ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Avanekaniva Sése àlɛle ndé: «Taate chindele baate muɛne maambe ma bɔ bàsade. Muti bɔ basatchikese maambe muɛne vɛ.» Bɔ nibàsade kɛnge a sɔle mu yabe mutu wukibɔnge mangoyi ma Sése.

Sése nàkale ndɛ ndé: «Mumbuli mɛ lɛle wɛ mé baande lɔlɔ, wɛ ka nɛme wɛ kibade gu itchige cha inionge.»

Avane mubongi wuwàsɛmbe mbɛgi nàlɛle Sése ndé: «A Sése, ibángele mɛ va wɛ káyade gutsɔ Buyumune bua wɛ.»

Sése nàyambele mbuli ambuli ndé: «Taate. Mɛ ka Lenioni lɛme mɛ tamene mu makake ma wɛ.» Ndɛ mane yambele, nàsose mufudi.

Va bagɔdi bàtɔde va itchige chibatɛde ivanze, bɔ nibàkɔmene Sése na mibongi muɛne. Awunewu mubongi ngule a mbagele awone ngule a kaase.

Va lekɛse la muangele, ifunde nichàkogele tsɛnge yotchi kuange na va letɛdi larɛkene. Tsaande yi bàdibege itini cha nzɔ Nzɛmbi cha buyimbe niyàkasege va kɛti.

Ivonde cha bagɔdi wa muchi Rɔme àmɔne buni maambe màviɔge, nàkàkese Nzɛmbi nàlɛle ndé: «Mutu wunewu ka mutu wuwayɛbene abédi.»