1
लूका 6:38
Halbi
दिआ से, तेबे तुमके बले देदे। लोग पुरा नाप चेपाऊन-चेपाऊन भाती आउर हलाऊन-हलाऊन भाती आउर उचरा-उचरी तुमचो कोरा ने रिका दे, कसनबल्लोने जोन नाप ले तुमी नापु आहास, हुनची ले तुमचो काजे बले नापाय जाये दे।”
አወዳድር
{{ጥቅስ}} ያስሱ
2
लूका 6:45
अच्छा माने आपलो मन चो अच्छा भण्डार ले अच्छा गोठमन निकराऊ आय, आउर खराप माने आपलो मन चो खराप भण्डार ले खराप गोठमन निकराऊ आय; कसनबल्लोने जोन मन ने भरली से हुनी हुनमन चो मुंह ने ऐऊ आय।
3
लूका 6:35
मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।
4
लूका 6:36
जसन तुमचो बुआ दयावन्त आय, असने ची तुमी बले दयावन्त बना।
5
लूका 6:37
“दोष नी लगाआ, तेबे तुमचो उपरे बले दोष नी लगा दे। दोषी नी ठेबाआ, तेबे तुमी बले दोषी नी ठेबा से। छमा करा, तेबे तुमके बले छमा कर दे।
6
लूका 6:27-28
“मान्तर मय तुमी सुनातो बितामन ले बलें सें कि आपलो बयरीमन ले मया संगाहा; जोन तुमचो ले बईर करोत, हुनमन चो भला करा। जोन तुमके सराप दे ओत, हुनमन के आशीष दिआस; जोन तुमचो अपमान करोत, हुनमन चो काजे पारथना करा।
7
लूका 6:31
जसन तुमी मन करसास कि लोग तुमचो संगे करोत, तुमी बले हुनमन संगे असने ची करा।
8
लूका 6:29-30
जोन तुचो गोटक गाल ने थापड़ मारो हुनचो बाटे दुसर के बले फेरून देस; आउर जोन तुचो अन्गोची के झिको, हुनके कुड़ता धरतोर ने बले नी ठेबाव। जोन कोनी तुचो ले मांगो, हुनके देस; आउर जोन तुचो तीज झिकुन धरो, हुनचो ले नी मांग।
9
लूका 6:43
“कोनी अच्छा रूक निआय जोन खराप फर फरो, आउर ना तो कोनी खराप रूक आसे जोन अच्छा फर फरो।
10
लूका 6:44
सपाय कोनी रूक आपलो फर ले चिताया जाऊ आय; कसनबल्लोने लोग बुटामन ले अंजीर नी टुटा ओत आउर ना बुटा बोर ले अंगुर।
Home
Bible
Plans
Videos