ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

Hamba ne wanhu si wakolelezaga tala no kuyigubiciza ne nhoto, langa yiwikagwa hacanyha, ha wuwiko wayo, ho yiwamulicile wose wono wali mumo mu nyumba. Nha vivyo vyo yinojeye no wuzelu wenyu wumulice hali wanhu, ho wagawone imetumo genyu maswanu, nawo wamulumbe u sogo yenyu wa ku wulanga.

“Anye muli wuzelu we yinze! Ikaya yono yizenjigwe mwitunda mucanyha, siyosuma kwihundika.

Wamoti wono wena nhumbula nzelu, hambi nha womuwona u Mulungu.

Wamoti wono wena nzala ne nyhilu, yo kwituma zo wuhile wo Mulungu, hambi u Mulungu nha kowegutya.

Ninga ane nghumutyenyi, ‘Muwendaje iwalugu wenyu, kanyhi mweze kuwalombela wono wakumugazenyi nyenye

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Wamoti wono wakwituma so wulondola mulamu hambi nha wocemwa wana wo Mulungu.

Wamoti wono wena wukalale, hambi nha wosindamikwa.

Wamoti wono wakugazwa ku soko yo wituma zo wuhile wo Mulungu, hambi u Wutemi wa ku wulanga nha wawo!

Wamoti wono wena u lusungu kuli wanji hambi nawo nha wowonelwa u lusungu no Mulungu.

“Muli wamoti nyenye, kolo wanhu wakumulijenyi, no kumugazenyi, no kumusulenyi, kanyhi no kumulonjenyi makani mabi ku soko vyono muli watyatyi wangu. Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Wamoti iwapolo, hambi nha wopegwa iyinze.

“Anye mwinha muli mwino mu yinze! Ninga u mwino hono wususulice, wogomolezezwa na cici kanyhi ndaso yayo? Awo wukuwa si wukwiliye cinji kanyhi, langa wutagagwa kunze no kukanyanjilwa ne wanhu.

Holeka mweze mukwilaniciye, nha vyono u Senyu wa ku wulanga yakwilaniciye.

Hono wutye ‘Heya’ ale yiweze ‘Heya du!’ Na hono wutye ‘Ngʼo’ ale yiweze mbeka ‘Ngʼo’. Na yo yose yono yitimile zizo, yilawaga kuli ayulya u Mubi.

“Mwahulika vyono yalongwa, ‘Liso na liso liyagwe, lino na lino liyagwe.’ Ninga ane nghumutyenyi, wulece kumulipiciza u munhu mubi. U munhu hono yakutowe kofi mu luzagasa lo kulume, ale wumupitusizaje no luzagasa luyagwe.

Holeka, hono iliso lyako lyo kulume likusutizye, ale wuliwusaje wulitaje kutali. Yili ciba muno kuliʼgwe, wajilize cilunzwa cimonga co muwili, si nho kutagwa u muwili wako wose mu moto. Na hono u muwoko wako wo kulume wukukusutizya, ale wuwudumulaje no kuwutaga kutali. Yili ciba muno wajilize cilunzwa cimonga co muwili, si nho u muwili wako wose wutegulwe mu moto we Gehena.