ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

पंण्मिश्वर आत्त्मा असो, अरह् ऐजो जरूरी ही असो; के तिनकी आरार्धना कर्णो वाल़े, आत्त्मा, अरह् सच्चाई शी तिन की आरार्धना करह्।”

परह् सेजा बख्त आँदा लागा मतल्व आऐ रूआ, जबे साच्चै आरार्धना कर्णो वाल़े भगत्त लोग, आत्त्मा अरह् सच्चाई शी परंम-पिता की आरार्धना कर्ले; किन्देंखे के परंम-पिता पंण्मिश्वर ऐष्णें ही आरार्धना कर्णों वाल़े चहाँव।

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

तबे तिऐं तिरंई ऐं प्रभू यीशू खे बुलो, “हे महाँराज! तुँओं कैई कुँऐ शो पाँणी ऊबो गाड़्णों खे किऐ भे ने आथी; अरह् ऐजा कुँवा तअ बैजाऐ नींगुवा असो; तअ तबे तुओं सेजो अमर जीवन को जल केथै शो भेंट्दो?

तिऐं तिरंई ऐ प्रभू यीशू खे बुलो, “हाँव जाँणू ऐ के मसीया जेस्खे ख्रीस्त बुली, से आँणों वाल़े असो; अरह् जबे से आले, तअ आँमों कैई बादी बातो बुली देंदे।” प्रभू यीशू ऐ तियों खे बुलो, “मुँऐं, जेने ताँव्खे बुली लो; ‘हाँव सेजा ही’ असो।”

“चालो, ऐक आदमी देखो, जिन्ऐं मेरे जीवन की बादी बातो शुँणाँऐ दिती; झुण्जी किऐ मुँऐ करी थंई थी; कंद्दी ऐशो ने हंईयों के सेजे ही ‘मसीया’ हले?”