ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

TAPANGAW, o mipalmeday Kiso to mo^celay a tamdaw. Matiya o sapatada ko sini'ada Iso a midipot i cangraan.

Matngil Iso ko ngiha' ako to dafadafak, yo masadak ko cidal i, pasayni kako i Tisowanan a milongoc, mitala kako to pipaca'of Iso.

Nikawrira, oya miki'adingay i Tisowanan a tamdamdaw i, nanay mararid cangra a lipahak a mahmek a romadiw. Nanay dipoten Iso koya maolahay i Tisowanan. Ta pakayni i Tisowanan ko sakalata'ang nangra a lipahak.

TAPANGAW, ira ko 'ada i taliyok ako a misa'imer. Nanay kriden Iso kako i mo^celay a lalan, ta pakado^do kako to nafaloco'an Iso, pahapinangen haca Iso ko malorarakaten ako.

Hongtiaw ako, Kawasaw ako, tngilen ko pitahidang ako a milongoc to pipadama Iso. TAPANGAW, pasayni kako i Tisowanan a milongoc.