1
मत्ती 13:23
Halbi
जोन अच्छा भूईं ने बुना गेली, ऐ हुन आय, जोन बचन के सुनुन भाती समजु आय, आउर फर आनु आय; कोनी सव गुना, कोनी साठ गुना, आउर कोनी तीस गुना।”
አወዳድር
{{ጥቅስ}} ያስሱ
2
मत्ती 13:22
जोन लाटा बुटामन ने बुना गेली, ऐ हुन आय, जोन बचन के सुनु आय, मान्तर ऐ जगत चो चिन्ता आउर धन चो धोका बचन के चेपाऊ आय, आउर हुन फल नी आने।
3
मत्ती 13:19
जोन कोनी राज चो बचन सुनुन भाती नी समजे, हुनचो मन ने जोन काई बुनलोर रये, हुनके हुन दुष्ट ऐऊन भाती झिकुन नेऊ आय। ऐ हुनी आय, जोन बाट चो रेटे बुनलोर रये।
4
मत्ती 13:20-21
आउर जोन चचरली भुईं थाने बुना गेली, ऐ हुन आय, जोन बचन सुनुन भाती तुरते हरिक ने मानु आय। मान्तर आपलो ने चेर नी संगातोर लागुन हुन खिन्डिक ची दिन चो आय, आउर जिदलदाय बचन चो लागुन कलेश नाहले झंझट होऊ आय तेबे तुरते ठोकरना खाऊ आय।
5
मत्ती 13:44
“सरग चो राज बेड़ा ने लुकालो बिती धन चो असन आय, जोन के कोनी माने पावलो आउर लुकाऊन दिलो, आउर मारे हरिक ने जाऊन भाती आपलो सपाय काई बीकुन दिलो आउर हुन बेड़ा के घेनलो।
6
मत्ती 13:8
मान्तर खिन्डिक बीज अच्छा भूईं थाने घसरली, आउर फल आनला, कोनी सव गुना, कोनी साठ गुना, आउर कोनी तीस गुना।
7
मत्ती 13:30
काटतो दाय ले दुनो के गोटक संगे बाडुक दिआस, आउर काटतो चो समया ने मय काटतो बितामन ले बलेंदें कि पयले रान बीज चो बुटामन सकलुन भाती जरातो काजे हुनमन चो भारा बान्दा, आउर गऊँ के मोचो कोटार ने रूंड़ा करा।”
Home
Bible
Plans
Videos