ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Yesuus ixxuwwina «An heechcha uwwoommi hurbaata. I beyyo waarookkokim sibaarooyyo. Eesenne amma'nnookkokim hore'em xeebe'ooyyo.

Heechcha uwwookkok Keesammi Ayyaana bagaan maar maham awwaadooyyo. An ki'nnuwwina wocummi sagar heechchaa ayyaanaa» yukko.

Bi'oo hurbaatina baxxakkotte; ihukkaarem Manchi Beet uwwoo heer heerina hee'oo hurbaatina baxxehe. Mashka'oomim anni Waa'i ixxonne koobo'o koobaakko» yukko.

Iyyanni hasookkok Beeto moo'aa ixxonne amma'nnookkok hundim heer heerina hee'oo heechcha siixxoo'isinatte. Anim ixxo lasaanchi ayyaamonne lehiinsi ki'isoommo» yukko.

Yesuus ixxuwwina dabaraa «Waa'i ki'nnuwwi issitakkona hasoo bax ixxi asse'ukkaannonne amma'nnitakkonatte» yukko.

Iyyanni iina uwwukkok hundim i beyyo waarookko. Ee i beyyo waarookkokam an biiranne holloommoyyo.

Pheexiroosa yakkam Simi'oonim ixxena dabaraa «Moollanna! Neese ayyi beyyo malloommo? Ki sagar heer heerina hee'oo heechcha uwwoohane.

Iimaniinsi dillu heechcha uwwoo hurbaat anette. Ayyim ka hurbaatiinsi itulas heer heerinam hee'ookko. Ka uulli minaadabina heechcha uwwoo'isina an uwwoommi hurbaat i maara» yukko.

Eese asse'u Iyyanni i beyyo worubeelas ayyim i beyyo waareena xanooyyo. Ixxom lasaanchi ayyaamonne lehiinsi ki'isoommo.

Mashka'oomim Waa'i uwwu hurbaat mannina heechcha uwwookkok iimaniinsi dillukkane» yukko.

An heechcha uwwoommi hurbaata.

Manni afuuraa lasage Yesuus ee qorosho'o aa'aa Waa'a galaxxaa ee afuuru mannina baxxansukko. Ee'isam qurxumme'em ixxuwwi hassoqaxa baxxansukko. Ixxuwwi itta'a goddita'a lasage ixxi losaanina «Beyyonne gatu giggiriinsi mahim gatoobee'isa ki'issehe» yukko.

Ixxuwwi onto te'im loh kiilomeetira ihooqaxa matto'isam dambalaq hanenne Yesuus taakke'ukkuuyyi wongi'l kollonne hincukkuuyyi moo'lla'a baddito'o. Ihukkaarem Yesuus ixxuwwina «Anette; badditakkotte!» yukko.