ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

पाप बड़होः रे केय्यो झन होड़कू राः परेम तकू लड़ेजुआ, लेकिन जे अखरी अँगम मेनते धीराजिय सबताआ, हें-निय उबारा।

अवुर राज राः बढ़ियाँः खभेर सींड़ जातकू थरे गोवाही होयाः लगड गोटा चँवदीस रे परचार होयाआ, हेंडे अन्त होयाआ।”

अपे लड़नी उपर लड़नी राः चरचा पे अँजोम रे, अलोपे बो-रू, कहेकि न घयते होयाः जरूरी इदाना, लेकिन हेना तोलोग अन्त एरो होया एना।

कहेकि अनजातकू अनजातकू सुदा, अवुर एटाः राज रेनकू एटाः राज रेनकू सुदा कू लड़ायुआ, अवुर जघीन जघा ते अकालेआ, अवुर भुईडोल होयाआ। नआँ सगोर बिपेत मेजुः राः बोंहड़ित हवे।

अगस अवुर धरती मेटियोआ, लेकिन ईञाः टेबोः कबोह एरो मेटियो एना।

अखीर होड़कू इंञ ञुमू ते मेजकोः तेकू कहनियाँ, ‘इंञ मसीहा हवे’ मेनते, अवुर अखीर होड़कू कू बहकोआ।

हेना तोलोग होड़कू ससीत पे लगड अपेकू एर पकड़ो पेआ, अवुर कू ञेंड गोज पेआ, अवुर इंञ ञुमू राः चलते ते अपे सगोर जात रेनकू मेरंग वपेआ कू। हेना तोलोग केय्यो झन राः बिसवास टोविजुआ, अवुर कू एर पकड़ो ओड़ेंगा, अवुर कू मेरंग ओड़ेंगा। अवुर केय्यो झन ठक-लबरा भविस्यवक्‍ताकू मेजुआ, अवुर केय्यो झनकू बहको कुआ।

हेना वरी ईसु जबाब वडकुआ, “सँवचेती तेपे दोहोनू, होड़कू रे अलोपे एर बहकोः जहानू।

हेनाते अपे हो तयार पे दोहोनू, कहेकि जे समय अपे मेने पे पसींदेआ, हेनेन तोलोग इंञ होड़ होपोन मेजुआ।”

हेनाते जाग जाग तेपे दोहोनू, कहेकि अपे रेनिय परभु करा चेकाय मेजुआ, हेना अपे मेन पे पपाड़ी तना।

“हेना दिन अवुर हेना समय मतलोब इंञ मेजुः हेना दिन राः बारे ते कनय मेने पपाड़ी तना, न सरग रेनकू दूतकू अवुर न होपोन तू, बस अपा भर पपाड़ी तना।

कहेकि झूठा मसीहा, अवुर झूठा भविस्यवक्‍ताकू रिम चड़ाआँ, अवुर बडे बडेआ चिन्ह, अवुर अदभूत काम कू तीबा, ताकि अगर हो सके रेदो चुनो केडकुः हेंकू होकू बहको कुआ।

जेयसे नूह राः जबाना रे होया एना, हेन घयते इंञ होड़ होपोन मेजुः हेना हो होयाआ। कहेकि जेयसे दाः तेकू डुबो एन वरी पहिल ते, नूह जहाज रे अनायीनिय रकब मेन दिन, होड़कू जोमुः चरोः दोहो एनकू, अवुर कू बर बियाहुः दोहो एनु। अवुर दाः ते सींड़कू अनायिन तू गोःकू मेन दिन, हेंकू कनर मेने कू पता गडा; हेन घयते इंञ होड़ होपोन मेजुः रेहो होयाआ।