาคยา เน โต่โต่. กามอ เร๊อ เมปา เต เตซื๊อ แต่เหม่ นี๋,” อา เฮ๊ ลู ฮู๊เนอ.