ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

رزُّوْث ذ اَمزْوَارُو خ ڒْمُلْك ن أَربِّـي ذ ثُوْذَارْث إِݣ يدْجَان نِيشَان، سّنِّي ثِمسْڒَايِين-أَ مَارَّا اَذَاوم مَارْنِينْت.

وَار كسِّيث بُو س ومْنُوْس إِ مِين غَا يوقْعن ثِيوشَّا، أَقَا ثِيوشَّا اَذ ييْسِي نِّيث س ومْنُوْس إِ يِيخف نّس. ڒْهمّْ إِي د يمظهَّارن نْهَار نِّي اَذ يكْفَا نْهَار نِّي.

خ مَانَايَا اَذَاوم ينِيغ: وَار كسِّيم شَا س ومْنُوْس إِ ثُوْذَارْث نْوم عْلَاحْسَاب مِين غَا ثشّم نِغ ذ مِين غَا ثسْوم نِغ ذ اَرُّوْض إِي غَا ثحْذَاجم إِ دَّات نْوم. مِينْزِي ثُوْذَارْث-أَ تْسݣّْوَا كْتَار زِي مَشَّا. دَّات-أَ تْسݣّْوَا كْتَار زݣ وَارُّوْض.

وَلَكِن شك خْمِي غَا ثࢲَّادْجذ، أَذف غَار وخَّام نّش قّن خَاك ثَوَّارْث، ࢲَّادْج إِ بَابَاش يدْجَان مَانِي وَار ث يتْوِيڒِي حَدّ. بَابَاش إِݣ يࢲرّن مِين يتْوَاݣّن س ثْنُوْفْرَا اَتَاف اَش يجَازَا.

هَا مَامّش إِي غَا ثࢲَّادْجم: آ بَابَاثْنغ يدْجَان ذݣ وجنَّا، ذ اَمقّْرَان إِݣ يدْجَا يِسم نّش. أَذ د يَاس ڒْمُلْك نّش، أَذ ݣّن ڒْخَاضَر نّش ذِي ثْمُوْرْث، مَامش تݣّن ذݣ وجنَّا.

ؤُش-اَنغ كُڒ نْهَار اَغْرُوْم إِي غَا نحْذَاج.

غْفَر-اَنغ ڒْمُعْصِيَاث نّغ إِ نشِّين، مَامّش نْسمّح إِ يِنِّي إِي كِذْنغ يخطَّان.

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

مڒَا ثْسمّْحم إِ يِوْذَان ذݣ ؤُخطِّي نِّي إِي كِذْوم يخطَّان، أَتَاف بَابَاثْوم يدْجَان ذݣ وجنَّا ؤُڒَا ذ نتَّا اَذَاوم يغْفَر.

خْزَرث مْلِيح غَار يِجْضَاض وجنَّا. وَار زرّْعن، وَار مجَّارن، وَار خزّْنن ذِي ثسْڒَافِين. وَلَكِن بَابَاثْوم إِي يدْجَان ذݣ وجنَّا إِي ذَاسن يتِّيشّن اَذ شّن. كنِّيو، مَا وَار تْسݣّْوِيم شَا اَطَّاس س وَاطَّاس خ يِجْضَاض؟

وَار سْنُوْفُّوْرث شَا ڒْكنْز نْوم ذِي دُّنشْت-أَ مَانِي يَرشَّا تتّنْت-ث ثْكشَّاوِين ذ مَانِي دْجَان يشفَّارن شَّاثن نْقَابث تَاشَارن-ث. وَلَكِن سْنُوْفَّرث ڒْكنْز نْوم ذݣ وجنَّا مَانِي وَار يَرشِّي شَا وَار ث تتّنْت شَا ثْكشَّاوِين ذ مَانِي وَار دْجِين شَا يشفَّارن شَّاثن نْقَابث تَاشَارن-ث. أَقَا مَانِي يدْجَا ڒْكنْز نّش، ذِنِّي إِي غَا يِيڒِي وُوْڒ نّش.

وَار يزمَّر شَان يِجّن اَذ يِيڒِي ذ اَخدَّام غَار ثْنَاين ن سِيَاذِيس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّر. أَذ تْخذْمم إِ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين.

مڒَا أَربِّـي يتِيشّ اَرُّوْض زَعْمَا إِ اَرْبِيع ن ڒخْڒَا إِݣ يدْجَان نْهَارَا اَذ يحَرق ثِيوشَّا ذݣ وفَرَّان، مَا وَار يتݣّ اَكِذْوم كنِّيو كْتَار؟ ذَايْوم لْإِيمَان نْوم ذ ؤُقْلِيل.

وَلَكِن شك خْمِي غَا ثْصدّْقذ إِ شَان ن يِجّن، ئِتْخصَّا فُوْس نّش اَࢲڒْمَاض وَار يتسّن مِين يتِيشّ فُوْس اَفُوْسِي نّش. حمَا صَّذَقَا نّش اَذ تْوَاݣّ س ثْنُوْفْرَا. ذ بَابَاش أَربِّـي إِݣ يࢲرّن مِين يتْوَاݣّن س ثْنُوْفْرَا اَتَاف اَذَاش يُوْش لْأَجَار.

غَارْوم اَذ تݣّم ڒْخِير زَّاث إِ يِوْذَان حمَا اَكنِّيو ࢲرن، أَتَاف وَار غَارْوم يتِيڒِي بُو لْأَجَار زِي بَابَاثْوم يدْجَان ذݣ وجنَّا.

خْمِي غَا ثْࢲُوْمّم، وَار تݣّم شَا اَمشْنَاو مَامّش تݣّن لْمُنَافِقِين. تْخيَّاقن حمَا مَارَّا يوْذَان اَثن سّْنن بلِّي ࢲُوْمّن. أَقَا تسْڒَام ڒْحَقّ: أَتَاف وَار غَارْسن يتِيڒِي بُو لْأَجَار. وَلَكِن شك خْمِي غَا ثْࢲُوْمّذ، سِيْرذ اَغمْبُوْب نّش مْشض اَشوَّاف نّش، حمَا يوْذَان وَار تسّْنن شَا قَا شك ثْࢲُوْمّذ. وَلَكِن سِيذِي أَربِّـي يدْجَان مَانِي وَار ث يتْوِيڒِي حَدّ، نتَّا إِݣ يسّْنن. أُو سِيذِي أَربِّـي إِݣ يࢲرّن مِين يتْوَاݣّن س ثْنُوْفْرَا اَتَاف اَش يجَازَا.