ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

“แว หม่า แท๊ทือเหมาะ, ซี หม่า อาแพ เต๊เห่. แกแย เด๊อ อา โอ่จิจือหมะ เด๊อ แวกู เร๊อ แว โอ่จิจือ เด๊อ เหย่ซี อากู เต๊เห่เนอ, เหย่ซี เก่ เส่เถ่โพเถ่ เอ๊แหน่เจ๊อ ปา. เมเตเฮ๊เรอ ซี เก่ โอ่ จิจือ เร๊อ แว โต่ เฮ๊เนอ, ซี เมแจ่ เต เตอเจ๋อ โต่.

โอ่จิจือหมะ แลแค เด๊อ แวกู เร๊อ แว เก่ โอ่จิจือหมะ เด๊อ ซีกู ปา. แท๊ทือแพ แตแพแพ เด๊อ อา จิจือหมะ เร๊อ แว โต่ เนอ, อา เส่แถ่ แจ่ เกอเร๊อดื่อ อาเหน่ แตแพ๋ โต่. ฮู๊เนอเฮ๊อ ซี เก่ โอ่ จิจือหมะ เด๊อ แวกู โต่ เฮ๊เนอ, ซี เส่เถ่เบ๊ แจ่ ส่อเส่ เด๊อ อา หม่าดื่อ เมเตแร๊ เออเนอ เตเพร่ว โต่.

ซี เก่ โอ่จิจือหมะ เด๊อ แวกู, เร๊อ แวลาแวโหง่ เก่ โอ่จิจือหมะ เด๊อ ซีกู เก่เฮ๊เรอ ซี ซิหยื่อกุย อิเตเต๋ เบ่เบ่ เนอ, แว เก่ เด๊อะ ซี ปา.

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

เตโม เด๊อ อาดุเล๊อ เน๊อ แกแย เตเพรเพร เด๊อ อา ข่าเซอแก เจ๊อ ซิปล่อ เด๊อ อา โคแบ๊ซว๊า เต๊เห่ อาเงเนอ อา โอ่ ปา โต่ เฮ๊อ.

แท๊ทือแพ เด๊อ อา จิจือหมะ เร๊อ แว เร๊อ อาเส่อาโพ เถ่โต่ เต๊เห่เนอ, อา เก่ ปาแก ลอ ปา. อาแพ เด๊อ อาเส่อาโพเถ่ เต๊เห่เนอ เบ่เบ่, แซ่ฮู๊ อา เก่ เส่เถ่ เอ๊แถ่โป่ อาเงเนอ อา กล๊าแก แลเก่ อาแพ เต๊เห่.

โม เกอเร๊อ ลู เตเพร เร๊อ เตเพร ฮู๊ แว โม เกอเร๊อ ซี เออเนอ นี๋, เออ หม่า หม่าเฮ๊อ แว โหง่เฮ๊แก เฮ๊อ.

เด๊อ ซี เส่เถ่โพเถ่ เอ๊ ส่อเส่ เด๊อ อา หม่าเฮ๊อ เมเตแร๊ เออเต๊เห่ อาขว่าอาคยา, อู เก่ แม๊เถอะ แวเพเตอเรอดุ เตอเรอทู ปา. เด๊อ ซี เส่เถ่เอ๊ ฮู๊เนอ อาขว่าอาคยา, ซี เด๊อะโลเฮ๊อ เร๊อ ซี ทวา แว โคเจ่ เต๊เห่ เฮ๊อ.

“แว หม่า แท๊ทือเหมาะ เด๊อ อา หม่าแหน่ เออต๊อเหมาะ, แวเพ หม่า เกเร๊แบ่เจ่.

แกแย เตเพรเพร เด๊อ อา โอ่จิจือหมะ เด๊อ แวกู โต่ เนอ, อาแซ่เน๊อ ส่อแพ เด๊อ อู วีเถ่แก อา เด๊อ อากลอ, เร๊อ อา โน๊แกคราแก เต๊เห่ เนอแพ๊. ส่อแพ ฮู๊เนอ เต๊เห่เนอ, อูโถ่ปล๊อ อา เร๊อ อู วีโนแก ลู เด๊อ หมิกู เร๊อ อู ชื๊ออือแก อา แพ๊.

แซ่ฮู๊ ซี เก่ ซิครือซิลอ แซ่เกอ ฮู๊ แว ซิครือซิลอ เออ อาเงเนอ, แว แด๊โฉ่โล เป่ เฮ๊อ ซี เฮ๊อ.

ซี เก่ หนิดา หยื่อเอ่ แว โหง่เฮ๊แก เออเต๊เห่ เฮ๊เนอหม่า ซี โอ่จิจือหมะ เฮ๊อ เด๊อ แว เตโม อากู เฮ๊อ. ซี เก่ เม ฮู๊เออ เฮ๊เนอหม่า อา แซ่เฮ๊อ เน๊อ แว หนิดา แวเพ อาโหง่ เร๊อ แว โอ่จิจือหมะ เด๊อ อา เตโมกู เออเนอ เฮ๊อ.

แว โหง่เฮ๊แก เออเนอหมา หม่าเฮ๊อ โม เกอเร๊อ ลู เตเพร เร๊อ เตเพร เออเนอเฮ๊อ.”

ซี เก่ แซ่เน๊อ แกแย เห่ขุพู๊ เออเต๊เห่ เฮ๊เนอ, อา เก่ โม เกอเร๊อ ซี ฮู๊ เหย่ซี แกแย เร๊อดื่อ เนอเต๊เห่ ปา. หม่าแน๊เรอ ซี เนอ, ซี โค๊ดื่อ เน๊อ เหย่ซี เฮ๊อ. แว นว๊าเถ่โค๊แก เฮ๊อ ซี เด๊อ แกแย เห่ขุพู๊ เต๊เห่ อาเกล เฮ๊อ. เหย่ซี ซิเถ่ ซี อาแก่ช๊าแกแร หม่า หม่าเฮ๊อ เด๊อ ซี ย๋อโค๊ดื่อ เร๊อ เหย่ซี เฮ๊อ, โท๊โต่ แว ย๋อ นว๊าเถ่โค๊แก เฮ๊อ ซี เน๊อ เหย่ซี เออ อาขว่าอาคยาเร๊อ เหย่ซี ซิเถ่ซิฮา เฮ๊อ ซี เฮ๊อ.