ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Bo ghɨnə mɛ́tɨ́ a ndzɨ́ə, Yeso a bitɨ a Samɔn Bita ngə́, “Samɔn mɔn Yoane wu mbáŋnɨ́, o kɔŋ aghan ntsa adzaŋ za bə mɔʼɔ benə kɔŋnɨ le?” Samɔn Bita a chwɨ́gɨ́ ngə́, “Eŋə a Maʼmbyí, o zhi ngə́ ma kɔŋ agho ə.” Yeso a tíʼ sóŋ wəmbo ngə́, “Lətu nɨ ɨbɔ bɨ mbyindzɨ ɨban biŋ ə.” Ɨ bə kwiʼ zɔŋtɨ a nye nkfu tsi bá, Yeso a bítɨ́ ngə́, “Samɔn mɔn Yoane wu mbáŋnɨ́, o kɔŋ aghan le?” Samɔn Bita a chwɨ́gɨ́ ngə́, “Eŋə a Maʼmbyí, o zhi ngə́ ma kɔŋ agho ə.” Yeso a sóŋ wəmbo ngə́, “Lətu nɨ mbyindzɨ ɨtsan tsiŋ ə.” A nye nkfu tsa tsɨ kúʼnɨ́ tsi tárə́, Yeso a bítɨ́ ngə́, “Samɔn mɔn Yoane wu mbáŋnɨ́, o kɔŋ aghan le?” Bita a tíʼ ntsí nɨ adzə́ŋnɨ mbɨ́ʼ ngə́ Yeso a bítɨ́ ayi a nye nkfu tsa tsɨ kúʼnɨ́ tsi tárə́ ngə́, “O kɔŋ aghan le?” Ma lan, a tíʼ nchwɨ́gɨ́ wəmbo ngə́, “Maʼmbyí, o zhi anu atsum ə; o zhi ngə́ ma kɔŋ agho ə!” Yeso a sóŋ wəmbo ngə́, “Lətu a nye mbyindzɨ ɨtsə.

Ma sǒŋ nkənu a mbó gho ghe; mbáʼ o bvúrɨ́nɨ́ ngwaʼ ngwasom, o kə́ ngwə́gɨ́ ɨtsɛʼ ɨtso ngěn agho adiʼ atsum za o kɔ́ŋnə́; lá mbáʼ o ghɨnɨ bé tankaŋ, o mɨ shiŋ mbó ɨmo, á ŋwɔn adaŋ a wəgɨ atsɛʼ azo ntiʼ ndɔgɨ agho ngɛn nɨ gho adiʼ wa ka o kɔŋ agho ngěn ghe.”

Wɛrə a sóŋ a mbó bo ngə́, “Tamnə nɨghoŋ ɨnən a bagɨ abó maʼə zə abáŋ a nkyi za, nɨ mɨ ko ɨshwú ə.” Ma lan, bo tám nɨghoŋ na ntiʼə ngúʼ ɨ bə shwuŋ ɨ bən nɨ nɛrə nɨ ndzum kɨ́káŋ mbɨ́ʼ ngə́ bo kó ɨshwú ɨ gháʼ ntsa mbó ə.

Samɔn Bita a sóŋ a mbó bə mɔʼɔ ba ngə́, “Ma ghěn aghan achwiʼ ə.” Bə mɔʼɔ ba sóŋ wəmbo ngə́, “Bɨgɨ mɨ zɔŋ agho.” Ma lan, bo fú abyɛn ngɛn nkon a mu abáŋ a nkyi ngɛn achwiʼ wa. Lá a mu ɨtfúʼ wa ɨtsum, bo sé ɨshwú zɨ tse koə.