ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Asəmə mbən yi mə ni ika Amaʼazənə Azugə zayn zayn mi inyi ungɨŋ inen. Anigə mbən yi sə iyeŋ yə ghayn anó da aŋu ungɨŋ Yerusanem, ingɨŋ usin ujum mbəŋə umə Judeya foro ungɨŋ usin ujum mbənə umə Samariya. Umbi ghayn ney iŋu pey akə inwi isəg.”

Yə ywiri abú úŋwən kwi, “Akaʼa ma injən asin ikyay aney kə amaʼ wu mbaʼ si sey amaʼ wu akə ika ma.

Amaʼazənə yə́ mə́ aboʼo úŋwən, yə́ chere úŋwən kwi, “Ka mbən noʼo ngwen Yerusanem anigə mbən chomo aba awu ni nəmə uneʼe ŋunə mə́ ghayn inen da úŋwən. Amə uneʼe ŋunə uŋu mbaʼ kaʼ kwi iyi naʼ inen. Jon mə́ naʼa une asɨmə ungɨŋ buŋ unəy moʼ Nwiye yi naʼa Azugə zayn zayn inen.”

Amaʼazənə yə́ si zəw ingəʼ iku, ighəy zəmə, yə tey inyo ma abú úŋwən akə inji nanaʼ da úŋwən kyay kwi i yə yi ika. Yə́ mə́ duw ifigi uma iŋu pey akə unəy ighumi kyugə. Umugə yə́ mə́ duw nigə, yə́ mə́ ghayn anó da anó ufon Nwiye abú úŋwən.

Amaʼazənə yə si ghayn ney, umugə mbə niŋi aghɨ inyo ma Nwiye num uŋwən azobo anigə ipaʼ kən úŋwən kwi ka uzən ma uŋwən.

Umugə mbə niŋi aghɨ ni iney mugə umə ŋuw azobo, u sə ŋu zən, anóm ubigə moʼ nu u zi ndwi fəw u təm iyad uma. Mbə anóm wu ghayn kwi, “Anom Galeli, mbən təm akəŋ ni ney azobo da ngiya? Yeso ŋunə Nwiye numi injən akaʼa ni ŋuw azobo yi gha wene izaʼa aba anji zənə mbən zən uŋwən umə iŋuw.”